អាង សុជាតា ជាតារាសម្ដែងវ័យក្មេងមួយរូប ដែលមានទេពកោសល្យពីធម្មជាតិ រួមនឹងសម្រស់ផូរផង់ផងនោះ ជាហេតុធ្វើឲ្យនាងដើរតាមគន្លងអ្នកម្តាយ សឿន ផាភួង បាន យ៉ាងងាយស្រួល ខណៈបច្ចុប្បន្ន មានទីផ្សារការងាររីកទូលាយមិនថាការសម្តែងរឿង ឬថតផ្សាយពាណិជ្ជកម្មនោះទេ។
ដោយឡែកថ្មីៗនេះ អ្នកលេងបណ្ដាញសង្គមហ្វេសប៊ុកមានការចាប់អារម្មណ៍ និងលាន់មាត់សរសើររូបនាងសឹងគ្រប់គ្នា ខណៈមានវ័យមិនដល់២០ឆ្នាំផង អាង សុជាតា មានលទ្ធភាពទិញរថយន្តថ្មីសន្លាងម្ដងដល់ទៅ២គ្រឿងឯណោះ។
ក្នុងការបង្ហាញរថយន្តថ្មី ទាំង២គ្រឿងពណ៌សក្បុសនេះ, តារាវ័យ ១៧ឆ្នាំ អាង សុជាតា បានបញ្ជាក់ថា«ស្វាគមន៍សមាជិកថ្មី»។ ការទិញរថយន្តនេះ ធ្វើឡើង ក្រោយពី ម្ដាយរបស់នាង អ្នកស្រី សឿន ផាភួង ទើបនឹងបង្ហាញវិឡារដ៏ស្រស់ស្អាត មិនទាន់បានប៉ុន្មានផងនោះ។
រថយន្តទាំង២គ្រឿងនេះ ត្រូវបានគេដឹងថា មានតម្លៃសរុបប្រមាណ៧ម៉ឺនដុល្លារឯណោះ ធ្វើឲ្យអ្នកគាំទ្រមានការសាទរ និងលាន់មាត់សរសើរគ្រប់គ្នា ព្រោះវ័យមិនទាន់ដល់ ២០ឆ្នាំផងនាងមានសមត្ថភាពអាចរកប្រាក់ទិញរថយន្តតម្លៃរាប់ម៉ឺនដុល្លារជិះម្តងដល់ទៅពីរគ្រឿង។
តាមរយៈបទសម្ភាសន៍ជាមួយសារព័ត៌មានក្នុងស្រុក អ្នកនាងសឿន ផាន ផាភួង ដែលជាម្ដាយតារាសម្ដែងស្រី អាង សុជាតា ហៅឈូឈូ បានប្រាប់ថា កូនស្រីខ្លួនទិញឡានបន្ថែមមួយគ្រឿងទៀត ពិតមែន ដោយឡានមុន ម៉ាក MG តម្លៃ៤៦០០០ដុល្លារ និងឡានទើបតែទិញក្រោយ ម៉ាក Prus 011 តម្លៃ ២៣០០០ដុល្លារ សរុបឡានទាំងពីរមានតម្លៃ ៦៩០០០ដុល្លារ៕
