ញាក់សាច់! តារា​សម្ដែង លី ឌីណា បង្ហាញ​សមាជិក​ថ្មី​ឡើង​ទំនើប ពណ៌​ញាក់សាច់​ ឯ​តម្លៃ​វិញ…

ស្រប​ពេល​ការងារ​សិល្បៈ បាន​និង​កំពុង​មាន​សន្ទុះ​ខ្លាំង​នោះ ថ្មីៗ​នេះ តារា​សម្ដែង លី ឌី​ណា បាន​បង្ហាញ​រថយន្ត​ថ្មី​សន្លាង​ទំនើប​មួយ​គ្រឿង​ពណ៌​កាប់ស្តាំង​រលោង​ស្រិល​ ធ្វើ​ឲ្យ​អ្នកគាំទ្រ​ឃើញ​ហើយ​លាន់មាត់​សរសើរ និង​ចូលរួម​អបអរសាទរ​ព្រោងព្រាត។


បង្ហោះ​ភ្ជាប់​ជាមួយ​រថយន្ត​ថ្មី​សន្លាង​ជាច្រើន​សន្លឹក តារា​សម្ដែង​ក្នុង​រឿង​​​​ «​អធិដ្ឋាន​ស្នេហ៍​» រឿង «​មរណ​មាតា​»​​​រូបនេះ បាន​រៀបរាប់ថា «​សូម​អរគុណ​សម្រាប់​ការ​គាំទ្រ​ដល់​នាង​ខ្ញុំ ជាពិសេស​ម៉ូយៗ​សំណ​ព​ចិត្ត ទាំង​ម៉ូយៗ​សាប៊ូ Lusstaly ម៉ូយ​សំលៀកបំពាក់ និង​ទស្ស​និជ​ន ដែល​តែងតែ​គាំទ្រ​ការសំដែង​របស់​នាង​ខ្ញុំ​»​។​

ការទទួលបាន​រថយន្ត​មួយគ្រឿង​នេះ មិនមែនជា​រឿង​ចៃដន្យ​នោះឡើយ ដោយ​មុននឹង​បាន​វា តារា​ស្រី​រូបនេះ បាន​ក្រាញននៀល​តស៊ូ​ខ្លាំង ក្នុង​អាជីព​សិល្បៈ​ជាច្រើន​ឆ្នាំ​កន្លង​មកហើយ​។ ការតស៊ូ​នេះ បច្ចុប្បន្ន បាន​ធ្វើ​ឲ្យ​តារា​សម្ដែង​រូបនេះ មិន​ត្រឹម​តែ​មាន​រថយន្ត​ទំនើប​នោះទេ ថែមទាំង​មាន ជម្រក​សមរម្យ និង​ការងារ​ស្ថិរភាព​ទៀតផង​។​

ក្រៅពី​ការងារ​សិល្បៈ​, តារា​ស្រី​រូប​នេះ អាច​ក្តាប់បាន​ឱកាស​ក្លាយជា​តារា​តំណាង​ផលិតផល​ជាច្រើន​បន្តបន្ទាប់​។ ទោះជា​គេ​ឃើញ​តារា​រូបនេះ មានការ​រីកចម្រើន​ទាំង​ផ្នែក​សិល្បៈ​ទាំង​មុខរបរ​រកស៊ី​ក៏ដោយ តែ​នាង​នៅ​មិនទាន់​បង្ហាញមុខ​អង្គរក្ស​បេះដូង​នៅឡើយ​ទេ។

ងាក​មក​អ្នកគាំទ្រ ក្រោយពី​ឃើញ​នាង បង្ហាញ​រថយន្ត​ថ្មី​សន្លាង​តម្លៃ​រាប់​ម៉ឺន​ដុល្លារ​បែបនេះ ពួកគាត់​ចូលរួម​អបអរសាទរ និង​លាន់មាត់​សរសើរ​ថា «​អី​យាស់ តស៊ូ​ពិតជា​បានសម្រេច​មែន​, Congratulations mom ហេង​ហេង លុយ​ចូល​ច្រើនៗ​ណា​ម៉ែ​, Cute ទាំង​ម្ចាស់ ទាំង​ឡាន​បងស្រី​, ហេង​ហេង​អាយ​ដល​»៕​

Related posts

Leave a Comment