លើកទី១ហើយ! ស្រឡាញ់​គ្នា​រាប់​ឆ្នាំ​ ទើបឃើញ កែវ វាសនា ​បង្ហោះ​សារ​ ត្រា​ម៉ា រហូត​ភរិយា​ លួងលោមថា ត្រូវ​ចាំ​…

បើ​រាប់​ពី​មុន​ពេល​រៀបការ រហូត​រៀបការ មាន​កូន​២​ជាមួយគ្នា​នោះ​, តារា​ចម្រៀង​កែវ វាសនា និង​ភរិយា​ស្រឡាញ់​គ្នា​ជាង​១០​ឆ្នាំ​ទៅ​ហើយ ដោយ​ក្នុង​រយៈពេល​នេះ គេ​មិនដែល​ឃើញ​ម្ចាស់​បទ​«​កុលាប​ពុល​ដី​»​រូបនេះ បង្ហោះ​សារ ត្រា​ម៉ា បង្ហាញ​ពី​ការ​ស្ដាយ​ចិត្ត​ចំពោះ​ការ​រាប់អាន​មនុស្ស​ខុស​នោះ​ឡើយ។

ដោយឡែក កាលពី​ថ្ងៃទី​២០ ខែសីហា ឆ្នាំ​២០២២ ស្រាប់តែ​តារា​ចម្រៀង​ឈរជើង​នៅ​ផលិតកម្ម​សាន់ដេ​រូបនេះ ដាច់ចិត្ត​បង្ហោះ​សារ​ថា «​មនុស្ស​ឥឡូវ​រាប់អាន​គ្នា​ទាល់តែ​លះបង់​ក្តី​សុខ​ខ្លួនឯង​ទៅអោយគេ ទើប​គេ​ថា រាប់​ចេញពី​ចិត្ត គ្រាន់តែ​គិត​ក៏​ចង់​សើច​ដែរ សម្រាប់​ខ្ញុំ​សូម​ប្រាប់ថា NO គ្មាន​អ្នកណា​អស្ចារ្យ​ជាង​ប្រពន្ធ​កូន​ខ្ញុំ​ទេ​»​។​

ដោយ​ឃើញ​ប្ដី​បង្ហោះ​សារ​បែបនេះ អ្នកនាង លីម សុគន្ធា​រី បាន​ខំ​មិន ដាស់តឿន​ប្ដី​ថា «​ត្រូវ​ចាំ​ថា មាន​ទឹក​ចិត្តល្អ​ប៉ុណ្ណា​ក៏ដោយ ទាល់តែ​ធ្វើ​ត្រូវ​មនុស្ស ទើប​មានតម្លៃ​ណា​ប្តី តែបើ​យើង​ធ្វើ​ល្អ​អស់ពី​ចិត្ត​ហើយ​គេ​មិនអោយ​តម្លៃ​យើង​ទៀត ទាំង​យើង​រាប់​គេ​មិនដែល​ចង់បាន​ប្រយោជន៍​នោះ

គេ​ទេ​ជា​អ្នក​ស្តាយក្រោយ ដែល​បាត់បង់​មនុស្ស​ល្អ​ពិត​ដូច​យើង ហើយក៏​សប្បាយចិត្ត ដែល​បាន​ស្គាល់​សន្តាន​មនុស្ស​បែប​ហ្នឹង មិន​ងាយ​ត្រា​ម៉ា​ទេ​តែ​វា​ហួសចិត្ត​ពេក​ធ្វើ​ល្អ​បាន​ទោស​លើកទីមួយ​ហើយ​ឃើញ​ប្តី​ចេះ​ផុស​ចឹ​ងៗ កុំ​ស្តាយ​ទឹកចិត្ត​បរិសុទ្ធ​របស់​យើង​អី ជា​បុណ្យ​របស់​យើង​ទេ​ប្តី​»​។​

ជាការ​ឆ្លើយតប លោក កែវ វាសនា បានបញ្ជាក់​ជំហរ​របស់ខ្លួន​ទៅកាន់​ភរិយា​ថា «​ផុស​ម្តងនេះ​ហើយ​ឈប់​ផុស​មួយជីវិត តោះ​ញុំា​បង្កង​ឆៅ​យើង​»​។ តាមរយៈ​សារ​នេះ ក្រៅពី​ភរិយា​លោក មាន​អ្នកលេង​បណ្ដាញ​សង្គម​ហ្វេ​ស​ប៊ុ​ក​ជាច្រើន​ទៀត បាន​ចូល​ទៅ​ខំ​មិន បង្ហាញ​ការ​គាំទ្រ​ចំពោះ​Caption​ដ៏​ចា,,ក់​ដោត​ខាង​លើនេះ​៕

Related posts

Leave a Comment