លោកអ្នក បានស្គាល់រួចមកហើយនូវតារាទីកតុកដ៏ល្បីចំនួន២រូប គឺសុខ លីន និងម៉ាក់ល័ក្ខ ដោយកន្លងមក ពួកគេ ជាមិត្តភក្ដិ និងដៃគូដ៏សក្ដិសម ធ្លាប់រស់នៅបន្ទប់ជាមួយគ្នា។ តែដោយមានបញ្ហាខ្លះ ធ្វើឲ្យពួកគេខ្វែងគំនិត ឈានដល់ចែកផ្លូវគ្នាដើររៀងៗខ្លួន(ឈប់នៅជាមួយគ្នា) សូម្បីតែថតជាមួយគ្នាទៀត ក៏លែងឃើញដែរ។
កាលពីនៅស្និទ្ធស្នាលនឹងគ្នានោះ ពួកគេ ធ្លាប់ទៅញុំាអាហារជុំគ្នា បង្ហាញវត្តមានញឹកញាប់នៅផ្ទះអ្នកស្រីទ្រី ដាណា ថៅកែហាងពេជ្រចិត្តធម៌ផងដែរ។ តែក្រោយៗមកទៀត គេមិនសូវឃើញសុខ លីន បង្ហាញវត្តមាន ជាមួយអ្នកស្រី ទ្រីដាណា ទៀតឡើយ។ ដោយឡែក ម៉ាក់ល័ក្ខ ទើបតែចុះកុងត្រាការងារថ្មីជាមួយអ្នកស្រី ទ្រី ដាណា ក្នុងតម្លៃខ្លួនរហូតដល់១០ម៉ឺនដុល្លារឯណោះ។
ប្រការ ដែលមិត្តសម្លាញ់ដ៏ល្បីឈ្មោះទាំង២នាក់នេះ ក្លាយជាអ្នកដទៃនោះ ទើបមានពាក្យខំមិនដូចគ្នាៗពីសំណាក់អ្នកគាំទ្រមួយចំនួន ដោយលើកឡើងថា កូនចង់ឲ្យម៉ាក់លីន និងម៉ាក់ល័ក្ខ ត្រូវគ្នាវិញ កូននឹងសប្បាយចិត្ត។
ស្របពេលពាក្យនេះមិនទាន់សាបរលត់នៅឡើយនោះ ស្រាប់តែតារាទីកតុកដ៏ល្បីឈ្មោះ២នាក់នេះ បានបង្ហាញវត្តមានជាមួយគ្នាក្នុងការថតឲ្យសម្អាងការ ធ្វើឲ្យអ្នកគាំទ្រពួកគេឃើញហើយមានស្នាមញញឹមជាថ្មី។
ទោះយ៉ាងណា ការថតរូបជាមួយគ្នានេះ មិនមែនមានន័យថា ពួកគេត្រូវគ្នាវិញនោះឡើយ ដោយពួកគេគ្រាន់តែថតសម្អាងការឲ្យគេប៉ុណ្ណោះ រឿងផ្ទាល់ខ្លួនទុកមួយឡែកសិន។ ជាក់ស្ដែងគណនីទីកតុកមួយឈ្មោះ «Jungkook 1» បានបញ្ជាក់ច្បាស់ៗដើម្បីកុំឲ្យមានការយល់ច្រឡំថា «ការងារទេបងៗ»។
ត្រឡប់ទៅក្រោយវិញ និយាយរឿងដើមចមធ្វើឲ្យម៉ាក់ល័ក្ខ និងម៉ាក់លីន មានបញ្ហាជាមួយគ្នានោះ ក៏មានចំណែករបស់ ផាត់ តាភូ ផងដែរ ហើយថ្មីៗនេះ ម៉ាក់លីន, វត្ថា, ផាត់ តាភូ បាននិយាយឈ្មោះម៉ាក់ល័ក្ខនៅក្នុងកម្មវិធីនោះទៀតផង។
ការនិយាយនេះ នៅពេលដែលលោកធ្វើការទស្សន៍ទាយរូបថត តាមការពន្យល់របស់ដៃគូ ហើយគ្រាន់តែនិយាយដល់តារាចម្រៀង ដែលធ្វើការជាមួយអ្នកស្រី ទ្រី ដាណា ភ្លាម, ភូ ឆ្លើយថា ម៉ាក់ល័ក្ខ ធ្វើឲ្យសុខលីន សើចរឹងពោះ។ តែធាតុពិតរូបនោះ ជាតារាចម្រៀង ពេជ្រ សោភា ឯណោះទេ៕
