មួយរយៈចុងក្រោយនេះ អ្នកមេម៉ាយរូបសម្រស់ សេង សុខឃីម ដែលគេស្គាល់ថា ជាសង្សាររបស់នាយចឺមនោះ បានបង្ហោះសារប្លែកៗបង្ហាញតម្រុយនៃការបា,,ក់បែ,,កគ្នា ហើយរឿងនេះ ត្រូវបានគេហទំព័រមួយចំនួនយកទៅចុះផ្សាយបង្កឲ្យមានការចាប់អារម្មណ៍ជាខ្លាំង។
ក្រោយពីផ្ទុះកក្រើករឿងនេះ នៅក្នុងបទសម្ភាសន៍ជាមួយសារព័ត៌មានក្នុងស្រុក កាលពីពេលថ្មីៗនេះ ចឺម បានបញ្ជាក់ថា លោកចាំតែយល់ស្របតាមអ្នកនាងសឹង សុខឃីម ដែលចង់បានប៉ុណ្ណោះ ពោលគឺលោកដើរផ្លូវតាមក្រោយ។ នាយចឺម បញ្ជាក់ថា រឿង ដែលអ្នកនាងសុខឃីម ចេញសារប្លែកៗនៅលើហ្វេសប៊ុកនោះ មកពីនាងចូលចិត្ត«Drama»ហើយលោកក៏មិនដឹងជាធ្វើម៉េចដែ។
លោកបន្តថា បើថាពេលនេះបែកគ្នា១០០%ហើយក៏មិនអាចនិយាយឲ្យច្បាស់បែបនេះដែរ ព្រោះអ្វីៗនាយនឹងធ្វើតាមចិត្តរបស់សង្សារ។ ចឺម បាន លើកឡើងដែរថា វាពិបាកណាស់ នៅពេល ដែល គូសង្សារបែ,,កបាក់គ្នាភាគច្រើនគេបន្ទោសមកតែពីខាងប្រុសថាមានថ្មី តែសម្រាប់រូបលោកវិញតាំងភ្ជាប់ស្នេហ៍ជាមួយអ្នកមេម៉ាយកូនមួយ សេង សុឃីម នាយ មិនដែលមានទំនាក់ទំនងជាមួយនារីណាម្នាក់ឡើយ។
ក្រោយពីបញ្ជាក់ប្រាប់រឿងរ៉ាវរបស់ខ្លួនមួយចំនួនរួចមក កាលពីថ្ងៃទី១៤ ខែសីហា ឆ្នាំ២០២២កន្លងទៅនេះ ស្រាប់តែនាយចឺម បានបង្ហាញមុខដៃគូថ្មីរបស់ខ្លួន ហើយបញ្ជាក់ប្រាប់ថា «ដៃគូថ្មី បទថ្មីមួយ បទចាស់មួយ»។ ទោះចឺមមិនបានបញ្ជាក់ឲ្យច្បាស់ តែត្រូវអ្នកគាំទ្រគិតថា ជាសង្សារថ្មីរបស់ចឺម។
ទោះយ៉ាងណា រឿងនេះ នៅតែត្រូវមហាជនធ្វើការរិះ,,គន់ដដែលនោះ នាយចឺម ក៏បានសម្រេចធ្វើការឡាយបកស្រាយនៅល្ងាចនេះ ខណៈបែកបាក់ជាមួយដៃគូជាច្រើននាពេលកន្លងមកនោះ ចឺម មិនដែលសម្រេចចិត្ត ធ្វើបែបនោះឡើយ។
ចឺម បានបង្ហោះនៅក្នុងបណ្តាញសង្គម ដោយបញ្ជាក់ដូច្នេះថា «បងប្អូន ដែលជេរ ខ្ញុំរឿងស្នេហាស្អែកជួបគ្នាក្នុងការឡាយម៉ោង៥:៣០ល្ងាច»។ ដោយឡែកនៅក្នុងបទសម្ភាសន៍ជាមួយតារាញូស៍ចឺម បញ្ជាក់ថា «ខ្ញុំអត់មានបែកគ្នាទេ គ្រាន់តែខ្ញុំនិយាយលេងជាមួយ ចែ ខ្ញុំ ហើយគាត់ចេះតែផុសលេងហ្នឹងណា បង្អាប់ ស៊ែរ សង្សារខ្ញុំលេងហ្នឹង ដឹងតែនិយាយដឹងតែប្រចណ្ឌហើយ ធ្វើនិយាយលេងអ៊ីចឹងទៅ…»៕
