បើទោះពេលនេះ លោកសេង មង្គលមិនធ្វើការបកស្រាយពីទំនាក់ទំនងរបស់លោកជាមួយនឹង អ្នកស្រី ទ្រី ដាណា ក៏ពិតមែន តែអ្នកគាំទ្រមួយចំនួនគិតថា នេះអាចជាការពិត ដោយសារតែមុនបង្ហាញផលិតផលថ្មី ជាមួយនឹងការប្រកាសថាលោកជាBAនោះ រូបលោកបង្ហោះសារបង្ហាញតម្រុយចង់រៀបការ។
មុននឹងបង្ហាញវត្តមានជាមួយអ្នកស្រីទ្រី ដាណា ជាមួយនឹងការលុ,តជង្គង់ប្រគល់ផ្កាកុលាបដល់នាងនោះ, លោកបានបង្ហោះរូបថតជាមួយអ្នកម្ដាយ ហើយប្រាប់ថា «ម៉ាក់ប្រាប់ថា កូនដល់វ័យល្មមរៀបការហើយ»។
ងាកមកអ្នកស្រី ទ្រី ដាណា វិញ មុននឹងបង្ហាញមុខលោក សេង មង្គល ហើយប្រកាសជាBAផលិតផលថ្មីរបស់ខ្លួននោះ, អ្នកស្រី បានបង្ហោះរូបថតបែរខ្នងលោក សេង មង្គលជាហូរហែ ហើយបង្ហាញពីតម្រុយមានស្នេហា គេចូលស្ដី និងស៊ើបសួរអ្នកគាំទ្រ ចង់ឲ្យអ្នកស្រី រៀបការឆាប់ៗ ឬអត់នោះ?
ក្រោយពីប្រកាសជាBAភ្លាមៗនោះ ពួកគេ បែរជាមិនបញ្ជាក់ពីទំនាក់ទំនងនេះឲ្យច្បាស់លាស់ឡើយ ដោយផ្ដេកផ្ដួលទៅលើការគិតរបស់អ្នកគាំទ្រ ក្នុងនោះលោក សេង មង្គល ប្រាប់ថា «ស្តាប់ដោយត្រចៀក ពិចារណាដោយការគិត កុំស្តាប់ហើយយកអារម្មណ៍មកឆ្លើយតប…»។
ទន្ទឹមនឹងរឿងនេះ ក្លាយជាមន្ទិលសង្ស័យនោះ អ្នកគាំទ្រជាច្រើន ក៏សម្ដែងការអាណិតចំពោះ ពិធីការិនី ហ៊ិន ចាន់នីរ័ត្នផងដែរ។ តែអ្វីៗមិនដូចការគិតនោះឡើយ ដោយពិធីការិនី ហ៊ិន ចាន់នីរ័ត្ន មានទំនាក់ទំនងស្នេហាជាមួយលោកគ្រូពេទ្យម្នាក់ជាយូរមកហើយ ហើយលោកសេង មង្គលក៏បានបញ្ជាក់ដែរថា លោកគ្មានទំនាក់ទំនងស្នេហាអ្វីនោះឡើយ។
នៅក្នុងការបកស្រាយកន្លងមក លោក សេង មង្គល បានបញ្ជាក់ច្បាស់ៗថា ម្នាក់ជាដៃគូរួមអាជីព ហើយម្នាក់ទៀត ជាអ្នកមានគុណប៉ុណ្ណោះ។ ស្របពេលរឿងនេះ មិនទាន់សាបរលាបក្នុងចិត្តអ្នកគាំទ្រផងនោះ ស្រាប់តែថ្មីៗនេះ មានការបែកធ្លាយតាមរយៈគណនីទីកតុកមួយថា លោកសេង មង្គល ធ្លាប់ មានប្រពន្ធកូនរួចហើយ ដោយខាងស្រីកំពុងរស់នៅក្រៅប្រទេស។
ដោយឡែក ក្រោយរឿងនេះ ក្លាយជាទីចាប់អារម្មណ៍ជាថ្មីនោះ មានអ្នកគាំទ្រខ្លះ ចេញមុខបញ្ជាក់ជំនួសថា លោកសេង មង្គល គ្មានប្រពន្ធកូននោះទេ តែមានគូដណ្ដឹងរួចហើយ។ទោះយ៉ាងណា រឿងនេះ មិនទាន់ដឹងថា ជាការពិតនៅឡើយនោះទេ មានតែការបញ្ជាក់ពីសាមីខ្លួនប៉ុណ្ណោះ ទើបអាចយកជាការបាន ខណៈលោក សេង មង្គល ពុំទាន់ធ្វើការបកស្រាយអ្វីឡើយរហូតមកដល់រសៀលថ្ងៃទី២០ ខែកក្កដា ឆ្នាំ២០២២នេះ៕
