ក្រោយពីសម្រាលកូនស្រីដ៏គួរឲ្យស្រឡាញ់ កាលពីថ្ងៃទី៨ ខែសីហា ឆ្នាំ២០២២កន្លងទៅ នៅមន្ទីរពេទ្យ អឃីតកោះពេជ្រ នោះ, កាលពីពេលថ្មីៗនេះ ដេននី ក្វាន់ និង ចឹក ឡេង ជាស្វាមី បាននាំគ្នាដើរមើលគ្រឿងពេជ្រ យ៉ាងមានក្ដីសុខបំផុត។
អ្វីជាការចាប់អារម្មណ៍ ក្នុងពេលShoppingតាមហាងពេជ្រនោះ ដេននីក្វាន់ បានទិញគ្រឿងអលង្ការជាច្រើន ដូចជា ខ្សែដៃ, ចិញ្ចៀន៣វង់, នាឡិកា, រួមនឹងក្រវិល។ ក្នុងចំណោមគ្រឿងពេជ្រទាំងនេះ នាង ទិញសម្រាប់ស្វាមីផងដែរ។ ជាក់ស្ដែង ចឹក ឡេង បានធ្វើការអរគុណចំពោះប្រពន្ធសម្លាញ់ខ្លួនថា «អរគុណប្រពន្ធ ដែលអោយកាដូចិញ្ចៀនពេជ្រមកប្តី ២វង់»។
ដោយឡែក នៅថ្ងៃនេះ អ្វីកាន់តែចាប់អារម្មណ៍បន្ថែមទៀតនោះ ពួកគេទាំង២នាក់ បានបន្តបង្ហាញភាពផ្អែមល្ហែមលើសពេលមុនៗទៅទៀត ដោយដេននី ក្វាន់ បានគេងលើភ្លៅប្ដី ហើយចឹក ឡេង ជាប្ដី បានថ្នាក់ថ្នមបំពេនាងឲ្យគេងលក់នោះ។
បង្ហោះភ្ជាប់ជាមួយវីដេអូ ថ្នាក់ថ្នមបំពេនេះ ចឹក ឡេង ប្រាប់ថា «ថ្ងៃនេះបំពេប្រពន្ធអោយគេង
21.08.2022»។ តាមរយៈនេះ អ្នកគាំទ្រ បានលាន់មាត់សរសើរពីសំណាងរបស់អតីតតារាសម្ដែង ដេននី ក្វាន់ និងជូនពរឲ្យពួកគេស្រឡាញ់គ្នាដល់ចាស់កោងខ្នង។
គួរបញ្ជាក់ថា វត្តមានរបស់ Jasmin ហៅមីង៉ោល បានចូលមកក្នុងជីវិតរបស់ ដេននី ក្វាន់ ធ្វើឲ្យរូបនាង និងស្វាមី ពិតជាកក់ក្ដៅ រីករាយ រកអ្វីប្រៀបផ្ទឹមពុំបានឡើយ។ ជាក់ស្ដែង ក្រោយសម្រាលភ្លាម, ដេននី ក្វាន់ បានបង្ហាញអារម្មណ៍ថា «ទឹកចិត្តអ្នកម្ដាយបរិយាយមិនអស់ ស្រលាញ់កូនស្មោះលើសជីវិត»។ ចំណែក ចឹក ឡេង បានបង្ហោះរូបថតជាមួយគ្រួសារដ៏តូចរបស់ខ្លួន ហើយពោលពាក្យដែរថា «ពេលវេលា ដែលមានន័យបំផុត»៕
