ទប់លែងជាប់! ឡាន​មេ​ ទើប​ទិញ​ឲ្យ​ពេល​ប្រឡង​ជាប់ ស្រាប់តែ​ជួប​រឿង​មួយ​នេះ, សួ វិចិត្រ រិះ..គន់​ឡាន​ដឹក​ក្រួស​ថា…

យើង​សូម​រំលឹក​​​ថា ​មុន​ក្លាយ​ជា​ម្ចាស់​ពាន, នៅ​ក្នុង​វគ្គ​Beat Yourself កាលពី​យប់​ថ្ងៃ​ទី​១៦ ខែ​មករា ឆ្នាំ​២០២២​កន្លង​ទៅ​នោះ, ​សួ ចិត្រ ធ្វើ​មិនសូវ​បាន​ល្អ​នោះ​ទេ ក្នុង​Concept បទ​បែប​Rock ដោយ​ផ្ដើម​ដំបូង​ខុស​ចង្វាក់​បន្តិច កាយវិការ​មិន​ស៊ី​នឹង​ចម្រៀង ចេះតែ​លោតៗ។ លុះ​ច្រៀង​ចប់ លោក​ក៏បាន​ថើប​ខ្សែក​របស់​ខ្លួន​ទៀត​ផង។


ការ​ថើប​ខ្សែក​ខ្លួនឯង​នេះ បាន​ធ្វើ​ឲ្យ​អ្នកនាង​ពេជ្រ សោភា ចាប់អារម្មណ៍​ខ្លាំង​ណាស់ ក៏​សួរ​ទៅកាន់​ចិត្រ ឲ្យ​បញ្ជាក់​ពី​មូលហេតុ​ ហើយ​ចិត្រ បាន​ប្រាប់​ថា ខ្សែក​នេះ មេ​លោក​ឲ្យ ហើយ​ប្រាប់​ថា មក​ប្រឡង​ឲ្យ​ជាប់ ធ្វើជា​តារា​ហង្សមាស​ឲ្យ​បាន។

នៅ​ទីបំផុត​ ​សួ វិចិត្រ ​ក៏បាន​ក្លាយ​ជា​ម្ចាស់​ពាន​ និង​ជា​តារា​ចម្រៀង​​នៅ​ហង្ស​មាស​ដូច​បំណង ក្រោយ​ពី​ទទួល​បាន​សំឡេង​សារ​ច្រើន​ជាង​គេ​នៅ​វគ្គ​ផ្ដាច់ព្រ័ត្រ​ក្នុង​កម្មវិធី​ប្រឡង​ចម្រៀង​កម្រិត​ពិភពលោក Beat The Best កាលពីយប់ថ្ងៃទី៦ ខែ​មីនា ឆ្នាំ២០២២​នោះ។

ថៅកែ​របស់​ចិត្រ នៅយប់ផ្ដាច់ព្រ័ត្រ ក៏បាន​ទៅ​ចូលរួមលើកទឹកចិត្តផងដែរ ហើយ​ក្រោយកូនចៅក្លាយជាម្ចាស់ពាន ក៏បានបំពាក់បាច់ផ្កា យ៉ាងស្រស់ស្អាត ហើយ​ពោលពាក្យ​ថា «បងចូលរួមត្រេកអរប្អូន ដែលធ្វើបានសម្រេច ប៉ុន្តែជីវិត នៅវែង​ឆ្ងាយណាស់ ត្រូវតែប្រឹងប្រែងតស៊ូបន្តទៀត»។

អ្វីកាន់តែចាប់អារម្មណ៍ទៀតនោះ ស្រាប់តែនៅថ្ងៃទី៧ ខែមីនា ឆ្នាំ២០២២ ក្រោយពេល សួ វិចិត្រ សម្រេច​បំណង ថែកែចិត្តធម៌រូបនេះ បានទិញរថយន្ត១គ្រឿងជាកាដូដល់ វិចិត្រ ជាមួយ​នឹង​ការ​បញ្ជាក់ថា «កាដូ​សម្រាប់​ប្អូន»។

ឆ្លើយតប​នឹង​ទឹកចិត្ត​ដ៏​ប្រពៃ​នេះ សួ វិចិត្រ បានបញ្ជាក់ថា «អត្ថន័យនៃសេចក្ដីស្រលាញ់គឺធំធេងណាស់ ហើយការស្រលាញ់មួយនឹងនៅជានិរន្ត»។ ទោះ​យ៉ាង​ណា ពេល​នេះ ឡាន ដែល​មេ​ទិញ​ឲ្យ​នោះ ជិះ​ចុះ​ជិះ​ឡើង​បំពេញ​ការងារ​ចំ​ផ្លូវ ដែល​ឡាន​ដឹក​ក្រួស ដឹកថ្ម ​អត់​គ្រប​ធ្លាក់​លើ​ផ្លូវ ​ខ្ទាត​ត្រូវ​ឡាន​ខ្លួន , សួ វិចិត្រ ក៏ចេញ​មុខ​រិះគន់​តែម្ដង។

បង្ហោះភ្ជាប់ជាមួយរូបថតឡានខ្លួន នៅថ្ងៃទី២៨ ខែកក្កដា ឆ្នាំ២០២២នេះ សួ វិចិត្រ បានរិះគន់ថា «ច្រើនលើកច្រើនសា​ពេកហើយ ឡានដឹកក្រួសដឹកថ្មហេតុអ្វីមិនគ្របតង់ មុននឹងឡើងបើកចេញដំណើរអាជីវកម្មតើគិតដល់​សុវត្ថិភាព​អ្នកដែលរួមដំណើរលើដងផ្លូវជាមួយគ្នាដែរទេ របស់ដែលកំពុងពេញស្រលាញ់(បញ្ជាក់​ខ្ញុំមិនបានថា ចំពោះឡានដឹកក្រួសទាំងអស់ទេ)»៕

Related posts

Leave a Comment