ចាប់​អារម្មណ៍ខ្លាំង! កូនៗ​ដើរលេង​មិន​ចូលរៀន​, ម្តាយៗ​មក​រៀន​ជំនួស, អ្នក​លេង​បណ្ដាញ​សង្គម​ដឹង​ហើយ​បាន​ត្រឹម​ពោល​ពាក្យ​ថា….

នៅ​ថ្ងៃ​ទី​៦ ខែ​កក្កដា ឆ្នាំ​២០២២​នេះ អ្នកលេង​បណ្ដាញ​សង្គម​ហ្វេ​ស​ប៊ុ​ក មានការ​ចាប់អារម្មណ៍​ជាខ្លាំង ក្រោយពី​ប្រទះឃើញ​រូបថត​ដ៏​រំជួលចិត្ត​ប៉ុន្មាន​សន្លឹក អម​ដោយ​Caption​បញ្ជាក់​ថា កូនៗ​ដើរលេង​មិន​ចូលរៀន​, ម្តាយៗ​មក​រៀន​ជំនួស នោះ។

បង្ហោះ​ភ្ជាប់​ជាមួយ​រូបថត​អាណាព្យាបាល​សិស្ស និង​កូនសិស្ស ចំនួន​៣​សន្លឹក ម្ចាស់​គណនី​ហ្វេ​ស​ប៊ុ​ក​ឈ្មោះ «Hak Try Book Discovery» បាន​រៀបរាប់​ថា «​កូនៗ​ដើរលេង​មិន​ចូលរៀន ម្តាយៗ​មក​រៀន​ជំនួស​ អនុវិទ្យាល័យ​បឹងបេង ស្រុក​ម៉ាឡៃ​។ មុន​នេះ​បន្តិច ទឹកភ្នែក​ម្តាយ​ហូរ​កាត់​ផែនថ្ពាល់​ក្លាយជា​ស្ទឹង អា​កូន​ហែ​ឆ្លងស្ទឹង​ទឹក ភ្នែក​ម្តាយ​ទៅ​អា​រ៉ែ​ង​»​។​

តាមរយៈ​នេះ មានការ​ចាប់អារម្មណ៍​ខ្លាំង​ណាស់​ពី​សំណាក់​សិស្សានុសិស្ស និង​អាណាព្យាបាល ដោយ​ក្រោយ​ផុស​ត្រឹម​រយៈពេល​ត្រឹម​៤​ម៉ោង​ប៉ុណ្ណោះ អ្នក​ចែករំលែក​បន្ត​រហូតដល់​ទៅ​១​ម៉ឺន​ដង​, បញ្ចេញមតិ​ជាង​៣០០ និង​ចុច​មេដៃ បេះដូង ជាង​៤​ពាន់​។​

​ក្នុងចំណោម​មតិ​ជាច្រើន​នោះ មានការ​លើកឡើងថា «​ម្តាយ​ខំ​ណាស់​ដើម្បី​កូន​សុខចិត្ត​ស៊ីឈ្នួល​គេ​យកលុយ​អោយ​កូន​រៀន​សុំ​កុំ​ធ្វើ​អោយ​ម្តាយ​ទឹកភ្នែក​ណា​កូន​..​អ​នាគ​តរបស់​កូនៗ​ទេ​ គិត​ឡើងវិញ​ណា​កូន​, គ្រាន់តែ​រៀន​សោះ​ក៏​ឲ្យ​ម៉ែឪ​លំបាក​ដែរ អ្នកខ្លះ​ចង់​រៀន ប៉ុន្តែ​គ្មាន​ឱកាស​រៀន បើ​ថា​មិន​ចង់​រៀន​ទេ ឈប់​រៀន​ទៅធ្វើ​ការ​រក​លុយ​ចាយ​ទៅ មាន​ប្រយោជន៍​ជាង​,

​មិនទាន់​ហួសពេល​ទេ បើ​កែ​បាន​ក៏​គួរតែ​កែ នៅ​ក្មេងៗ​បែបនេះ​ទាំង​ខ្ញុំ​ទាំង​គេ តែងតែ​ចង់ដឹង​ចង់​សាក​អ្វីដែល​ថ្មីៗ​ហើយ តែ កុំ​ភ្លេច​ការសិក្សា យើង​អត់​ទ្រព្យ​អាច​រកបាន​ពេល​ក្រោយ​បាន តែបើ​អត់​ចំណេះដឹង​ហើយ ចង់រក​មក​ទុក​ក្នុង​ខ្លួន​ប្រយ័ត្ន​ហួសពេល​, អាណិត​ចិត្ត​ម្តាយ​ឪពុក​ដែល​ពួកគាត់​ខំ​រកលុយ​ដើម្បីអោយ​ប្អូនៗ​រៀន​ផង​»៕

Related posts

Leave a Comment