ផ្អើល​ទាំង​យប់! បវរកញ្ញា​តំណាង​កម្ពុជា ឆ្នាំ​២០២១​ ប៉ូ​គឹម​ថេ​ង សុ​ធីតា ​ប្រកាស ​ស្លៀក​ស ពាក់​ស​១​សប្ដាហ៍ បន្ទាប់ពី​…​

ប្រិយមិត្ត​មួយ​ចំនួន ទំនង​ជា​បាន​ជ្រាប​រួច​មក​ហើយ​ថា កញ្ញា ប៉ូ​គឹម​ថេ​ង សុធី​តា ​មាន​កម្ពស់ ១,៧៥ ម៉ែត្រ​ ទម្ងន់ ​៥៥ ​គីឡូក្រាម និង​មាន​ទំហំ​ទាំង​បី ៣៤/២៤/៤០ ​ បាន​គ្រង​តំណែង​ជា​ម្ចាស់​មកុដ​នៃ​ការប្រកួត​កញ្ញាឯក​ដ៏​អស្ចារ្យ​នៃ​កម្ពុជា​ឆ្នាំ ​២០២១ (Miss Grand Cambodia 2021)។

ដោយឡែក​ថ្មីៗ​នេះ អ្វី​ជា​ការ​ចាប់អារម្មណ៍​នោះ ស្រប​ពេល​ការប្រកួត​ជ្រើសរើស Miss Grand Cambodia ឆ្នាំ​២០២២ កំពុង​ដំណើរការ ហើយ​ទទួល​ការ​រិះ,,គន់​ពី​មហាជន ពាក់ព័ន្ធ​ទៅ​នឹង​ឈុត​តំណាង​ក្រុង​ចំនួន​២​(​បាវិត និង​​​ប៉ោយប៉ែត​) បង្ហាញ​ពី​ល្បែង​នោះ ស្រាប់តែ​នៅ​មុននេះ​បន្តិច កញ្ញា ប៉ូ​គឹម​ថេ​ង សុធី​តា បាន​បង្ហោះ​សារ​មួយ ​ធ្វើ​ឲ្យ​មានការ​ចាប់អារម្មណ៍​ជា​ខ្លាំង។

ក្នុង​សារ​នោះ ​កញ្ញា ប៉ូ​គឹម​ថេ​ង សុធី​តា បាន​ប្រកាស ស្លៀក​ស ពាក់​ស ហូប​អាហារ​បួស ព្រមទាំង​សមាធិ រយៈពេល​មួយ​សប្ដាហ៍ ដោយ​ចាក​ឆ្ងាយ​ពី​ទូរស័ព្ទ ព្រមទាំង​ប្រព័ន្ធ Social media គ្រប់យ៉ាង បន្ទាប់ពី​ផ្ទេរ​ម្កុដ​ចប់ នោះ​។​

Miss Grand Cambodia 2021 រូបនេះ បានបញ្ជាក់​ដូច្នេះ​ថា «​បន្ទាប់ពី​ផ្ទេរ​ម្កុដ​ចប់ នាង​ខ្ញុំ​សុធី​តា និង​ស្លៀក​ស ពាក់​ស ហូប​អាហារ​បួស ព្រមទាំង​សមាធិ រយៈពេល​មួយ​សប្ដាហ៍ ដោយ​ចាក​ឆ្ងាយ​ពី​ទូរស័ព្ទ ព្រមទាំង​ប្រព័ន្ធ Social media គ្រប់យ៉ាង សង្ឃឹមថា បងៗ​ដែល​មាន​បំណង​ទាក់ទង​ប្អូន​សម្រាប់​ការងារ ជួយ​ទុក​ពេលវេលា​អោយ​ប្អូន​បាន​សម្រាក​មួយ​សប្ដាហ៍​ផង អោយ​ប្អូន​បាន​សម្រាក និង​មានឱកាស​បាន​ទទួល កុសលផល​បុណ្យ ពី​ព្រះពុទ្ធ ព្រធម៌ ព្រះសង្ឃ​ផង ដោយ​ក្តី​គោរព​ពី​នាង​ខ្ញុំ សុធី​តា​»​។​

តាមរយៈ​នេះ អ្នកលេង​បណ្ដាញ​សង្គម បានបង្ហាញ​ការ​គាំទ្រ​នាង​គ្រប់គ្នា ដោយ​ពួកគេ លើក​ឡើង​ថា «​ស្រឡាញ់​ចូលចិត្ត​ប្អូន​ធីតា​, ស្រឡាញ់​ចូលចិត្ត​ប្អូន​ធីតា​, ស្រលាញ់​បង​ណាស់​ស្រលាញ់​ត្រង់​ចរិត​បង​, នេះ​ហើ​យ​ជា​មូល​ហេតុ​ដែល​ខ្ញុំ​ស្រឡាញ់​Qneen, ពិតជា​ល្អ​ណាស់ queen ដែល​ធ្វើបែបនេះ​សូមអោយ​បាន​សេចក្ដីសុខ​សេចក្ដីចម្រើន​ផុតពី​រោគ​ទាំងពួង​…..»៕​​

Related posts

Leave a Comment