រូបមន្តពិសេស! ទើប​សម្រាល​​​សោះ​ ក្បាល​ពោះ​ កុល ដាវី ​រាបស្មើ ​ដល់​អ្នក​គាំទ្រ​សួរនាំ ​ទើប​នាង​ទម្លាយ​ថា…

គេនៅចាំបានថា តារា​ចម្រៀង សុខ រក្សា និង​តារា​សម្តែង​កុល ដាវី បាន​ចូល​រោងការ កាលពី​ថ្ងៃទី​០៨ ខែមីនា ឆ្នាំ​២០១៩ កន្លងទៅ ក្រោម​ការ​អញ្ជើញ​ចូលរួម​ពី​សំណាក់​ភ្ញៀវកិត្តិយស អ្នកមាន​មុខមាត់ និង​មិត្ត​រួម​អាជីព​ជាមួយគ្នា យ៉ាងច្រើន​កុះករ​។


ក្រោយ​រៀបការ ពួកគេ​ក៏​ទទួលបាន​ចំណងដៃ​កូន​ម្នាក់​ជា​ដំណក់ឈាម​រួមគ្នា តែ​គួរ​ឲ្យ​សោកស្ដាយ កូន​នោះ អស់​និស្ស័យ​ជាមួយ​ពួកគេ ធ្វើ​ឲ្យ​ពួកគេ កើតទុក្ខ​មិន​ស្ទើរ​នោះទេ​។ ទោះយ៉ាងណា ពួកគេ ក៏បាន​ចាប់ផ្ដើម​សាង​ជីវិត​ជាថ្មី រួម​រស់នៅ​ជាមួយគ្នា​រហូត​ទទួល​បានកូន​ម្នាក់ទៀត។

កុល ដាវី បាន​សម្រាលកូន​ប្រកបដោយ​សុវត្ថិភាព តាម​បែប​ធម្មជាតិ កាលពី​ថ្ងៃ​ច័ន្ទ​ទី​១១ ខែ​មេសា ឆ្នាំ​២០២២ ម៉ោង​១០​និង​១៥​នាទី​ព្រឹក នៅ​សម្ភព​អរ​រៀន​ដា ដោយ​កូនស្រី​របស់​នាង ត្រូវ​បាន​ដាក់ឈ្មោះ​យ៉ាង​ពីរោះ​ថា «​រក្សា វី​នី​តា​»។


គិតមកដល់ពេលនេះ តារាសម្តែង កុល ដាវី ទើបសម្រាលកូនស្រីប្រមាណជា៤ខែប៉ុណ្ណោះ តែសម្រស់របស់នាងនៅតែខ្ញង់ស្អាត ជាពិសេសក្បាល ពោះរាបស្មើស្ទើរមិនដឹងថា ជាអ្នកម្តាយ ដែលទើបសម្រាលកូននោះទេ។

ជាក់ស្ដែង ថ្មីៗនេះ គេឃើញ កុល ដាវី ឡាយលក់ផលិតផលរបស់ខ្លួន ហើយឃើញថា រូបរាងនាង នៅតែស្រឡូនស្អាត។ នៅពេលនោះ មានអ្នកគាំទ្រជានារីៗ ចង់ដឹងពីវិធីសាស្រ្តក្នុងការថែទាំរូបរាងរបស់នាង ទើប កុល ដាវី ប្រាប់ថា នាងទទួលទានទឹកក្តៅ និងញ៉ាំបាយតិច ហើយពេលឃ្លានទទួលទានកាហ្វេតែដាក់ស្ករបន្តិច៕

Related posts

Leave a Comment