សោក​ស្ដាយ! គុយ លី ទី២ សុខចិត្ត​លាឈប់​ពី​ការងារ​ មក​ប្រឡង​ចម្រៀង​ ចុង​ក្រោយ​No ទាំង​អស់, គុយ លី ស៊ីន ​លើក​ទឹក​ចិត្ត​ថា…(មាន​វីដេអូ)

និយាយ​ដល់​ឈ្មោះ គុយ លី ប្រិយមិត្ត​មួយ​ចំនួន​ទំនង​ជា​ បាន​ជ្រាប​រួច​មក​ហើយ​ថា ដំបូង​ឡើយ​រូប​លោក​ គ្រាន់​តែ​ជា​អ្នក​ចូល​ចិត្ត​ថត​វីដេអូ​ច្រៀង​លើ​បណ្ដាញ​សង្គម បន្ទាប់​ពី​ទំនេរ​ការ​ងារ​​ជា​កម្មករ​ចិញ្ចឹម​បង្គា ក៏​ដូច​ជា​សំណង់ នៅ​ប្រទេស​ថៃ​ប៉ុណ្ណោះ។

គេ​សង្កេត​ឃើញ​ថា ​វីដេអូ​របស់​តារា​ចម្រៀង​ពលករ​លើ​បណ្ដាញ​សង្គម​​​រូប​នេះ ទទួល​បាន​ការ​ចាប់អារម្មណ៍​ជា​ខ្លាំង​ទាំង​នៅ​ប្រទេស​កម្ពុជា ក៏​​ដូច​ជា​នៅ​ប្រទេស​ថៃ។ អាច​ថា លោក ឧកញ៉ា ឡេង ណាវ៉ាត្រា ​ក៏​ជា​Fans ម្នាក់​ ដែល​គាំទ្រ​គុយ លី ​ផង​ដែរ រហូត​ដល់​លោក​មាន​ចិត្ត​អាណិត​បាន​ហៅ គុយ លី មក​រស់​នៅ​ផ្ទះ ព្រម​ទាំង​ឲ្យ​កាន់​ការងារ​​ធំៗ ថែម​ទៀត​ផង។

បច្ចុប្បន្ន ក្រៅពី​កាន់​ការងារ​ធំៗ​ហើយ​នោះ គុយ លី ក៏​ឆ្លៀត​និពន្ធ​បទ​ចម្រៀង​សម្រាប់​តារាចម្រៀង​នៅ​ផលិតកម្ម​Galaxy Navatra​ផងដែរ​។ អ្វី​ជា ការ​កត់សម្គាល់​នោះ ស្រាប់តែ​ថ្មីៗ​នេះ លេច​មុខ​បេក្ខជន​ម្នាក់​មាន​សំឡេង​ស្រដៀង​ទៅនឹង​អតីត​កម្មករ​ចិញ្ចឹម​បង្គា​រូបនេះ​​មក​ប្រឡង​ចម្រៀង។

​នៅក្នុង​កម្មវិធី​Cambodian Idol​រដូវ​កាល​ទី​៤ វគ្គ​Jugde Audition សប្ដាហ​ទី​៦ បេក្ខជន​ម្នាក់ ឈ្មោះ សំ កំសាន្ត អាយុ​២៧​ឆ្នាំ មកពី​ខេត្តតាកែវ បាន​លើកយក​បទ​ចម្រៀង​មួយ​បទ មាន​ចំណងជើង​ថា «​ស្រក់​ទឹកភ្នែក​លើ​ខ្នង​ក្របី​» យកមក​បង្ហាញ​សមត្ថភាព​នៅ​ចំពោះមុខ​គណៈកម្មការ​។ តែ​រូបគេ​ធ្វើ​មិន​បានល្អ​នោះទេ ដោយ​មិន​ទទួលបាន​«Yes»​សូម្បីតែ​១​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ទោះយ៉ាងណា សំឡេង​របស់​បេក្ខជន​ ដែល​ទើប​លាលែង​ពី​ការងារ​ដើម្បី​មក​ប្រឡង​ចម្រៀង​រូប​នេះ ត្រូវបាន​អ្នកទស្សនា​មួយចំនួន​យល់ឃើញ​ស្រដៀង​ទៅ​នឹង គុយ លី រហូតដល់​អ្នកខ្លះ​ហៅ​រូបលោក​ថា ជា​គុយ លី ទី​២ ទៀតផង។

ជាក់ស្ដែង ពួកគេ លើកឡើង​ដូច្នេះ​ថា «​សំឡេង​ស្រដៀង​បងគុយ​លី​, សំឡេង​ដូច​លោក​គុយ​លី​អញ្ចឹង​, គុយ​លី ទី​២ ពីរោះ​បង»​។ ចំពោះ​គុយ លី ផ្ទាល់ ក៏បាន​ចូល​មើល​វីដេអូ នៅក្នុង​បណ្ដាញ​សង្គម​យូ​ធូប ផងដែរ ហើយ​បាន​ត្រឹម​លើកទឹកចិត្ត​បេក្ខជន ដែលមាន​សំឡេង​ស្រដៀង​ខ្លួន​ថា «​ស៊ូៗ​បង​»៕ សូម​ទស្សនាវីដេអូ​ខាងក្រោម ៖ ​


Related posts

Leave a Comment