និយាយដល់ឈ្មោះពិធីការិនីដ៏ឆ្នើម អ្នកនាង ចាន់ កែវនិមល ប្រិយមិត្តច្បាស់ជាស្គាល់ជាក់ជាមិនខាន ដោយសារតែកេរ្ដិ៍ឈ្មោះល្បីរន្ទឺ របស់អ្នកនាង តាមរយៈការនិយាយស្ដីប្រកបដោយសំនួនវោហាស័ព្ទ ស្ដាប់ទៅ ពីរោះពិសា ទាក់ចិត្តមហាជន។
សតម្ថភាពដ៏គួរឲ្យស្ងើចសរសើរនេះហើយ បានធ្វើឲ្យពិធីការិនីរូបនេះ ទទួលបានគាំទ្រច្រើនពីសំណាក់មហាជន ហើយកំពុងជោគជ័យលើវិថីមួយនេះផងដែរ។ ដោយឡែក និយាយពីជីវិតគូវិញ អ្នកនាង ក៏កំពុងជោគជ័យយ៉ាងត្រចះត្រចង់ រស់នៅយ៉ាងមានសុភមង្គលជាមួយគ្រួសារដ៏តូចរបស់ខ្លួន។
អ្វីកាន់តែត្រេកអរបន្ថែមទៀតនោះ កាលពីថ្ងៃទី១៩ ខែមិថុនា ឆ្នាំ២០២២ ជាថ្ងៃខួបកំណើតរបស់កូនច្បងច្បងគម្រប់អាយុ១១ឆ្នាំ, ពិធីការិនីដ៏ល្បីអ្នកនាង កែវ ចាន់និមល មានកាដូពិសេសសម្រាប់កូនស្រីច្បងរូបនេះ ហើយពេលបើកមើល ស្រាប់តែឃើញថា អូន ទេពី មានប្អូនស្រី។
នៅពេលនោះ អ្នកនាង ចាន់ កែវនិមល បានរៀបរាប់ជាមួយអារម្មណ៍រំភើបថា «គ្រប់យ៉ាងគឺដើម្បីទេពី ដំបូងប៉ាម៉ាក់គិតថា មានតែកូនម្នាក់គឺ គ្រប់គ្រាន់ហើយសម្រាប់គ្រួសារយើង តែដោយសារកូនស្ដាប់បង្គាប់ មិនដែលធ្វើឲ្យ ប៉ាម៉ាក់ពិបាកទោះប៉ាម៉ាក់រវល់យ៉ាងណាក៏ដោយ ទើបប៉ាម៉ាក់ព្យាយាមបំពេញបំណងកូនគ្រប់យ៉ាង»។
រហូតមកដល់ពេលនេះ អ្នកនាង ចាន់ កែវនិមល បានពពោះរយៈពេល៧ខែហើយ ហើយសល់តែ២ខែទៀតប៉ុណ្ណោះ អ្នកនាង នឹងបានឃើញមុខកូនប្រុសជាទីស្រឡាញ់របស់ខ្លួនហើយ។ ជាក់ស្ដែងនៅថ្ងៃទី១ ខែតុលា ឆ្នាំ២០២២នេះ អ្នកនាង បានបង្ហោះរូបថតជាមួយគ្រួសរបស់ខ្លួនជាច្រើនសន្លឹក ហើយបញ្ជាក់ច្បាស់ៗថា «រីករាយខែថ្មី ពេលវេលាពិតជាលឿនមែន សល់តែ២ខែទៀតគ្រួសារយើងនឹងទទួលបានសមាជិកថ្មីបន្ថែមជួបគ្នាឆាប់ៗប្រុសពៅចេស្តា»។
តាមរយៈនេះ អ្នកគាំទ្រចូលទៅខំមិនព្រោងព្រាតថា «ពោះបងតូចជាងពោះខ្ញុំ៥ខែទៀត, នៅតែស្រស់បងសម្លាញ់, ស្អាតណាស់មានផ្ទៃពោះក៏នៅតែស្អាតដែររក្មួយ, សំណាងណាស់ចេស្តា បានមកចាប់កំណើតក្នុងគ្រួសារដ៏សែនកក់ក្តៅ១នេះ, សម្រស់ស្អាតណាស់មិនប្រែអាយដល, ទើបតែឃើញក្បាលពោះ ជូនពរសុខភាពល្អទាំងម៉ាក់ទាំងកូនណា»៕
