លោក អ្នកបានជ្រាបរួចមកហើយថា លោកKO1 ជាអតីតអ្នកសារព័ត៌មានដ៏ល្បីមួយរូបនាពេលកន្លងមក តាមរយៈការជួយសម្រួលចរា,ចរណ៍ ហើយប្រើគ្រប់វិធី រួមទាំងការលុ.តជង្គង់តាមថ្នល់ ការនិយាយស្រែកខ្លាំងៗ ដើម្បីឲ្យអ្នកបើកបរទាំងអស់គោរពច្បាប់ចរាច.រណ៍ផ្លូវគោកនោះ។
ដំបូងឡើយ ការជួយសម្រួលចរា.ចរណ៍ពីសំណាក់រូបលោកផ្ទាល់ និងក្រុមការងារ ទទួលបានការគាំទ្រយ៉ាងខ្លាំង។ តែក្រោយមក ក៏បែរជាមានការរិះ.គន់កាន់តែច្រើនវិញ ហើយលោកក៏ចាប់ផ្ដើមបន្ថែមមុខរបរ ដោយឈានជើងចូលវិស័យអចលនទ្រព្យ ទទួលបានភាពជោគជ័យជាបន្តបន្ទាប់។
ជាក់ស្ដែង នៅក្នុងបទសម្ភាសន៍ជាមួយលោក អ៊ឹម ជីវ៉ា លោក KO1កាលពីឆ្នាំមុន លោកបាននិយាយពីប្រវត្តិរបស់ខ្លួនថា ពេលឡើងមកភ្នំពេញដំបូង ខ្លួនអត់មានសាច់ញាតិ បងប្អូនទេ ហើយមានលុយតែ២ម៉ឺនរៀលជាង ចាយរយៈពេល៥ថ្ងៃ រហូតដល់ដេកតាមចិញ្ចើមថ្នល់ក៏មានដែរ។ លោកថា មានថ្ងៃ១ ខ្លួនចង់បញ្ចប់ជីវិត ដោយរត់ចូលឡាន តែអត់បានសម្រេច ក៏ប្រុងលោ.តទឹក ពីលើស្ពានជ្រោយចង្វា ទៀត។
លោកបន្តថា ពេលនោះ ខ្លួនស្គាល់ព្រះសង្ឃមួយអង្គ លោកតាត្នោត ដោយមានសង្ឃដីកាណែនាំថា ប្អូនកុំអស់សង្ឃឹម ទៅនៅវត្តជាមួយលោកបង នៅពេលទៅដល់វត្តហើយខ្លួនចង់ស,ម្លាប់ខ្លួននឹងអាងទឹកលោកទៀត ព្រោះលោកធ្លាប់តែមានបងប្អូនច្រើន មានសាច់ញាតិច្រើន តែក្រោយម្ដាយចែកឋាន ក៏រស់នៅតែលតោលតែម្ដង។
បន្ទាប់ពីនិយាយពីប្រវត្តិជូរចត់របស់ខ្លួនហើយនោះ លោកK01បាននិយាយពីភាពជោគជ័យរបស់ខ្លួនម្ដង ដោយបញ្ជាក់ថា រាល់ថ្ងៃ ខ្លួនមានក្រុមហ៊ុនចំនួន២៥ ទាំងអនឡាញ ទាំង ផ្នែក អចលនទ្រព្យ។ ចំពោះទ្រព្យសម្បត្តិ ក្នុងរយៈពេល២ឆ្នាំចុងក្រោយនេះ សរុបត្រួសៗ លោកមាន ប្រហែល ៥លាន ដុល្លារ។
បន្ថែមលើនេះ កាលពីថ្ងៃទី៣០ ខែតុលា ឆ្នាំ២០២២ លោក បានធ្វើឲ្យ មហាជនចាប់អារម្មណ៍ជាថ្មី ក្រោយទម្លាយរឿងមួយថាលោកនឹងត្រៀមឡើងឧកញ៉ាហើយ។ ក្នុងនោះអ្វីកាន់តែធ្វើឲ្យមហាជនបើកភ្នែកធំៗទៀតនោះ ដោយK01ប្រាប់ថា ១ថ្ងៃ លោករកចំណូលបានរហូតដល់ទៅជិត 10 ម៉ឺនដុល្លារឯណោះ៕
