ស្ងាត់ផ្ទះ! កូន​ប្រុស​ចេញ​ទៅ​សិក្សា​ក្រៅ​ប្រទេស​, លោកតា វ៉ិ​ច​ទ័រ បាន​ត្រឹម​ពោល​ពាក្យ​ប៉ុន្មាន​ម៉ាត់​នេះ​ ខណៈ វ៉ាន់ នី​ឡា​ ថា​…

ភ្នំពេញ ​៖ ​ផលិតករ​កម្មវិធី​កម្សាន្ត​ល្បីឈ្មោះ​លោក​សុវណ្ណ​រិទ្ធី ហៅ​លោកតា វ៉ិ​ច​ទ័​រ ដែល​ក្នុងនាម​ជា​ឪពុក​បាន​ធ្វើការ​ជូនពរ​ដល់​កូនប្រុស​ពៅ​ដែល​បាន​ចាក ចេញទៅ​បន្ត​ការសិក្សា​នៅ​បរទេស​តែ​ម្នាក់​ឯង​ទាំង​វ័យក្មេង។ ខណ:​មាន​អ្នកគាំទ្រ​ជាច្រើន​ក៏បាន​ជូនពរ​ផង​ដែរ។


ក្នុង​ពេល​ ដែល​កូន​ប្រុស​ បាន​ចេញ​ដំណើរ​ទៅ​បន្ត​ការ​សិក្សា​នៅ​ឆ្ងាយ​ពី​ខ្លួន​ទាំង​វ័យក្មេង​ កាលពី​ពេល​ថ្មីៗ​កន្លង​ទៅ​នេះ​ នោះ​លោក សុ​វ ណ្ណ រិទ្ធី បាន​បង្ហោះ​សារ​ជូនពរ​ដល់​កូនប្រុស​ពៅ​យ៉ាង​ដូច្នេះ​ថា «​ថ្ងៃនេះ​ជា​ថ្ងៃ​ទី​មួយ​ ដែល​កូនប្រុស​ប៉ា បាន​ចាប់ផ្ដើម ប៉ា​សូម​ឲ្យ កូន​ទទួល​បាន​ជោគជ័យ​ជា​រៀង​ដរាប»។

ដោយឡែក​បើ​ងាក​មក​មើល​តារា​ស្រី​អ្នកនាង វ៉ាន់ នី​ឡា ដែល​ជា​បងស្រី​ឯណេះ​វិញ​ក៏បាន​និយាយ​បែប​លេងសើច​ថា​ «​ស្ងាត់​ផ្ទះ​ណាស់​ពេល​បងធំ​ទៅ​រៀន​បាត់ safe fly my love»​។

សូមជម្រាបថា​ កូនប្រុស​របស់លោក​សុវណ្ណ រិទ្ធី​ហៅ តា វ៉ិ​ច​ទ័​រ កន្លងមក​តែង​បង្ហាញ​វត្តមាន​នៅក្នុង​កម្ម​វិធី​សំណើច​ពីរ​គ្រួសារ​នៅ​ស្ថានីយ​ទូរទស្សន៍​ស៊ី​ធី​អិន ដែល​ត្រូវបាន​គេ​ស្គាល់​ឈ្មោះថា ខេ​វិ​ន នឹងមាន​រូប​រាង​ស្រស់​សង្ហា​ផងដែរ​។​

យ៉ាងណាមិញ​កូនប្រុស​ពៅ​របស់​អ្នកដឹកនាំ​កម្មវិធី​កំប្លែង​រូបនេះ ​បាន​ចាក​ចេញ​ទៅ​សិក្សា​នៅ​ប្រទេស​អូស្ត្រាលី​កាលពី​ថ្មីៗ​នេះ​។ តាមរយ​:​ដំណឹង​នេះ​ក៏មាន​ការ​ផ្ញើ​សារ​ជូនពរ​ឲ្យ​កូន ប្រុស​ពៅ​របស់លោក សុវណ្ណ រិទ្ធី ជោគជ័យ​នៅ​ក្នុង​ការសិក្សា​នៅ​ប្រទេស​អូស្ត្រាលី​ពី​សំណាក់​អ្នកគាំទ្រ​ និង​មហាជន​មួយ​ចំនួន​ផងដែរ៕

Related posts

Leave a Comment