និយាយដល់ឈ្មោះ ឃុយ ម៉ីហៀង ប្រិយមិត្តមួយចំនួន បានស្គាល់រួចមកហើយថា នាងជាអតីតបេក្ខនារីក្នុងកម្មវិធីប្រឡងចម្រៀងកុមារលំដាប់ថ្នាក់ពិភពលោក The Voice Kids Cambodia រដូវកាលទី១ អំឡុងឆ្នាំ២០១៧ ដោយកាលនោះ ទើបតែមានអាយុ១២ឆ្នាំប៉ុណ្ណោះ។ ដូច្នេះ ពេលនេះ នាងអាចមានអាយុ១៧ទៅ១៨ឆ្នាំ ក្រមុំបាត់ទៅហើយ។
ក្នុងអំឡុងពេលប្រឡងនោះ កូនក្រុមរបស់អ្នកនាង សុគន្ធ និសា រូបនេះ ទោះមិនបានពានក៏ដោយ តែការប្រើប្រាស់ទឹកដមសំឡេងដ៏ពីរោះរបស់នាងក្នុងវគ្គជាបន្តបន្ទាប់ បានធ្វើឲ្យមហាជន មានការពេញចិត្តមិនស្ទើរនោះទេ។
បច្ចុប្បន្ន គេក៏ឃើញ ឃុយ ម៉ីហៀង លេចមុខក្នុងកម្មវិធីតន្ត្រីតូចធំផងដែរ ហើយទឹកដមសំឡេងរបស់នាងនៅតែពីរោះស្រទន់ ដដែល។ ជាក់ស្ដែង នៅលើគណនីទីកតុករបស់ខ្លួន នាង តែងតែច្រៀងចម្រៀងបង្ហោះជាបន្តបន្ទាប់ ធ្វើឲ្យអ្នកគាំទ្រលាន់មាត់សរសើរថា ពិតជាពីរោះខ្លាំងណាស់។
ដោយឡែកនៅលើវង់តន្ត្រីវិញ មហាជនចាប់អារម្មណ៍ នៅពេលនាងតែងខ្លួនក្នុងឈុតរ៉ូបពណ៌ក្រហម ច្រៀងបទ «មាតាដៃ១០០» បានយ៉ាងពីរោះ ជាមួយរូបសម្រស់ស្អាតប្លែក ក្រមុំស្ដូក មើលសឹងមិនស្គាល់។ វីដេអូនៃការច្រៀងបទ«មាតាដៃ១០០» ក្នុងឈុតរ៉ូបពណ៌ក្រហមនេះ ត្រូវបានគេចែករំលែកលើបណ្ដាញសង្គមយូធូប និងទីកតុក ផ្ទុះការចាប់អារម្មណ៍ខ្លាំងណាស់ កាលពីពេលកន្លងមកនោះ។
អ្វីជាការចាប់អារម្មណ៍ទៀតនោះ, ថ្មីៗនេះ ឃុយ ម៉ីហៀង បានថតឲ្យសម្អាងការមួយគ្រងឈុតកូនក្រមុំ មើលទៅស្រស់ស្អាតមួយបែបទៀត។ បង្ហោះភ្ជាប់ជាមួយរូបថត ជាច្រើនសន្លឹក នាថ្ងៃទី៣ ខែតុលា ម៉ីហៀង បានរៀបរាប់ថា «ចប់ភ្ជុំហើយបងប្អូនចាំកាល កក់ទុកអោយហើយទៅអរគុណដល់ខាងបង សម្រស់ជ័យសែន សម្អាងការ ស្ថិតក្នុងខេត្ត ព្រវិហារ»។
ដោយឃើញបែបនេះ អ្នកគាំទ្រនាំគ្នាខំមិនសរសើរថា «ឃើញហើយស្អាតណាស់ព្រះម្ចាស់ថ្លៃអើយ, ស្អាតអាយដល, ស្មានការហើយ, ស្អាតអូន»។ ឆ្លើយតបទៅនឹងខំមិនដ៏ពេញនិយម «ឃើញហើយស្អាតណាស់…»នោះ ស្រាប់តែ ម៉ីហៀង ពោលពាក្យថា «ចង់បានប្ដី បារាំង»៕
