អបអរ! ពិធី​មង្គលការ​កូន​ប្រុស​ច្បង​​ គង់ សុជាតិ​ ព្រឹក​នេះ​ ធ្វើ​ឡើង​យ៉ាង​អធិកអធម​​​ ខណៈ​អ្នក​ចូលរួម​សុទ្ធតែ…


គេ​នៅ​ចាំ​បាន​ថា អ្នកនាងគង់ សុជាតិ ​បាន​រៀបការជាមួយ លោក ជា វិបុល កាលពីថ្ងៃទី០៩ ខែ​វិច្ឆិកា ឆ្នាំ​២០១៣ នៅសណ្ឋាគាអាំងទែរកុងទីណង់តាល់ ដោយចំណាយថវិកាជាច្រើនម៉ឺនដុល្លារ។ ក្រោយរៀបការ បានប៉ុន្មានឆ្នាំ ពួកគេ ក៏ទទួលបានចំណងដៃកូនស្រីដ៏គួរឲ្យស្រឡាញ់ម្នាក់។


មុននឹង​រៀបការ​ជាមួយ​លោក​ជា វិបុល​នោះ អ្នកនាង​គង់ សុជាតិ មានកូន​២​នាក់​ក្នុងបន្ទុក ​ដែល​ជាដំណក់ឈាមរួមគ្នាជាមួយ លោក វិសាលភាព។ ក្រោយលែងលះគ្នា អ្នក​ទាំង​ពីរ​ នៅ​រាប់អាន​នឹង​គ្នា​ធម្មតា ហើយពេលនេះ កូនរបស់ពួកគេពេញវ័យអស់ហើយដែរ។

ក្រឡេក​មក​មើល​អាយុ​របស់​លោក​ជា វិបុល ប្អូន​អ្នកនាង​គង់ សុជាតិ ចំនួន​៣​ឆ្នាំ ប៉ុន្តែ​លោក​ជា​វិបុល បាន​ដើរ​តួនាទី​ជា​ប្ដី​ល្អ ជា​ឪពុក​ល្អ តែងតែ​ផ្ដល់​ក្ដី​ស្រឡាញ់​ដល់​អ្នកនាង​គង់ សុជាតិ និង​ចាត់ទុក​កូន​ប្ដី​មុន បីដូច​ជា​កូនបង្កើត​របស់​លោក ជាមួយ​នឹង​ការ​មើល​ថែ ពួកគេ បាន​យ៉ាង​ល្អ​ផងដែរ។

កាលពីថ្ងៃទី២១ ខែតុលា ឆ្នាំ២០២០ កន្លងទៅ កូនប្រុសច្បង របស់អ្នកនាងគង់​ សុជាតិ បានភ្ជាប់ពាក្យជាមួយ នារីដ៏ស្រស់ស្អាតម្នាក់។ ក្រោយរង់ចាំអស់រយៈពេលប្រមាណជិត២ឆ្នាំ ទីបំផុតនៅថ្ងៃទី១៨ ខែមិថុនា ឆ្នាំ២០២២នេះ កូនប្រុសច្បងរបស់ពិធីការិនីរូបនេះ បានដឹកដៃភរិយារូបស្រស់ ចូលរោងការតាមប្រពៃណីហើយ។


ពិធីសិរីជ័យមង្គលរបស់កូនប្រុសតារាជើងចាស់ដ៏ល្បីល្បាញរូបនេះ បានរៀបចំតុបតែងយ៉ាងប្រណីត និង អធិកអធមមិនធម្មតានោះទេ។ នៅក្នុងកម្មវិធីពេលព្រឹកនេះ គេក៏ឃើញមានវត្តមានភ្ញៀវកិត្តិយសសុទ្ធតែជាអ្នកសិល្បៈ និង អ្នកមានមុខមាត់ក្នុងសង្គម ដើម្បីមកចូលរួមជូនពរដល់គូស្វាមីភរិយា។

នៅព្រឹកដដែលនេះ ទំព័រហ្វេសប៊ុក Seng Hok Heng បានបង្ហាញទិដ្ឋភាពទាំងមូលនៃពិធីនេះ ដែលធ្វើឡើងនៅThe Premier Centre Sen Sok ឃើញថា ការការរៀបចំតុបតែង ព័ស្តុភារ​បណ្ដាការល្អប្រណីត មានផ្កាភ្ញីស្រស់ៗ។ ចំណែកឯកូនកំលោះកូនក្រមុំក៏ស្រស់ស្អាត និង ស្រស់សង្ហា​ស័ក្ដិ​សម​នឹងគ្នាខ្លាំងណាស់៕

Related posts

Leave a Comment