កន្លងមក «ប្រជាប្រិយ» ធ្លាប់បានជម្រាបរួចមកហើយ ពីមុខជំនួញក្រៅសិល្បៈរបស់តារាសម្តែងមានប្រជាប្រិយភាព កញ្ញា រចនា រ៉ាវាឌី ដោយនាងនាំចូលផលិតផលថែសម្រស់ពីប្រទេសកូរ៉េ និង មានលក់សម្លៀកបំពាក់តាមអ៊នឡាញផងនោះ។
យ៉ាងណាមិញ នៅថ្ងៃទី ២៦ ខែសីហា ឆ្នាំ ២០២២ នេះ តារាស្រីវ័យ ២២ ឆ្នាំ រូបនេះ បានពង្រីក និង បង្កើនរបររកស៊ីមាននៅក្នុងដៃបន្ថែមទៀតហើយ ដោយកញ្ញា រចនា រ៉ាវាឌី បានសម្ពោធហាងលក់សម្លៀកបំពាក់ថ្មីមានយីហៅថា «TM Homme by Rachana» ដែលនាំចូលសម្លៀកបំពាក់បុរសនារីជាច្រើនប្រភេទ។
ហាងសម្លៀកបំពាក់ «TM Homme by Rachana» របស់កញ្ញា រចនា រ៉ាវាឌី នេះដែរ ក៏មានការចូលរួមសហការពីដៃគូផ្សេងទៀត ក្នុងនោះរួមមានតារាសម្តែងប្រុស ប៉ែន ភ័ក្ត្រសុភារិទ្ធ ក៏ជាម្ចាស់ភាគហ៊ុនម្នាក់ដែរ៕
