ឥទ្ធិពល​សយខ្លាំងមែន! ថ្ងៃ​មុន ឱក សុគន្ធ​កញ្ញា ហៅ ភិទិ ថាជា អាយដល ពេលនេះ ស្រាប់តែ​ប្រកាស​ប្រកាស​រក…(មាន​វីដេអូ)

នៅ​ក្នុង​ការ​បង្ហាញ​ខ្លួន​​​ធ្វើជា​គណៈកម្មការ ​កម្មវិធី​ប្រឡង​ចម្រៀង​លំដាប់ថ្នាក់​ពិភពលោក​Cambodian Idol​រដូវ​កាល​ទី​៤ វគ្គ​Live Show​សប្ដាហ៍​ទី​២ កាលពី​យប់​ថ្ងៃទី​២៤ ខែកក្កដា កន្លងទៅនេះ,​កំពូល​តារាចម្រៀង ឱក សុគន្ធ​កញ្ញា បានធ្វើ​ឲ្យ​អ្នកគាំទ្រ​ កាន់តែ​ចាប់អារម្មណ៍​ថែមទៀត​ចំពោះ​ការ​ស្លៀកពាក់​របស់​អ្នកនាង។

នៅក្នុង​សប្ដាហ៍​ទី​២​នៃ​វគ្គ Live Show កំពូល​តារាចម្រៀង ឱក សុគន្ធ​កញ្ញា បាន​តុបតែង​ខ្លួន​កាន់តែ​ពិសេស​ជាង​ពេលមុនៗ​ទៅទៀត ដោយ​អ្នកនាង​ស្លៀក​ឈុត រ៉ូ​ប​រាត្រីសមោសរ យ៉ាង​ស្រស់​សោភា ជាមួយនឹង​ការបង្ហាញ​អារម្មណ៍​រំភើប​ចំពោះ​វត្តមាន​អ្នក​មក​ទស្សនា​ផ្ទាល់​ច្រើន​កុះករ​។​

បង្ហោះ​ភ្ជាប់​ជាមួយ​រូបថត​ក្នុង​ឈុត​រាត្រីសមោសរ យ៉ាង​ស្រស់ស្អាត​នេះ ឱក សុគន្ធ​កញ្ញា បានបង្ហាញ​អារម្មណ៍​ដូច្នេះ​ថា «​នាង​ខ្ញុំ ពិត​ជាមាន​អារម្មណ៍​រំភើប ដែល​បងប្អូន​ចូលរួម​ទស្សនា​យ៉ាងច្រើន​កុះករ​នៅ​សប្តាហ៍​នេះ​»​។​

ចំពោះ​អ្នកគាំទ្រ គ្រាន់តែ​ឃើញ​អាយ​ដល់​របស់ខ្លួន ស្លៀក​ឈុត​នេះ​ភ្លាម ម្នាក់ៗ​មានការ​ចាប់អារម្មណ៍​ខ្លាំងណាស់ ដោយនាំគ្នាចុច​React និង​បញ្ចេញមតិ​ព្រោងព្រាត​ក្នុងនោះ ពួកគេ លើកឡើងថា «​មិនមែន​មកពី​រ៉ូ​ប​ស្អាត​តែ​ម្យ៉ាង​ទេ ទាំង​កាយវិការ​ឥរិយាបថ​របស់គាត់ ទាំង​ទឹកមុខ និង​ស្នាមញញឹម គឺថា perfect perfect , ស្អាត​ខ្លាំងណាស់​ម្ចាស់​ថ្លៃ​, កំពូល​តារាចម្រៀង​ដែល​ពូកែ​ច្នៃ​ម៉ូដ​សម្លៀកបំពាក់​បំផុត​មិនដែល​ជាន់គ្នា មិនដែល​សាំ កាលីព​ហាយ​សូ​ និង​ថ្លៃថ្នូរ ពេញចិត្ត​គ្រប់​ឈុត​,

ងា​.​ប់​ហើយ​បង​កញ្ញា​ឈប់​ច្រៀង​ទៅ​ស្អា​ត់ម្លឹងៗ​ទៅ​ប្រឡង​បវរកញ្ញា​វិញ​ដឹង​ជាប់​100%, យប់មិញ​ច្រឡំ​បោះឆ្នោត​អោយ​បង​កញ្ញា​ភ្លេច​បោះ​អោយ​បេក្ខជន Love you my Queen, ខ្ញុំ​ក៏​រំភើប​ដែរ ដែល​បាន​អង្គុយ​ខាងក្រោយ​Idol​។​, ថា​ឈុត​មុន​ទៅ​ញាក់ មក​ឈុត​ក្រោយនេះ​ទៀត​»៕

ក្រោយពីមានការចាប់អារម្មណ៍ច្រើនបែបនេះ កំពូលតារាចម្រៀងស្រីលំដាប់អភិជនរូបនេះ បានបន្តបង្ហោះរូបថត១សន្លឹកទៀត ដោយធ្វើដៃចេញជាបេះដូង ហើយសួរទៅកាន់អ្នកគាំទ្ររបស់ខ្លួនបែបលេងសើចថា «បេះដូងអើយបេះដូង​ អ្នកណាជាម្ចាស់បេះដូងនេះចេញមកភ្លាម»។

គួរ​បញ្ជាក់​ថា ការ​ធ្វើ​ដៃ​បែបនេះ ជា​ទិដ្ឋភាព នៅ​ពេល ​ដែល​កំពុង​តារា​ចម្រៀង ឱក សុគន្ធ កញ្ញា បង្ហាញ​ការ​ពេញចិត្ត​ទៅ​កាន់​បេក្ខជន​ ថុល សុភិទិ ហើយ​ហៅ​រូបគេ​ថា​ ជា​អាយដល​ ក្រោយ​បកស្រាយ​បទ​ចម្រៀង«ស្នាម​ថើប​មួយ​នោះ» យ៉ាង​ពីរោះ អន្លង់អន្លោច៕


Related posts

Leave a Comment