ក្រោយចែកផ្លូវគ្នាជាមួយស្វាមីជាផ្លូវការហើយនោះ, គេសង្កេតឃើញថា តារាចម្រៀង ពេជ្រ សូលីកា ឧស្សាហ៍បង្ហាញវត្តមានជាមួយ ថុល សុភិទិ ជាញឹកញាប់ទាំងការច្រៀង, ថតសម្អាងការ, ថតMVជាដើម ជាហេតុធ្វើឲ្យអ្នកគាំទ្រមួយចំនួនសង្ស័យថា ពួកគេមានទំនាក់ទំនងស្នេហាជាមួយគ្នាថែមទៀតផង។
ឆ្លើយតបទៅនឹងការគិតខុសលើពួកគេនោះ, ពេជ្រ សូលីកា បានបញ្ជាក់ម្ដងហើយម្ដងទៀតថា ពួកគេ គ្រាន់តែជាបងប្អូនរាប់អានគ្នា ខណៈតារាចម្រៀង ពន្លកថ្មីរបស់ហង្សមាស ថុល សុភិទិ ក៏ធ្លាប់បានបញ្ជាក់រួចហើយថា ពួកគេគ្រាន់តែជា បងប្អូន ស្គាល់គ្នា ធម្មតា ឈប់ថា ឈប់ ស្ដី ទៀតទៅណា។
បន្ថែមលើនេះ ក្នុងបទសម្ភាសន៍ជាមួយសារព័ត៌មានក្នុងស្រុកមួយ ភិទិ បានបញ្ជាក់ជាថ្មីទៀតថា ពួកគេ គ្រាន់តែជាអ្នករួមការងារជាមួយគ្នាប៉ុណ្ណោះ ហើយរឿងស្នេហា លោកហ៊ាននិយាយថា មិនអាចទៅរួច។ តែគ្រួសារលោក មិនប្រកាន់អ្នកមេម៉ាយអីទេ មេម៉ាយក៏ស្រីដែរ គ្រាន់តែនៅថ្ងៃអនាគតមិនដឹងគូស្នេហ៍លោកជាអ្នកណាទេ តែច្បាស់១០០ភាគរយថា មិនមែនពេជ្រ សូលីកាទេ។
ក្រោយបកស្រាយហើយនោះ ស្រាប់តែថ្មីៗនេះ ពួកគេ បានថតMVជាមួយគ្នាក្នុងអាងហាលទឹកលេងសុទ្ធតែជញ្ជក់មាត់ឡើងព្រឺព្រួច ធ្វើឲ្យអ្នកគាំទ្រឃើញហើយទប់ចិត្តមិនជាប់ រហូតអ្នកខ្លះមិនជឿភ្នែកខ្លួនឯងទៀតផង។
ជាក់ស្ដែងពួកគេ លើកឡើងថា «ទេមិនពិតទេ, មិនពិតទេ, ភិទិអៀនជាងស្រីទៀត, ចុមដល់អត់នឹង, ខ្ទេចអស់ហើយ, អៀនឡើងរឹងខ្លួន, ស្វីតណាស់អាយដល»៕ ដើម្បីជ្រាបច្បាស់សូមទស្សនាវីដេអូខាងក្រោមនេះ ទាំងអស់គ្នា ៖
