ជោគជ័យ ទាំងមិនបានត្រៀមខ្លួន! ទុំ សុវត្ថិ ក្លាយ​ជា​ទូត​សុឆន្ទៈ​របស់ ​HUAWEI ខណៈ​ម្សិល​មិញ​រូប​គេ​ថែមទាំង…​

និយាយ​ដល់​ឈ្មោះ ទុំ សុវត្ថិ នោះ ប្រិយមិត្ត​ច្បាស់​ជា​ជ្រាប​សឹង​គ្រប់គ្នា​រួចមកហើយ​ថា រូបគេ បាន​ប្រែក្លាយ​គ្រោះ​ក្លាយ​ជា​លាភ ក្រោយពី​ទទួល​បាន​ការ​គាំទ្រ​ច្រើន​ពី​មហាជន បើ​ទោះ​រូបគេ​ត្រូវ​ធ្លាក់​ចេញពី​កម្មវិធី​Cambodian Idol​ត្រឹម​វគ្គ​Jugde Audition​ ក្រោម​ការ​សម្រេច​ចុងក្រោយ របស់​លោក ឆន សុវណ្ណរាជ ក៏ដោយ​ចុះ។


បច្ចុប្បន្ន ទុំ សុវត្ថិ ត្រូវ​បាន​មហាជន​ស្គាល់​ស្ទើរ​តែមួយ​ប្រទេស​ទៅ​ហើយ ដោយ​អាច​និយាយ​បាន​ថា ល្បី​ជាង​ម្ចាស់​ពាន​ទៅទៀត​នោះ ហើយ​ឱកាស​ការងារ​រកលុយ​ចំពោះ​យុវជន​មាន​ប្រវត្តិ​ដ៏​កម្សត់​រូបនេះ ក៏​មាន​ច្រើន​ផងដែរ។

ជាក់ស្ដែង​ៗ​ថ្មី​នេះ ទុំ សុវត្ថិ ត្រូវ​បាន​ក្រុមហ៊ុន​ទូរសព្ទ​យក្ស​ HUAWEI អញ្ជើញ​ទៅ​​​ច្រៀង​ក្នុង​​កម្មវិធី​សម្ពោធ​លក់​ជា​ផ្លូវការ HUAWEI nova Y70 ដោយមាន ការ​ដើរ​លើ​កម្រាលព្រំ​ក្រហម ច្រៀង​រាំ​កម្សាន្ត បង្ហាញ​ម៉ូត និង ទស្សនា​ខ្សែភាពយន្ត Jurassic World Dominion 3D មុនគេ នៅ​ក្នុង​រោងកុន​ Prime Cineplex, Samai Square ទួលគោក។

ក្រោយ​ពី​ឡើង​ច្រៀង​ក្នុង​កម្មវិធី​ខាង​លើ​រួចមក ស្រាប់តែ​នៅ​ថ្ងៃទី២១ ខែ​មិថុនា ឆ្នាំ​២០២២​នេះ ក្រុមហ៊ុន HUAWEI បាន​ប្រកាស​ដំណឹង​ដ៏​ភ្ញាក់ផ្អើលថា «សូម​អបអរ​ដល់លោក ទុំ សុវត្ថិ និង ក្លាយ​ជា​ទូត​សុច្ឆន្ទៈ​តំណាង​អោយស្មាតហ្វូន HUAWEI និង​ ប្រកាស​បទ​Original​ Song​ ផ្លូវការរបស់ក្រុមហ៊ុន HUAWEI​!»។


តាមរយៈនេះ អ្នកគាំទ្រ បានសម្ដែងការអបអរសាទរព្រោងព្រាត ក្នុងនោះពួកគេ លើកឡើងថា «កុំភ្លេចអរគុណពូរាជណាអាប្អូន, NO ថ្ងៃមុន, ឥឡូវ​ប្រែពីពាក្យថា No, ល្បីល្បាញ​ជាង អ្នកលើកពានរង្វាន់ហើយ។, ជោគជ័យ ទាំងមិនបានត្រៀមខ្លួន, សំណាង ធ្លាក់ពីមេឃមែន អ្វីៗគ្រប់យ៉ាងពិតជាមានរឿងស្មានមិមដល់ច្រើនណាស់!»។

ក្រឡេកទៅមើលម្សិលមិញវិញ ទុំ សុវត្ថិ មានឱកាសឡើងច្រៀងក្នុងកម្មវិធីចម្រៀងគ្រួសារខ្មែរទៀតផង។ ទុំ សុវត្ថិ បានបញ្ជាក់ នៅមុនពេលឡើងច្រៀងថា «ជួបគ្នាយប់នេះ ក្នុងកម្មវិធី ចម្រៀងគ្រួសារខ្មែរ ដែលចូលរួមជាមួយ​សិល្បករ សិល្បការិនី រៀមច្បង​ជាច្រើនរូប… ផ្សាយ​ផ្ទាល់លើផេកចម្រៀងគ្រួសារខ្មែរចាប់ពីម៉ោង 7យប់តទៅ»៕

Related posts

Leave a Comment