នៅទីបំផុត កំណត់ត្រាមិនដែលចាញ់របស់កីឡាករប្រដាល់ថៃពីររូបគឺ ហ្វុនលួង និង សនខាវ ត្រូវបានបញ្ចប់ក្នុងរយៈពេលត្រឹមតែមួយថ្ងៃគឺនៅថ្ងៃអាទិត្យទី១៣ខែតុលាឆ្នាំ២០១៩។
ហ្វុងលួង បានប្រកួតចាញ់ពិន្ទុកីឡាករ ផល សោភ័ណ្ឌ ក្នុងការប្រកួតសងសឹកនៅសង្វៀនខារ៉ាបាវស្ទឹងមានជ័យប៉ុស្តិ៍បាយ័ន្តឬឯ សនខាវ ចាញ់ពិន្ទុកីឡាករ ព្រំ សំណាង នៅសង្វៀនស្រាសាច់ដុំប៉ុស្តិ៍ CNC។
ផល សោភ័ណ្ឌ ពិតជាមិនធ្វើឲ្យទស្សនិកជនខកចិត្តទេដោយរូបគេបានបង្ហាញទម្រង់វាយយ៉ាងល្អដោយ ហ្វុនលួង ហាក់វាយមិនចូលទាល់តែសោះខណៈដែល ព្រំ សំណាង បានបន្សល់ទុកស្នាមបែកយ៉ាងធំលើចិញ្ចើមរបស់ សនខាវ។
គួរបញ្ជាក់ថា ហ្វុនលួង ធ្លាប់ឈ្នះអ្នកប្រដាល់កម្ពុជាជាច្រើនរូបដូចជា ឃុន ឌីម៉ា, ផាន់ គ្រាន់, ឡុង សំណាង, ឌុម កែវដានិងឡៅ ចិត្រា ចំណែក សនខាវ ធ្លាប់ឈ្នះ កែវ រំចង់ និង អេ អាលី ជាដើម៕
