ស្រឡាំងកាំង! អ្នក​ស្រី ទ្រី ដាណា ប្រាប់​ថា អត់​មាន​បង​ប្អូន​ទេ ដល់​គេ​សួរ​ថា ចុះ​បង​ស្រី ទ្រី សុផានិត​ ស្រាប់តែ​អ្នក​ស្រី​ឆ្លើយ​ថា…

ក្រោយពីមានអ្នកយកឈ្មោះរបស់ខ្លួនទៅប្រើប្រាស់ដោយសម្អាងថា ជាសាច់ញាតិនោះ នៅយប់ថ្ងៃទី២ ខែវិច្ឆិកា ឆ្នាំ២០២២ ថៅកែហាងពេជ្រ ចិត្តធម៌ អ្នកស្រី ទ្រី ដាណា ប្រកាសថា ខ្លួនគ្មានសាច់ញាតិអ្វីទាំងអស់ ធ្វើឲ្យអ្នកគាំទ្រភ្ញាក់ផ្អើលជាខ្លាំង។

អ្នកស្រី ទ្រី ដាណា បានបង្ហោះសារយ៉ាងវែងអន្លាយដូច្នេះថា «សូម​ជម្រាប​បងប្អូន​មហាជន​ទាំងអស់​ឲ្យ​បាន​ជ្រាបថា​ ប្រសិនបើ​មាន​ជន​ណាមួយ​ប្រកាសថា​ ខ្លួន​ជា​សាច់ញាតិ​របស់​នាង​ខ្ញុំ ហើយ​លក់​គ្រឿងមាស​គ្រឿង​ពេជ្រ ឬ​គ្រឿងអលង្ការ ឬមួយ​ក៏​លក់​ផលិតផល​អ្វី​ផ្សេង ដោយ​សំអាង​ថា​ ជា​សាច់ញាតិ​របស់​នាង​ខ្ញុំ នាង​ខ្ញុំ​សូម​ធ្វើការ​បដិសេធ​ទាំងស្រុង ពីព្រោះ​នាង​ខ្ញុំ​មិនមាន​សាច់ញាតិ​ណា​ទាំងអស់​ ដែល​លក់​គ្រឿងអលង្ការ​ក្រៅពី​នាង​ខ្ញុំ​ផ្ទាល់។ ការប្រកាស​នេះ ជៀសវាង​មាន​ជនខិលខូច​ណាមួយ​និយាយប្រាប់​ថា​ ជា​សាច់ញាតិ​របស់ខ្ញុំ​ដើម្បី​ទាញយក​ប្រយោជន៍ ធ្វើ​ឲ្យ​មានការ​ភាន់ច្រឡំ សូម​អរគុណ​

សូមបញ្ជាក់​ផងដែរ​ថា គ្រប់គ្រឿង​អលង្ការ​មាស​និង​ពេជ្រ​របស់​នាង​ខ្ញុំ​មិនមាន​ចែកចាយ​បន្តទៅ​ឲ្យ​ជន​ណា​យកទៅលក់​បន្ត​ទាំងអស់ ពីព្រោះ​ខ្ញុំ​លក់​តែ​នៅ​ហាង​ផ្ទាល់​តែប៉ុណ្ណោះ​មិនមាន​បោះ​ដុំ​ទៅ​កន្លែង​ណា​ដាច់ខាត ហើយ​ហាង​របស់ខ្ញុំ​មាន​ចំនួន​ពីរ​សាខា​គឺ​ច្បារអំពៅ​និង​ព្រែក​ព្នៅ

បងប្អូន​ទាំងអស់គ្នា​គួរ​ចាំ​ថា​ សាច់ញាតិ​ ដែល​ល្អ​គឺ​គេ​ឃើញ​យើង​មានបាន គេ​ជួយ​អបអរសាទរ​យើង តែ​សាច់ញាតិ​ ដែល​មិនល្អ​គេ​ឃើញ​យើង​មានបាន គេ​ឃើញ​យើង​មាន​កិត្តិយស​គេ​នឹង​បំផ្លាញ​យើង​គ្រប់យ៉ាង ហើយ​បាន​គេ​ចាប់ផ្ដើម​ដើរតួ​ធ្វើជា​ល្អ និង​តួ​កម្សត់ ប៉ុន្តែ​អ្វីៗ​វា​ហួសពេល​អស់​ទៅហើយ មនុស្ស​ខ្ញុំ​ស្លូត​ណាស់ តែ​ការឈឺចាប់​ក៏​ខ្ញុំ​មិនអាច​បំភ្លេច​បានដែរ

ការឈឺចាប់​ និង​ការ​បំផ្លើស​រ​បស់​អ្នកធ្វើ​ឲ្យ​ខ្ញុំ​ចងចាំ​រហូត​​ដល់​សព្វថ្ងៃនេះ ដោយសារតែ​ចង់​ល្បី​យក​កិត្តិយស​របស់ខ្ញុំ​ទៅ​ជាន់​ឈ្លី​និយាយ​បំផ្លើស​បំពាន​គ្រប់យ៉ាង​ខ្ញុំ​ចងចាំ​មិន​ភ្លេច​ទេ​ សាក​គិត​មើល​បន្តិច​ទៅ​មើល​គ្រាន់តែ​លុយ​និង​កិត្តិយស​ហេតុ​អី​បាន​ចាំបាច់​បំផ្លាញ​គេ​យក​ល្អ​ខ្លួនឯង​?​

ប៉ុន្តែ​មនុស្ស​ខ្ញុំ​មិន​មាត់ ​ហើយក៏​មិន​ធ្វើ​អ្វី​ទាំងអស់​។​ ប៉ុន្តែ​កុំ​យកឈ្មោះ​ខ្ញុំ​ទៅ​លុបឈ្មោះ​អាក្រក់​របស់​អ្នក​ត​ទៀត ការឈឺចាប់​មួយ​នេះ ​ខ្ញុំ​នឹង​ផ្ដាំ​ត​កូន​តទៅ​ចៅ​របស់ខ្ញុំ (​អំពើ​អ្នកណា​សាង​អ្នកនោះ​នឹង​ទទួល​) ហើយក៏​ចង់​ផ្ញើ​សារ​ទៅកាន់​បងប្អូន​មួយចំនួន​ផងដែរ​​ ​ថា​កុំ​ព្រោះតែ​លុយ​ធ្វើ​អ្វី​មិន​មាន​ការ​គិត​ឲ្យ​បាន​វែងឆ្ងាយ​នោះ កុំ​ព្រោះតែ​លុយ​លះបង់​កិត្តិយស​និង​កេរ្តិ៍ឈ្មោះ កុំ​ព្រោះតែ​លុយ​លះបង់​សាច់ញាតិ​បងប្អូន​លះបង់​បំផ្លាញ​កិត្តិយស​របស់​គ្រួសារ​ខ្លួនឯង​ដាច់ខាត​។​ ពេលវេលា​ទៅមុខ​មិនអាច​បក​ក្រោយ​បានទេ»។

តាមរយៈសារនេះ អ្នកគាំទ្រអ្នកស្រី បានចូលទៅខំមិនជាច្រើន ក្នុងនោះមានការលើកឡើងថា «មានខ្លាំងពេក ភ្លេចសាច់ញាតិអស់»។ ឆ្លើយទៅនឹងការលើកឡើងនេះ អ្នកស្រី បញ្ជាក់ថា «សាច់ញាតិរបស់ខ្ញុំមិនដូចញាតិគេទេបង​ ដូចឃើញស្រាប់ហើយ​ បើញាតិល្អ គេមិនដើរហែកសាច់របស់ខ្លួនអោយគេដឹងទេ​ អរគុណបង»។

មតិមួយទៀតលើកឡើងថា «សសើរ​ ដែលអាចនិយាយបានថាគ្មានបងប្អូន»។ អ្នកស្រី ទ្រី ដាណា ឆ្លើយថា «ខ្ញុំអត់ដែលមានបងប្អូនទេបង ហើយអោយខ្ញុំនិយាយថាមេចវិញបង»។ រីឯមតិមួយទៀត លើកជាសំណួរថា «ចុះបងស្រី ទ្រី សុផានិត ជំទាវបង»។ អ្នកស្រី ឆ្លើយថា «សុំទោសបងខ្ញុំអត់ដែលស្គាល់ទេ»៕

Related posts

Leave a Comment