គេនៅចាំបានថា អតីតតារាសម្ដែង រ៉ូ ចាន់ដារ៉ា បានរៀបការ កាលពីអំឡុងឆ្នាំ២០១៨ ហើយអ្វីជាការកត់សម្គាល់នោះ គ្រាន់តែរៀបការហើយភ្លមា អ្នកនាង មានឱកាសចាកចេញទៅរស់នៅសហរដ្ឋអាមេរិកជាមួយស្វាមីភ្លែត។
នៅក្នុងការរស់នៅទឹកដីសហរដ្ឋអាមេរិកជាមួយស្វាមីនោះ, អតីតសិល្បការិនីរូបនេះ ត្រូវបានគេមើលឃើញថា មានជីវភាព ឡូយឆាយមិនធម្មតា ហើយមិនត្រឹមតែទទួលបានការស្រឡាញ់ ថ្នាក់ថ្នមពីស្វាមីប៉ុណ្ណោះទេ សូម្បីសាច់ថ្លៃក៏ស្រឡាញ់ចូលចិត្តរូបនាងខ្លាំងដែរ។
កាលពីអំឡុងឆ្នាំ២០១៩ អតីតតារាសម្ដែង និងដើរម៉ូតរូបនេះ បានបណ្តើរស្វាមីមកឆ្លងឆ្នាំនៅស្រុកខ្មែរជាលើកដំបូង ក្រោយពីនាងបានទៅរស់នៅអាមេរិកជាមួយស្វាមី។ ពេលនោះ, មុនត្រឡប់ទៅអាមេរិក នាង បានបង្ហាញរូបថតពពោះមួយសន្លឹកដែលមើលទៅពិតជាស្រស់ស្អាត និង ទាក់ទាញជាខ្លាំង។
ដោយឡែកថ្មីៗនេះ អ្វីកាន់តែរំភើប និងរីករាយទៀតនោះ អតីតតារាសម្តែងរូបរាងស្រឡូនរូបនេះ ទទួលបានសញ្ជាតិអាមេរិកស្របច្បាប់ បន្ទាប់ពីនាងបានចាកចេញទៅរស់នៅទីនោះជាមួយស្វាមីប្រមាណជាជិតបួនឆ្នាំមកនោះ។
ជាមួយនឹងទឹកមុខរីករាយស្រីស្អាត រ៉ូ ចាន់ដារ៉ា បាននិយាយថា«ក្លាយជាអាគាំងនិងគេហើយ» ដែលការលើកឡើងរបស់អតីតតារាសម្តែងរូបនេះ ក៏ទទួលបានការចូលរួមត្រេកអរ និងរីករាយពីសំណាក់មិត្តភក្តិរួមអាជីពជាច្រើន៕
