ស្ងាត់​ៗ ប៊ុត សីហា ស្កាត់​ទៅ​ជួប​ អ្នក​ស្រី ​ទ្រី ដាណា តែ​អ្នក​ស្រីនិយាយមួយម៉ាត់ គ្រប់គ្នាហួសចិត្តតែម្តង (មានវីដេអូ)

គេ​នៅ​ចាំ​បាន​ថា ម្ចាស់​ពាន​កម្មវិធី​ចម្រៀង​លំដាប់​ពិភពលោក The Voice Cambodia រដូវ​កាល​ទី​១ លោក ប៊ុត សីហា បន្ទាប់ពី​ស្ងប់ស្ងាត់​ពី​វិថី​សិល្បៈ​នោះ ស្រាប់តែ​កាលពី​ថ្ងៃ​ទី​២៦ ខែ​តុលា ឆ្នាំ​២០២១​កន្លង​ទៅ​​​ លោក បាន​សាង​ភាព​ភ្ញាក់ផ្អើល​មួយ​សម្រាប់​អ្នកគាំទ្រ ដោយ​ចូល​ទៅ​ខំ​មិន​សុំ​ជំនួយ​ពី​អ្នកស្រី ទ្រី ដា​ណា។

ការចូលទៅ​ខំ​មិន​សុំ​ជំនួយ​នេះ កើតឡើង ក្រោយពី​អ្នកស្រី ទ្រី ដា​ណា បាន​បង្ហោះ​រូបថត អម​ដោយ​សារ​រៀបរាប់​ដូច្នេះ​ថា «​សូម​ប្រាប់​រឿង​ពិត​មួយណា​បងប្អូន កុំ​ឃើញ​អ្នកមាន​លុយ​អ្នកលក់​មាស​ពេជ្រ និង​អ្នកជំនួញ​ពូកែ​អី​ណា​នោះ​, តាម​ការពិត​ចែ​ដា​ណា ជម្រាប​បន្តិច​ថា សំលៀកបំពាក់ ដែល​ចែ​ដា​ណា​ពាក់​រាល់ថ្ងៃ តម្លៃ​៧០០០​រៀល​,៨០០០​រៀល​ទៅ​៨​ម៉ឺន​រៀល​អី​អស់ហើយ មិនដែល​ចំណាយលុយ​ទិញ​របស់​ប្រ៊េ​នៗ ឬ​សំលៀកបំពាក់​ប្រ៊េ​ន​អី​ទេ តាំងតែ​ពី​ដើម​មករ​ហូត​ដល់ពេលនេះ​។

ព្រោះ​ចែ​ដា​ណា​ស្តាយ​លុយ និង​គិតថា មិន​ចង់​ចំណាយ​អី​អោយអស់​ច្រើន​លើ​ការ​ស្លៀកពាក់​នោះឡើយ មើល​តែមួយ​ឈុត​នេះ​ចុះ អាវ​តម្លៃ​៧០០០​រៀល​ខោ​តម្លៃ​៤៥០០០​រៀល​តែប៉ុណ្ណោះ មិនមែន​គ្មាន​លុយ​ទិញ​ខោអាវ​ប្រេន​ដូច​គេ​ទេ តែ​ចង់ទុក​លុយ​ដែល​ទិញ​អាវ​ខោ​ប្រេន​នោះ​ជួយ​អ្នកក្រ​ល្អ​ជាង

តែមាន​អ្នកខ្លះ​សួរ​ខ្ញុំ​ច្រើន​មែនទែន​ឃើញ​សម្លៀកបំពាក់ ដែល​ខ្ញុំ​ស្លៀកពាក់​កន្លងមក​ប្រហែល​ថា​ខ្ញុំ​ទិញ​ថ្លៃ​ហើយ ថ្ងៃនេះ​មក​ជម្រាប​ឲ្យ​ដឹងថា សម្លៀកបំពាក់​ខ្ញុំ​ពេលខ្លះ​ខ្ញុំ​ទិញ​ផ្សារ​អូ​ឫស្សី ផ្សារ​ថ្មី និង​តាម​អន​ឡាញ ហើយ​ចង់​ជម្រាប​ប្រាប់ថា ទោះ​សម្លៀកបំពាក់​ខ្ញុំ​មិន​ថ្លៃ

ប៉ុន្តែ​ខ្ញុំ​មាន​ក្តី​សុខ​ក្នុង​ការ​ស្លៀកពាក់ ហើយ​ពេល​ ដែល​ខ្ញុំ​ស្លៀក​សំលៀកបំពាក់​មិន​ថ្លៃ​មិន​ប្រេន តែ​ខ្ញុំ​មាន​លុយ​ពេញ​ហោប៉ៅ​របស់ខ្ញុំ ពេលដែល​ខ្ញុំ​ចេញ​ដើរ ខ្ញុំ​សុខចិត្ត​ជ្រើស​រើសយក​សម្លៀកបំពាក់​ថោក​ប៉ុន្តែ​លុយ​ចាយ​ពេញដៃ ខ្ញុំ​មិន​ជ្រើស​រើសយក​សម្លៀកបំពាក់​ថ្លៃ ប៉ុន្តែ​ពេលចេញ​ដើរ​គ្មាន​លុយ​ចាយ​នោះទេ​»​។​

នៅពេលនោះ តារាចម្រៀង ប៊ុត សីហា ក៏​ចូលទៅ​ខំ​មិន​យ៉ាង​ភ្ញាក់ផ្អើល​ថា «​សួស្តី​ចែ ខ្ញុំម្ចាស់​អា​ខោ​ន​ដែរ cmn នេះ ខ្ញុំ​ប៊ុត​សីហា​ខ្ញុំ​មាន​បញ្ហាចង់​ប្រាប់​ឲ្យ​ជួយ​.​តែ​មិនដឹង​ទំនាក់​ទំនង​ផ្ទាល់​​ជាមួយនឹង​ចែ​តាម​លេខ​ទូរ​សព្ទ​ណាមួយ​ទេ​.?? សុំ​ចែ​អាច​ឆ្លើយតប​នឹង​ប្អូន​តិច​តាម​.Chat fb បាន​អត់​? អរគុណ​..»​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
នៅពេលនោះ គេមិនឃើញអ្នកស្រីទ្រី ដាណា ធ្វើការឆ្លើយតបយ៉ាងណាឡើយ។ តែថ្មីៗនេះ លោកប៊ុត សីហា បានប្រកាសចូលសិល្បៈវិញ ស្រាប់តែមានឱកាសជួបអ្នកស្រីទ្រី ដាណាតែម្ដង។ នៅថ្ងៃនេះ លោក ប៊ុត សីហា ដៃគូ បានស្កាត់ទៅជួបអ្នកស្រីទ្រី ដាណា ហើយតាមរយៈវីដេអូ ដែលអ្នកស្រី ទ្រី ដាណា បង្ហោះឃើញថា អ្នកស្រី មិនដែលស្គាល់ លោកប៊ុត សីហានោះឡើយ។

ទោះយ៉ាងណាអ្នកស្រី បានឲ្យ ប៊ុត សីហា ណែនាំខ្លួន និងច្រៀងឲ្យអ្នកស្រីស្ដាប់សាកមើល។ ក្រោយ ប៊ុត សីហា ច្រៀងបទ «គ្មានអ្នកណាកែប្រែចិត្តបងចប់» នោះ អ្នកស្រី ទ្រី ដាណា បានលាន់មាត់​សរសើរ​ថា សក្ដិសម​ជាម្ចាស់ពាន។

ក្នុងនោះ អ្នកស្រី ទ្រី ដាណា បានសួរពីគោលបំណងរបស់ប៊ុត សីហា ផងដែរ ហើយជាការឆ្លើយតប ម្ចាស់ពានThe Voice Cambodia រដូវកាលទី១រូបនេះ បានប្រាប់ថា ខ្លួនចង់ចូលសិល្បៈវិញ តែមានការខ្វះខាត។

នៅពេលនោះ អ្នកស្រី ទ្រី ដាណា បានបន្តសួរពាក់ព័ន្ធនឹងរឿងកន្លងមក ហើយដោយដឹងថា ប៊ុត សីហា សន្យាកែប្រែខ្លួនជាថ្មីនោះ អ្នកស្រី មានការពេញចិត្តក្នុងការផ្ដល់ឱកាសឲ្យ តែការជួយបានប៉ុណ្ណានោះ អ្នកស្រី ទ្រី ដាណា សុំលាក់សិន។

បន្ថែមលើនេះ អ្នកស្រី បានបង្ហោះរូបថត ពេលប៊ុត សីហា មកជួបអ្នកស្រី ហើយរៀបរាប់ថា «អ្នកណាខ្លះស្គាល់ប្អូន ប៊ុត សីហា ឥឡូវគាត់ចង់វិលចូលសិល្បៈវិញ និងមានបំណងចង់ចេញចម្រៀងថ្មីៗ តែគ្មានលទ្ធភាព។ អ្នកណាក៏ធ្លាប់មានកំហុសដែរ តែសំខាន់ចេះកែខ្លួន អាចចាប់ផ្ដើមអ្វីៗជាថ្មីឡើងវិញ​សម្រាប់ខ្ញុំ ស្រលាញ់អ្នកមានសមត្ថភាព ចូលចិត្តផ្ដល់ឱកាស និងជួយដល់អ្នកដទៃ ដែលមានឆន្ទៈពិតៗ។ សង្ឃឹមពួកគាត់អាចសម្រេចគោលបំណងខ្លួនឯង និងជូនពរសម្រេចគោលដៅ»៕

Related posts

Leave a Comment