អ្នកស្រឡាញ់វិស័យសិល្បៈមួយចំនួនទំនងជាបានជ្រាបរួចមកហើយថា កាលពីអំឡុងដើមឆ្នាំ២០២១ តារាចម្រៀង អ៊ីណូ បានបញ្ចេញMVចម្រៀងរសជាតិថ្មីប្លែកមួយរបស់ខ្លួន មានចំណងជើងថា «Talk Shit» ជាប្រភេទបទHip Hop រ៉េបឡើងអែមនោះ។
នៅពេលនោះ អ្នកគាំទ្ររបស់លោក ជាច្រើន មានការភ្ញាក់ផ្អើល និងលាន់មាត់សរសើរតារាចម្រៀង អ៊ីណូ មិនស្ទើរនោះទេ ខណៈធ្លាប់តែស្ដាប់លោកច្រៀងបទមនោសញ្ចេតនានោះ។ ចំណែក អ្នកខ្លះទៀត ដែលពីមុនមិនធ្លាប់ស្ដាប់បទលោកសោះនោះ ក៏ងាកមកស្ដាប់តាមរយៈបទរ៉េបខាងលើនេះផងដែរ។
ដោយឡែក មួយរយៈចុងក្រោយនេះ កំពុងល្បីកក្រើករឿងតារាចម្រៀងរ៉េបវណ្ណដា ទម្លាក់Diss Trackមួយបទ ធ្វើឲ្យផ្ទុះការវែកញែកពេញបណ្ដាញសង្គមនោះ ស្រាប់តែតារាចម្រៀង អ៊ីណូ ប្រកាសចង់ចេញបទចម្រៀងរ៉េប១បទទៀត តាមការសំណូមពរពីសំណាក់អ្នកគាំទ្ររបស់ខ្លួននោះ។
នៅថ្ងៃទី៣១ ខែតុលា ឆ្នាំ២០២២នេះ ម្ចាស់បទ «អូនកុំយំ» រូបនេះ បានបង្ហោះសារនៅលើគណនីហ្វេសប៊ុករបស់ខ្លួនថា «ចង់ Rap អរគុណហ្វេនៗ 1 បទបានអត់ ហ៊ាណូ និយាយមែនបានអត់? ថាមិនទាន់ចង់ចេញទេ តែហ្វេនៗ ចេះតែហៅហ៊ា ENo ចេញបានអត់? បានអត់?»។
គ្រាន់តែឃើញសារខាងលើនេះភ្លាម អ្នកគាំទ្រតារាចម្រៀងអ៊ីណូ ផ្សេងទៀត នាំគ្នាជំរុញឲ្យម្ចាស់បទ «Talk Shit» ខាងលើ ចេញបទឲ្យលឿនៗមក ក្នុងនោះអ្នកខ្លះបានសំណូមពរឲ្យលោកទម្លាក់Diss Trackទៅកាន់តារាចម្រៀង ហេង វិទូ កុំឲ្យដើរស្រឡាញ់គេម្នាក់ឯង៕ ចំពោះប្រិយមិត្ត មិនទាន់បានស្ដាប់បទរ៉េបរបស់អ៊ីណូ កន្លងមក សូមទស្សនាវីដេអូខាងក្រោមនេះ ៖
