ជិត​បាន​ប្ដី​ចោល​ពូម៉ៅ​ហើយ! ចែដាណា ញញឹម​បិទ​មាត់​មិន​ជិត ​ពេល​មាន​គេ​ចូល​ស្ដី​​ ​ហើយ​ក៏​សួរ​ហ្វេនៗ​ថា…

ក្រោយពីលែងលះគ្នាជាមួយពូម៉ៅនោះ គេសង្កេតឃើញថា អ្នកស្រី ទ្រី ដាណា បានប្រកាសបើកបេះដូងជាបន្តបន្ទាប់ ដើម្បីជ្រើសរើសបុរសស្មោះស្នេហ៍ដើម្បីធ្វើជាគូជីវិតកាន់ដៃខ្លួនដល់ចាស់កោងខ្នងនោះ។

ក្នុងការប្រកាសបើកបេះដូងនេះ អ្នកស្រី ធ្លាប់បញ្ជាក់ថា ខ្លួន​រស់នៅ​ក្នុង​ការ​កុហក បោកប្រាស់​អស់​រយៈពេល​យូរ​ឆ្នាំ​ហើយ អញ្ចឹង​ខ្លួន​ត្រូវការ​អ្នក ដែល​ធ្វើ​ឲ្យ​ខ្លួន​Happy។ អ្នកខ្លះ​និយាយ​ថា បង​ស្រឡាញ់​អូន​ណាស់ៗ ប៉ុន្តែ​និយាយ​ពី​ស្រី​វា វា​មិនដែល​បង្ហោះ​រូប​យើង ហើយ​លេង​ឆាត​ជាមួយ​ស្រី អញ្ចឹង​ទៅ។ អាហ្នឹង​គេ​ហៅថា នៅ​ក្នុង​ការបោកប្រាស់។

អ្នកស្រី អះអាង​ថា អ្នក​ដែល​ស្រឡាញ់​ខ្លួន ចូល​មក​ក្នុង​ជីវិត​របស់​ខ្លួន​បាន​ មិន​ចាំ​បាច់​មាន​ច្រើន​នោះ​ទេ បង​អ្នក​រត់​ម៉ូតូ​ឌុប​ក៏បាន​ដែរ មិនបាច់​យក​អី​មក​ទេ យក​តែ​បេះដូង​ស្មោះ​មក​បាន​ហើយ ហើយ​គ្រាន់តែ​ប្រាប់​មុន​ថា បោក​ខ្លួន​អត់​បានទេ ហើយក៏​មិនបាច់​ចង់បាន​អី​ពី​ខ្លួន​ដែរ​។ បើ​មក​កន្លែង​នេះ​មាន​អ្វីៗ​គ្រប់​បែប​យ៉ាង​ហើយ ហើយ​មិនបាច់​ចង់បាន​អ្វី​ពី​ខ្លួន គឺ​អត់​បាន​នោះ​ទេ។

ទោះ​យ៉ាងណា អ្នកស្រី បាន​បញ្ជាក់​ថា ខ្លួន​អត់​ស្រឡាញ់​អ្នក​ទាប​ៗ​ទេ ស្រឡាញ់​១,៧៨​ម៉ែត្រ ទៅ​១,៨០​អី​ឡើង បាន​សម​នឹង​គីឡូ​របស់​ខ្លួន ព្រោះ​ខ្លួន​១,៦២ ដល់​ដាក់​កែង​ទៅ ​ឡើង​ដល់​១,៧០​។ អញ្ចឹង​ខ្លួន​អត់​ស្រឡាញ់​ទេ អ្នក​ទាប​ៗ​នោះ។

ក្រោយពីប្រកាសជ្រើសរើសមក រហូតមកដល់ពេលនេះ ទំនងជាអ្នកស្រី រកឃើញអ្នកស្អំបេះដូងរបស់ខ្លួនហើយមើលទៅ ដោយជារឿយៗ គេឃើញ ថៅកែហាងពេជ្រចិត្តធម៌រូបនេះ បង្ហាញបុរសម្នាក់ ឲ្យឃើញតែខ្នង និងឧស្សាហ៍និយាយពីរឿងរៀបការរបស់ខ្លួននោះ។

​អ្វីកាន់តែចាប់អារម្មណ៍ទៀតនោះ ពេលនេះ អ្នកស្រី មានគេចូលស្ដីដណ្ដឹងបាត់ទៅហើយ ហើយមិនដឹងថា ជាបុរស ដែលនាងបង្ហាញតែរូបបែរខ្នងនោះយ៉ាងណានោះទេ។ ក្នុងការមានអ្នកចូលស្ដីនេះ ដោយហេតុថា អ្នកស្រី អត់មានឪពុកម្ដាយ សួរ មានតែសួរអ្នកគាំទ្រ ថាតើចង់ឲ្យអ្នកនាងរៀបការឆាប់ៗនេះ ឬអត់នោះ?

ជាក់ស្ដែង នៅព្រឹកថ្ងៃទី៥ ខែកក្កដា ឆ្នាំ២០២២ អ្នកស្រី បានបង្ហោះរូបថត​ញញឹមញញែម​ម្នាក់ឯងជាច្រើនសន្លឹក ហើយសួរយោបល់អ្នកគាំទ្ររឿងគេចូលស្ដីថា «ពី​មុន​មក​ពេល​ខ្ញុំ​រៀបការ​ម្តាយ​ឪពុក​ជា​អ្នក​រៀបចំ​អោយ​ ហើយ​ចុះ​ឥលូវ​មាន​គេចូលស្តីដណ្តឹង​តើអោយខ្ញុំទៅសួរអ្នកណាទៅបើម្តាយឪពុកខ្ញុំគាត់ស្លា,ប់អស់ហើយ​
សួរហ្វេនៗបានទេ?តើចង់អោយចែដាណារៀបការឆាប់ៗនេះអត់?»៕

Related posts

Leave a Comment