ភ័យណាស់! «ចម្រៀង​ស្នេហ៍» ពី ​ណាន វីសារ ​លួងលោម​ពេញ​មួយ​ស្ទីរីយោ តែ​ចុងក្រោយ​បែរជា​ភ័យ​បុកពោះ​ ​ព្រោះតែ…(មានវីដេអូ)

គេ​នៅ​ចាំ​បាន​ថា កម្មវិធី​ប្រឡង​ចម្រៀង​លំដាប់ថ្នាក់​ពិភពលោក​Cambodian Idol រដូវ​កាល​ទី​៤ វគ្គ​Judge Audition, បេក្ខជន ណាន វី​សារ អាយុ​២១​ឆ្នាំ មកពី​ខេត្ត​សៀមរាប ប្រកប​របរ​ជា​អ្នកលក់​ឡាន បានធ្វើឲ្យតារាចម្រៀង សុខ សីឡាលីន បង្ហូរទឹកភ្នែក ព្រោះតែសំឡេង​លួងលោម​របស់​រូបគេ ត្រូវចិត្តនាងនោះ។


នៅ​ពេល​នោះ​ សុខ សីឡា​លីន រលីងរលោង​ទឹកភ្នែក រៀបរាប់​ថា​ និយាយ​ត្រង់ ក្នុង​ជីវិត​ខ្លួន​ក្រៅពី​ប៉ា​ម្នាក់ មិនដែល​មាន​បុរស​ណា​ម្នាក់​ផ្ដល់​ភាព​កក់ក្ដៅ សូម្បីតែ​បងប្រុស ក៏​អត់​សូវ​ផ្ដល់​ភាព​កក់ក្ដៅ​ដែរ​ ហើយក៏​កម្រ​មាន​បុរស​ណា​និយាយ​ពាក្យ​លួងលោម​ផ្អែមល្ហែម ក្នុង​ន័យ​លើកទឹកចិត្ត។

គណៈកម្មការ ​សុខ ស៊ី​ឡា​លីន និយាយ​បណ្ដើរ ជួត​ទឹកភ្នែក​បណ្ដើរ​ទៀត​ថា ខ្លួន​រាល់ថ្ងៃ ដូចជា​មនុស្ស​ប្រុស​ផង ​ស្រី​ផង ហើយ​ការ​រំភើប​នេះ ដោយសារតែ​បេក្ខជន បា​,​ញ់​ព្រួញ​មក​ចំ​ពេក ចំ​ចំណុច ដែល​ខ្លួន​កំពុងតែ​ខ្វះខាត។


និយាយ​ដល់​ចំណុច​នេះ​ សុខ ស៊ី​ឡា​លីន រៀបរាប់​ទាំង​អួល​ដើម​.​ក​ទៀត​ថា ពេលខ្លះ​ឃើញ​សេចក្ដី​សុខ​របស់​ បង​​កញ្ញា ធ្វើ​ឲ្យ​ខ្លួន​រំភើប​ថា ខ្លួន​ប្រហែលជា​រឹងមាំ​ពេក​មិន​ដឹង បានជា​កម្រ​ជួប​បុរស​ណា ដែល​ចង់​ជួយ​មើលថែ​។ ​ក្រោយ​សុខ ស៊ីឡាលីន រៀបរាប់​ចប់, ​គណៈកម្មការ​ម្នាក់ៗ បាន​លើក​សរសើរ​បេក្ខជន​ខាងលើ មិន​ដាច់​ពី​មាត់ ហើយ​ចុងក្រោយ​បាន ​សម្រេច​ផ្ដល់​«​យេ​ស​»៤​ដល់​រូបគេ។

បន្ទាប់ពីជាប់នៅក្នុងវគ្គនេះ មក បេក្ខជន ណាន វី​សារ នៅតែបន្តធ្វើបានល្អទៀត រហូតជាប់ដល់វគ្គLive Show សប្ដាហ៍ទី១, សប្ដាហ៍ទី២ រហូតដល់សប្ដាហ៍ទី៣ រូបគេបកស្រាយចម្រៀង​មរតក​ដើម មានចំណងជើង «ចម្រៀងស្នេហ៍» បានយ៉ាងពីរោះ លួងលោម ពេញមួយ​ស្ទីរីយោ។

ទោះជារូបគេ ច្រៀងពីរោះ ហើយត្រូវ​គណៈកម្មការ​សរសើរ​ថា ធ្វើបានល្អជាងសប្ដាហ៍ណាណា ក៏ពិតមែន តែពេលប្រកាស​លទ្ធផល​នោះ រូបគេ ពិត​ជា​មាន​អារម្មណ៍​ភិតភ័យ​ខ្លាំងណាស់ ព្រោះបេក្ខជនផ្សេងៗជាប់អស់ហើយ នៅសល់តែបេក្ខជន៣នាក់ប៉ុណ្ណោះ ហើយ៣នាក់នេះ មានតែម្នាក់ប៉ុណ្ណោះ ត្រូវជាប់ទៅវគ្គបន្ត។

ទោះយ៉ាងណា ម្នាក់ចុងក្រោយ ដែលត្រូវជាប់ទៅវគ្គបន្តនោះ ជារូបគេ ធ្វើឲ្យបេក្ខជន មកពីខេត្តសៀមរាបរូបនេះ សប្ដាហ៍ចិត្តខ្លាំង បាត់​អស់​អារម្មណ៍​ភ័យព្រួយ៕ ដើម្បីកាន់តែជ្រាបច្បាស់ទៀតនោះ សូមទស្សនាវីដេអូ ខាងក្រោមនេះ ទាំងអស់គ្នា ៖


Related posts

Leave a Comment