មិនស្មានសោះ លុយShowបានតិចយ៉ាងនេះ! ពេល​អត់​ខ្លាំង ​លុយ​ត្រឹម​២២​ដុល្លារ ​ជា វណ្ណារិទ្ធ ​ចំណាយ​ពេល​រក​រហូត​ដល់…

ក្រោយ​រៀបការ​ជាមួយគ្នា​អស់​រយៈពេល​៩​ឆ្នាំ​នោះ​, កាលពី​ពេល​ថ្មីៗ​កន្លង​ទៅ​នេះ​, ពិធីករ​ដ៏​ល្បី ​លោក ​ជា វណ្ណា​រិ​ទ្ធ បានសម្រេច​បំណង​ប្រាថ្នា​ភរិយា​របស់​លោក​​ចុង​ក្រោយ​ ធ្វើឲ្យ​បច្ចុប្បន្ន លោក​ និង​ភរិយា ​​មាន​កូន​២, ផ្ទះ​២ និង​ឡាន​ចំនួន​២​គ្រឿង។


កាលពីដើម​ខែមិថុនា​នេះ លោក​បាន ទិញ​រថយន្ត​Toyota Corolla Cross ស៊េរី​ឆ្នាំ​២០២២ ជា​ការ​គម្រប់​បំណងប្រាថ្នា​ខាងលើ ហើយ​ទម្រាំ​មកដល់​ចំណុច​នេះ​ លោក និង​ភរិយា មានរឿង​ជូរចត់​ជាច្រើន ដែល​ឆ្លងកាត់​ជាមួយគ្នា ក្នុង​នោះ សូម្បី​លុយ​២២​ដុល្លារ ក៏​លោក​ចំណាយ​ពេល​ច្រើន​ថ្ងៃ​ដើម្បី​បាន​វា​នោះ​ដែរ។

ជាក់ស្ដែង ​កាលពី​ថ្ងៃ​ទី​២១ ខែ​មិថុនា ឆ្នាំ​២០១៨ ​ភរិយា របស់​លោក ​បាន​រៀបរាប់​ថា «​រឿង​ខ្លះ​និយាយ​ដូច​ជាន់​កែង​ខ្លួនឯង​ចឹ​ង ប៉ុន្តែ​ប​;​មិន​និយាយ​វា​មិន​អស់ចិត្ត ព្រោះ​មួយ​រយៈ​នេះ​ចំនួន​មនុស្ស​ស្រី ដែល Share ស្រមៃ​ចង់បាន​របស់​នេះ ចង់បាន​របស់​នោះ​វា​​កើន​ឡើង​គួរអោយ​កត់សំគាល់ អ្នកខ្លះ​Share​ហើយ​​បាន​កាដូ​ដូច​ចិត្ត

អ្នកខ្លះ​អន់ចិត្ត​ព្រោះ​មិនបាន​ដូច​គេ សម្រាប់​ខ្ញុំ​បាន​ស្រលាញ់​មនុស្សម្នា​ក់​នៅ​ឆ្នាំ 2010 នៅ​ពេលដែល​ខ្ញុំ​ហៅ​មិត្តភក្តិ​មក​ចូលរួម​ខួប​កំ​ណើត​ មនុស្ស​ដែល​ស្រលាញ់​ខ្ញុំ​ បែរជា​គ្មាន​កាដូ​អោយ​ទៅ​វិញ មិន​ហ៊ាន​សួរ​បាន​ត្រឹមតែ​អន់ចិត្ត 10​ថ្ងៃ​ក្រោយមក​គាត់​ជិះ​ម៉ូតូ​កាន់​កាដូ​ធំ​មួយ ហើយ​និយាយថា​សុំទោស​ដែល​បង​អោយ​យឺត​ព្រោះ​​ទើប​តែ​បើកលុយ​show ថត​ទុក​ថ្ងៃមិញ ​


នៅក្នុង​កាដូ​នឹង​មាន​តុក្កតា Pink Panther តម្លៃ 22$​ទាំង​ខ្ចប់ សម្រាប់​យើង​សម័យនេះ​ប្រហែលជា​គិតថា​ថោក ប៉ុន្តែ​សម្រាប់​គាត់​ដែល​ត្រូវ​ចេញ​រកលុយ​ខ្លួនឯង និង​ចិញ្ចឹម​គ្រួសារ​គឺ​មិនមែន​តិច​ឡើយ និយាយ​ត្រង់​ខ្ញុំ​មិនដែល​ទាមទារ ឬ​ប៉ង​ចង់បាន​អ្វី​ពី​គាត់​​ឡើយ

ព្រោះ​ចេះតែ​គិតថា ​មិនដឹង​មាន​សំណាង​បាន​ជួបគ្នា​ជា​ប្តី​ប្រពន្ធឬអត់ សូម្បីតែ​ហូប​អី​ក៏​ចែក​លុយ​គ្នា​ចេញ​ស្មើ​ដែរ បន្ទាប់ពី​ការ​ហើយ​រកលុយ​រៀងខ្លួន ចង់បាន​អី​ក៏​ហ៊ាន​ទារ​ដែរ ព្រោះ​ដឹងថា​គាត់​ផ្តល់​អោយបាន និយាយ​រួម​share កាមេរ៉ា​អោយ​ហាង​មិត្តភក្តិ​ក៏បាន Share post ពី​ណា​អោយ​តែ​គាត់​រក​បាន​គាត់​រក​អោយ​ដែរ កុំ​អោយ​តែ​អត់​លុយ

មិនមែនទើស​គេ ឬ​ច្រណែន​គេ​ទេ ព្រោះ​វា​អស់​ពេល​ផ្គាប់ចិត្ត​បែប​ប្រយោល​ចឹ​ង​ហើយ​ ពិសេស​ហ៊ាន​តែ​អោយ​ទៅ​អោយ​មក វៗ​អស់​លុយ​បង់​ផ្ទះ​ល្មម​ស្ញេញ គ្មាន​ប្រុស​ណា​គេ​មិន​ចង់​ផ្គាប់ចិត្ត​សង្សារ​ទេ​តែ​ថវិកា​មាន​កំណត់ ​បើ​គ្នា​អ្នក​ធ្វើ​ការរក​ស៊ី​មិន​អី​ទេ ប៉ះ​គ្នា​អ្នក​រៀន​នៅ​សុំ​លុយ​ម៉ែឪ​នៅ​ឡើយ​រាង​តឹង​បន្តិច វៗ​លួ.ច​លុយ​ម៉ែ​ទៀត​សរសេរ​បាន​វែង​ដែរ​នឹង​ខ្ញុំ រឿង​គេ​សោះ»។

នៅ​រាត្រី​ឆ្លង​ចូល​ថ្ងៃទី​២៣ ខែមិថុនា លោក ជា វណ្ណា​រិ​ទ្ធ បាន​ចែករំលែក​សារ​ខាង​លើ​នេះ ឡើងវិញ ហើយ​សរសេរ​រំលឹក​ថា «​ត្រឹម​កាដូ 22$ ចំណាយ​ពេល 10​ថ្ងៃ មិនមែន​ភ្លេច​ទេ​តែ​ពេល​អត់​លុយ​គេ​នៅ​មើល​ឃើញ​ចំណុច​ល្អ​របស់ខ្ញុំ អរគុណ​ប្រពន្ធ​សម្លាញ់​»៕

Related posts

Leave a Comment