ខ្លោចចិត្ត! សឿ សុធា​រ៉ា ម្ដាយ​ទទួល​មរណភាព​ អត់​លុយ​ធ្វើ​បុណ្យ, ខេមរៈ សិរីមន្ត អាណិត សម្រេច​ជូន​ថវិកា​​ហូតដល់…(មានវីដេអូ)

សឿ សុធា​រ៉ា ជា​តារា​សម្ដែង​ស្រី សាច់​ចាំជើង​ចាស់​ម្នាក់ វ័យ​កាន់តែ​ច្រើន សម្រស់​កាន់តែ​ស្អាត តែមួយ​រយៈ​ចុង​ក្រោយនេះ នាង​បាន​ជួប​រឿង​មិន​សមប្រកប​ជាច្រើន ធ្វើ​ឲ្យ​សម្រស់​របស់​នាង​ហាក់​ធ្លាក់​ចុះ​យ៉ាង​គំហុក​តែម្ដង។

ស្របពេលសម្រស់កំពុងធ្លាក់ចុះ និងជួបរឿងមិនសមប្រកបជាច្រើនហើយនោះ ស្រាប់តែពេលនេះ នាងបែរជាជួបទុក្ខធំថែមទៀត ដោយម្ដាយទទួលមរណភាព សូម្បីលុយធ្វើបុណ្យក៏គ្មានផង បានត្រឹមយំរៀបរាប់ទាំងអួលដើមកប៉ុណ្ណោះ។

តារាសម្ដែង សាវិន ហ្វីលីព នៅព្រឹកថ្ងៃទី២៩ ខែតុលានេះ បានបង្ហោះវីដេអូ ធ្វើបទសម្ភាសន៍ជាមួយតារាសម្ដែងរូបនេះ ហើយដាក់Captionយ៉ាងកម្សត់ថា «សឿ សុធារ៉ា ជួបទុក្ខធំម្ដាយស្លា,,ប់យប់មិញសូម្បីលុយធ្វើបុណ្យក៏គ្មានគ្រប់គ្រាន់ ពេលនេះសល់តែសំបកខ្លួន.. »។

ក្រោយពីទទួលបានព័ត៌មាននេះ ឧកញ៉ា ខេមរៈ សិរីមន្ត មានក្ដីអាណិតក៏សម្រេចជួយថវិកាមួយចំនួនដល់ សឿ សុធារ៉ា ដើម្បីយកលុយធ្វើបុណ្យស,,ពម្ដាយ។

បង្ហោះភ្ជាប់ជាមួយស្ក្រីនសតផុសរបស់លោក សាវិន ហ្វីលីព កំពូលតារាចម្រៀងមានងារជា​ឧកញ៉ា​រូបនេះ បានប្រកាសថា «អាណិតគាត់ខ្លាំងណាស់ខ្ញុំសូមជូនថវិកា 2000$ សំរាប់គាត់ធ្វើបុណ្យជូនម្តាយគាត់សូមវិញ្ញាណខ័ណ្ឌអ៊ុំបានទៅដល់សុគតិភពកុំបីអខានឡើយ»៕


Related posts

Leave a Comment