គេនៅចាំបានថា ម្ចាស់បទ«កុលាបពុលដី» លោក កែវ វាសនា បានសម្រេចចិត្តបញ្ចប់ភាពនៅលីវ កាលពីថ្ងៃទី១១ ខែឧសភា ឆ្នាំ២០១៦ ជាមួយនឹងកូនស្រី របស់សេដ្ឋីជនបទ ឈ្មោះ«សេដ្ឋីលី» ក្នុងស្រុកមង្គលបុរី ខេត្តបន្ទាយមានជ័យ។
ក្រោយរៀបការ លោក កែវ វាសនា បានជោគជ័យយ៉ាងខ្លាំងលើមុខរបររហូតសាងសង់វិឡារតម្លៃជាង៨០ម៉ឺនដុល្លាររួចរាល់ ព្រមទាំងមានកូនក្នុងបន្ទុកចំនួន២នាក់ តែសម្រាប់ទំនាក់ទំនង និងក្តីស្រលាញ់ មិនប្រែប្រួលទៅណាទេ។
កាលពីអំឡុងឆ្នាំ២០២១ ភរិយាតារាចម្រៀង កែវ វាសនា បានរំលឹកពីប្រវត្តិតស៊ូជាមួយគ្នារហូតជោគជ័យដល់បច្ចុប្បន្ន ដោយរៀបរាប់យ៉ាងវែងអន្លាយថា «ពាក្យថាប្តីប្រពន្ធគឺរួមសុខរួមទុក្ខនិយាយរឿងពិតមួយចុះ កាលពីជាង10ឆ្នាំមុន ទម្រាំតែមនុស្សប្រុសឈរក្បែរខ្ញុំនេះ បានខ្ញុំជាប្រពន្ធគឺគាត់តស៊ូណាស់ តស៊ូគ្រប់ឧបសគ្គ ជួបព្យុះភ្លៀងពីប៉ាម៉ាក់ខាងស្រីដែលរារាំងមិនអោយស្រលាញ់គ្នា
ជាពិសេសប៉ាមិនទទួលជាដាច់ខាតព្រោះខ្លាចខាងប្រុសស្រីច្រើន ស្រលាញ់កូនគាត់មិនស្មោះចិញ្ចឹមកូនគាត់មិនបានល្អដូចគាត់ចិញ្ចឹម និយាយរួមគឺគាត់មិនអោយយក មុនការជាមួយគ្នាស្រលាញ់គ្នាហើយក៏បែកគ្នាចង់100ដងដែរ តែពីរនាក់យើងនៅតែស្កាត់រកគ្នា
ហើយសន្យាមួយគ្នានឹងខំរកលុយហើយតស៊ូស្រលាញ់គ្នាអោយស្មោះដើម្បីបង្ហាញអោយពួកគាត់ឃើញថា មនុស្សប្រុសម្នាក់នេះ ស្រលាញ់មនុស្សស្រីម្នាក់នេះ មិនមែនសម្លឹងឃើញគ្រួសារខាងស្រីមានទ្រព្យជាងទេ គឺការស្រលាញ់ចិត្តនឹងចិត្ត
បន្ទាប់មកយើងក៏លួចទាក់ទងគ្នារហូត ហើយខាងប្រុសខំរកលុយបានទាំងប៉ុន្មានអោយខាងស្រីទុកទាំងអស់ ហើយខ្ញុំក៏ចាប់ផ្តើមរៀនលក់អនឡាញ់កាលពី7ឆ្នាំជាងមុន ប៉ាឃើញផុសលក់តាមហ្វេសប៊ុក ក៏គាត់មិនសូវពេញចិត្តដែរ ព្រោះពេលនឹងអ្នកលក់តាមអនឡាញគេមិនសូវអោយតម្លៃទេ
ខ្ញុំមិនខ្វល់ថា គាត់គិតយ៉ាងណាទេ ព្រោះខ្ញុំត្រូវរកលុយចាយដោយខ្លួនឯងមិនអាចលាដៃសុំលុយពីគាត់ចាយបានទៀតទេ ព្រោះគោលដៅខ្ញុំចង់អោយប៉ាឃើញពីសមត្ថភាពខ្ញុំថា កូនស្រីម្នាក់នេះមិនទន់ជ្រាយទេហើយអោយឃើញពីសមត្ថភាពពីកូនស្រីម្នាក់នេះថា អាចមានសមត្ថភាពជ្រើសរើសគូស្រករដោយខ្លួនឯងបាន
1ឆ្នាំជាងក្រោយមក ពីរនាក់ខ្ញុំប្រឹងរកលុយដោយកម្លាំងញើសឈាមសល់លុយមួយចំនួន និងមានឡានខ្ទង់ជិត10ម៉ឺន1គ្រឿង និងជិត4ម៉ឺន1គ្រឿង ពេលនឹងខាងប្រុស ក៏មានផ្ទះនិងឡានខ្លួនឯងផ្ទាល់ស្រាប់ហើយ ហើយក៏យើងបានលួចណាត់គ្នាទៅមើលខែឆ្នាំថា យើងការពេលណាល្អ
ពេលនឹងពួកខ្ញុំមិនដែលជឿរឿងគ្រូទាយទេ តែយើងចង់ដឹងថាយើងបានការជាមួយគ្នាអត់ចឹងក៏ពួកខ្ញុំក៏សម្រេចចិត្តទៅមើលនឹងអ្នកគ្រូស្រីម្នាក់ គាត់មើលដោយបាតដៃខ្ញុំទាំងពីរ គាត់ក៏និយាយថាខ្ញុំទាំងពីរទោះយ៉ាងណាក៏បានការជាមួយគ្នាដែរ គាត់ក៏ប្រាប់ម៉ោងនិងថ្ងៃអោយនិយាយសុំប៉ាខ្ញុំហើយគាត់ប្រាប់អោយត្រូវតែរៀបការក្នុងឆ្នាំនឹងអោយបាន ហើយទោះជាយ៉ាងណាយកកូនឆ្នាំវកអោយបានដឹងតែមានខ្លាំងកុំអោយផុតអោយសោះ(កាលជាង6ឆ្នាំមុន)ឈីហ្វូនឹងហើយឆ្នាំវកឥឡូវអាយុជិត5ឆ្នាំហើ។
បន្ទាប់មកដល់ថ្ងៃ ដែលខ្ញុំត្រូវតាំងចិត្តទៅសុំប៉ាម្តងទៀត ពេលនោះចិត្តខ្លួនឯងរៀងរឹងមាំច្រើនព្រោះយើងចេះរកលុយដោយសមត្ថភាពខ្លួនឯងបានហើយ ក៏ចូលបន្ទប់សុំគាត់ទាំងបុកពោះ និយាយទៅកាន់ប៉ាថា ប៉ាខ្ញុំនិងស្នាចង់រៀបការមួយគ្នា ព្រមទៅប៉ាឬប៉ាចង់អោយខ្ញុំយកអ្នកមានជាងតាមប៉ាណែនាំ ការកន្លះខែមិនទាន់ខ្ញុំលែងគ្នា និងខ្ញុំបានមនុស្សដែលខ្ញុំស្រលាញ់តែប៉ាមិនពេញចិត្តតើមួយណាប៉ាខ្មាសគេជាង
គាត់អត់និយាយមួយសន្ទុះ ហើយក៏តបមកវិញថា សួរម៉ាក់ហែងទៅបើម៉ាក់ហែងព្រមក៏យកគ្នាទៅ ពេលនឹងអារម្មណ៍អរចង់ហោះព្រោះម៉ាក់គាត់ដឹងតែព្រមហើយ ព្រោះគាត់ឃើញប្តីខ្ញុំជាមនុស្សប្រុសដែលតស៊ូស្រលាញ់កូនគាត់ខ្លាំងមែន ដែលមិនដូចពាក្យគេនិយាយថាស្រលាញ់ខ្ញុំឃើញតែលុយ
4ខែក្រោយមកយើងក៏បានរៀបមង្គលការជាមួយគ្នាដោយសប្បាយរីករាយ ប៉ាម៉ាក់ក៏មានស្នាមញញឹមចាប់ផ្តើមពេញចិត្តប្តីខ្ញុំរហូតដល់សព្វថ្ងៃនេះគាត់កាន់តែស្រលាញ់ប្តីខ្ញុំទ្វេឡើងដោយឃើញទង្វើប្តីខ្ញុំរយៈពេលច្រើនឆ្នាំមកនេះស្រលាញ់ប្រពន្ធកូន មិនដែលធ្វើអោយខ្ញុំខូចចិត្ត លុយកាក់រកបានទុកតែម៉ាចាយសល់ម៉ានតែងតែអោយប្រពន្ធទុក
ប្តីខ្ញុំជាមនុស្សមិនដែលចង់បានរបស់ទ្រព្យពីអ្នកណាឡើយ ហើយប្តីខ្ញុំក៏មិនចេះអួតអាងដែរទោះគាត់ជាតារាពិតមែន តែគាត់មិនប្រកាន់ខ្លួនទេ ការមើលថែប្រពន្ធកូនអាចនឹងលើសមនុស្សប្រុសមួយចំនួនក៏ថាបានដែរ
ខ្ញុំទម្ងន់ទៅមើលថែកូនក្នុងផ្ទៃនៅពេទ្យពេលណាក៏មានវត្តមានប្តីខ្ញុំជូនទៅគ្រប់ពេល ហើយយកកូនៗទៅចាក់វាក់សាំងក៏មានវត្តមានគាត់រហូត អ្នកគ្រូពេទ្យរ៉ូយ៉ាលអាចធ្វើសាក្សីបាន ហើយគាត់ជាមនុស្សប្រុសមែន តែការមើលថែកូនគាត់ជំនាញជាងខ្ញុំទៀត ដូចជាអោយកូនគេង ងូតទឹកនិងបំបៅដោះគោកូន និងអាចម៍នោមកូនគឺម៉ាចប់
យប់ឡើងភាគច្រើនគាត់មើលកូនច្រើនជាងខ្ញុំ ការចាប់ដៃគ្នារយៈពេលច្រើនឆ្នាំនេះខ្ញុំតែងដាស់តឿនប្តីខ្ញុំថាកុំអោយប្រពន្ធម្នាក់នេះខ្មាសគេណា តែយើងក្រគេមើលងាយហើយចឹងយើងត្រូវតែស្មោះត្រង់នឹងគ្នាខំរកទាំងអស់គ្នាអោយមានបានធ្វើអោយយើងទាំងពីរនាក់មានការងារល្អ មិនថាទិញដីទិញផ្ទះឬរកស៊ីអ្វីក៏ដោយគឺពួកខ្ញុំចុះសម្រុងគ្នាណាស់គិតលឿនធ្វើលឿនទោះយើងធ្លាប់ជួបការបរាជ័យខ្លះក៏យើងមិនបាក់ទឹកចិត្តដែរ
រហូតដល់សព្វថ្ងៃនេះយើងមានចំណូលបីបួនផ្នែករស់នៅបែបសាមញ្ញៗដោយស្រួល ហើយក៏គ្មានមានបានដោយសារទ្រព្យប៉ាម៉ាក់1រៀលដែរ បានគ្រប់យ៉ាងដូចសព្វថ្ងៃជាញើសឈាមយើងទាំង2 កាដូរដ៏ធំគឺកូនប្រុស1ស្រីមួយដ៏គួរអោយស្រលាញ់ love forever Keo Veasna Lim Sokuntheary»។
ទោះយ៉ាងណា ការពូកែរកស៊ីនេះ អ្នកនាង លីម សុគន្ធារី មិនទាន់ហៅថាជោគជ័យនៅឡើយទេ។ ជាក់ស្ដែង កាលពីថ្ងៃទី១៩ ខែសីហា ឆ្នាំ២០២២ អ្នកនាង បានបង្ហោះរូបថតជាមួយលោក កែវ វាសនា ជាស្វាមី អមដោយសារ បញ្ជាក់ថា «ពូកែររកលុយតែម្យ៉ាងមិនទាន់ហៅថាជោកជ័យទេ ពូកែថែសុភមង្គលក្នុងគ្រួរសារបានទើបហៅថាជោកជ័យពិត»។
ក្រៅពីបង្ហាញការគាំទ្រចំពោះCaptionខាងលើ, អ្នកគាំទ្រមួយចំនួន បានចាប់អារម្មណ៍ទៅលើរូបសម្រស់ប្រពន្ធលោកកែវ វាសនា ដោយពួកគេ លើកឡើងថា «ស្អាតណាស់ណព្វចិត្ត, ស្អាតណាស់បង, ស្អាតណាស់លោកអើយ, ចុមបងស្នាបានតុក្កតាជ,,ប៉ុនពីអង្កាល់ទើបយាយងៃមុនសោះ, ស្អាតណាស់បងស្រី»៕
