ញាក់​សាច់! MV បទ « ការពារ» របស់លោក Eno ផ្ទុះ​ការ​គាំទ្រ​ខ្លាំង

ភ្នំពេញ​ ៖ ​កាលពី​ល្ងាច​ថ្ងៃទី​១៩ ​ខែធ្នូ ​ឆ្នាំ​២០២១​ កន្លងទោនេះ ​MV​ផ្លូវការ​ដែលមាន​ទម្រង់​បែប​វប្បធម៌​ជាតិ​របស់​តារាចម្រៀង​លោក Eno ត្រូវបាន page និង YouTube របស់​ផលិតកម្ម Sunday បាន​បង្ហោះ​ជា​ផ្លូវការ​ហើយ​។​

​បទ​ចម្រៀង​ដែលមាន​ចំណងជើង​ថា​«​ការពារ​»​របស់លោក​នេះ​ ទទួលបាន​ការគាំទ្រ​តែម្ដង​ទាំង​ក្នុង​ចង្កោម​យុវវ័យ​ និង​ចង្កោម​អ្នកលេង​បណ្ដាញ​សង្គម​។

មិន​ដល់​ប៉ុន្មាន​នាទី​ផង​សន្ទុះ​នៃ​ការ​ចែកចាយ​គឺមាន​កម្រិត​គួរឱ្យ​ចាប់អារម្មណ៍ ខណៈដែល​នៅលើ​បណ្ដាញ TikTok ក៏មាន​ការដាក់​បង្ហោះ​នូវ​ឈុត​ឆាក​ខ្លះៗ​ផង​ដែរ​ ​អមដោយ​ការកោតសរសើរ​មិន​ដាច់​ពី​មាត់​។​

នេះ​ក៏​ជា​ស្នាដៃ​ដែល​បាន​លាយ​ចម្រុះ​នូវ​ទម្រង់​វប្ប ធម៌​លើកដំបូង​ដែល​តារាចម្រៀង​លោក Eno បាន​ចំណាយ​ទុន​ផលិត​ផ្ទាល់ខ្លួន​រហូតដល់​ជិត​២​ម៉ឺន​ដុល្លារ ដោយសារតែ​លោក​ចង់​បន្សល់​នូវ​ស្នាដៃ​មួយ​ទុក​ដល់​កូន​ខ្មែរ និង​ទុកជា​គំរូ​ក្នុង​វិស័យ​ចម្រៀង ដែល​លោក Eno អះអាងថា ​ចំណាយធនធាន​ផ្ទាល់​ខ្លួន​ធ្វើ​ទាន់​ឱកាស​ដែល​លោក​មានលទ្ធភាព​ចំ ណាយ​គ្រប់គ្រាន់​។​

ស្នាដៃ​មួយ​នេះ ​បាន​រុញ​ឱ្យ​តារា​ចម្រៀង Sunday រូបនេះ ទទួល​បាន​ការ​សរសើរ​ តាំងពី​ដំណាក់​កាលដែល​លោក​ទើបតែ​ចេញ​ផលិត​ មិនទាន់​ចេញ​ជា MV មក​ម្ល៉េះ​។ នេះ​ក៏​ជា​ស្នាដៃ​មួយ ​ដែល​កំពុងតែ​ត្រូវ​បាន​មហាជន​ឱ្យ​តម្លៃ ព្រោះ​បាន​បង្កប់​នូវ​ទម្រ​ង​វប្បធម៌​ដ៏​សម្បូរ​បែប​គួរឱ្យ​សរសើរ​នោះ​ផងដែរ៕ ដើម្បីកាន់តែជ្រាបច្បាស់ទៀតនោះ សូមទស្សនាវីដេអូ ខាងក្រោមនេះ ៖


Related posts

Leave a Comment