ក្រោយពីប្រេះឆាស្នេហាជាមួយ អ្នកមេម៉ាយសាច់ខ្ចី សេង សុឃីម រហូតមកដល់ពេលនេះ គេមិនទាន់ដឹងទេថាតើ តារាចម្រៀង នាយចឺម បានរកឃើញស្នេហ៍ថ្មី ឬយ៉ាងណានៅឡើយ ដោយគ្រាន់តែឃើញនាយ បង្ហោះរូបថតជាមួយស្រីស្អាតមួយចំនួន ដែលថតសម្ដែងជាមួយខ្លួនប៉ុណ្ណោះ។
មុននឹងបែកគ្នាជាមួយ អ្នកនាង សេង សុខឃីមនោះ ចឺម ធ្លាប់មានសង្សារ៣ទៀត ទី១.តារាសម្ដែងស្រី ពុធ ស្រីខួច ៖ កាលពីឆ្នាំ២០១៥ អតីតFreshie Girlចំណាត់ថ្នាក់លេខ១ ជំនាន់ទី១៤ កញ្ញា ពុធ ស្រីខួចធ្លាប់មានទំនាក់ទំនងស្នេហាជាមួយនឹងតារាចម្រៀងនាយ ចឺម ហើយក្រោយមកពួកគេទាំងពីរនាក់ក៏បានបែកគ្នាទៅ។
ទី២.តារាសម្ដែង អៀ ម៉េងលិ ហៅ អូនម៉ី ៖ បន្ទាប់ពីបែកគ្នាជាមួយនឹងតារាសម្ដែង ពុធ ស្រីខួចមិនបានប៉ុន្មានផងនៅឆ្នាំ២០១៧នាយចឺមក៏ចាប់ផ្ដើមសាងស្នេហាថ្មីជាមួយនឹងតារាស្រីសិចស៊ី អូនម៉ី ដោយបានបង្ហាញភាពផ្អែមល្ហែមជាមួយគ្នាខ្លាំង លុះមិនយូរប៉ុន្មានអ្នកទាំងពីរក៏បានបែកគ្នាទៅ។
ទី៣.តារាម៉ូឌែលនិងជាតារាសម្ដែង គៀត បេលឡា ហៅអូនហ្វាហ្វា៖ ក្រោយពេលចែកផ្លូវគ្នាដើរជាមួយ និង អូនម៉ីបានប្រមាណជា០២ឆ្នាំតារាចម្រៀងនា យ ចឺម ក៏បានចាប់ផ្ដើមសាងស្នេហាជាមួយនឹងអូនហ្វាហ្វានៅអំឡុងឆ្នាំ២០១៩ ប៉ុន្តែក្រោយមកក៏លេច ឮដំណឹងបែកគ្នា។
ដោយចឺម មានសង្សារច្រើនបែបនេះហើយ ទើបអ្នកគាំទ្រមួយចំនួន បានហៅលោកថា ជាបុរសសាវានោះ។ ទោះយ៉ាងណា ចឺម ធ្លាប់ បកស្រាយថា មនុស្សប្រុសមានសង្សារច្រើន មិនប្រាកដថា សាវាទេ គ្រាន់តែថា យើងស្វែងរកមនុស្សស្រី ដែលរស់នៅជាមួយយើងបាន អាចយកទៅជាអនាគតបាន។ យើងស្វែងរកមនុស្សល្អ អ្នកណាក៏ចង់បានមនុស្សល្អដែរ ប្រពន្ធសំខាន់ណាស់។
ដោយឡែក នៅថ្ងៃទី៤ ខែតុលា ឆ្នាំ២០២២នេះ ចឺម បានបង្ហោះរូបថតរបស់ខ្លួន១សន្លឹក អមដោយCaptionយ៉ាងខ្លីថា «ចឺមប្រែហើយ»។ តាមរយៈសារខ្លីនេះ បានធ្វើឲ្យអ្នកគាំទ្រចូលខំមិនព្រោងព្រាត ក្នុងនោះ សូម្បីឧកញ៉ា យឹម តាស្រង់ ក៏ទ្រាំមិនបាន ចូលខំមិនបែបលេងសើចផងដែរ។
ឧកញ៉ា យឹម តាស្រង់ បានខំមិនថា «ប្រែជាបុរសស្មោះស្នេហ៍»។ ឆ្លើយតបទៅនឹងការលើកឡើងនេះ នាយចឺម បានបញ្ជាក់ទៅវិញថា «ឧកញ៉ាបងនិយាយត្រូវណាស់ប្អូនគាំទ្រ»។ ចំពោះអ្នកគាំទ្រ បានខំមិនយ៉ាងច្រើន ក្នុងនោះមានការលើកឡើងថា«អូនប្រែហើយប្រែពីមានគូមកនៅ Single វិញម្តង ដូចតែគ្នាទេ idol អើយ, ប្រែតែក្នុងកាមេរ៉ានឹង, សាវាដដែលហ្នឹង, អូនប្រែហើយប្រែពីមានគូមកនៅ Single វិញម្តង ដូចតែគ្នាទេ idol អើយ»៕
