ងើបពីឈឺភ្លាម, អ៊ីវ៉ា ទម្លាយពីការតស៊ូ១២ឆ្នាំដើម្បីគ្រួសារ ខណៈឆ្នាំក្រោយចង់បានប្ដី១ជាកាដូដល់ខ្លួនឯង

អ៊ីវ៉ា ជា​តារា​ចម្រៀង​ស្រី​មួយ​រូប ដែល​មហាជន​ទទួល​ស្គាល់​នាង​តាមរយៈ​បទ​ចម្រៀង​ពីរោះៗជាច្រើន ​អស់រយៈពេលជិត​១០ឆ្នាំមកហើយ ពោលគឺចាប់តាំងពីនាង បានបង្ហាញខ្លួនជាលើកដំបូងក្នុងអំឡុងឆ្នាំ​២០១០ មកម្ល៉េះ។ មកទល់នឹងពេលបច្ចុប្បន្ននេះ អ៊ីវ៉ា ក៏នៅតែមានប្រជាប្រិយភាពខ្លាំងដដែលផងដែរ។


បើក្រឡេកមកមើលពីជីវិតឯកជនរបស់តារាស្រី ដែល​មាន​ស្រុកកំណើត​នៅ​ឯ​ខេត្ត​កំពង់ស្ពឺ​រូបនេះវិញ ឃើញ​ថា ពីមួយ​ថ្ងៃ​ទៅ​មួយ​ថ្ងៃ នាងនៅ​តែ​ប្រើជីវិត​រស់នៅ​យ៉ាង​សាមញ្ញ​បំផុត​នៅ​ឯ​ស្រុកកំណើត​របស់​នាង ដោយ​មិន​មាន​ការ​ផ្លាស់ប្ដូរ​មក​ប្រើ​ជីវិត​ហ៊ឺហា​នៅ​ទីក្រុង​ដូច​តារា​ដទៃនោះឡើយ។

ដោយឡែក ថ្មីៗនេះ ​​នាង​ បាន​ធ្លាក់ខ្លួនឈឺ ហើយ​ពេល​ងើប​ពីឈឺ ស្រាប់តែនាងទម្លាយរឿងតស៊ូ១២ឆ្នាំកន្លងមក ដើម្បីគ្រួសារ ហើយពេលនេះ ដល់វេលា នាងត្រូវធ្វើអ្វីសម្រាប់ខ្លួនឯងម្ដង ដោយទិញផ្ទះធំ១ ខណៈឆ្នាំក្រោយគ្រោងជូនកាដូប្ដីឲ្យខ្លួនឯង១ទៀតនោះ។

បង្ហោះភ្ជាប់ជាមួយរូបថតខ្លួន កំពុងឈរមុខផ្ទះកំពុងសាងសង់ អ៊ីវ៉ា បានពោលពាក្យថា «12ឆ្នាំដើម្បីគ្រួសារ ឆ្នាំនេះសុំជូនការដូរអោយខ្លួនឯង1 ឆ្នាំក្រោយសុំជូនកាដូរជាប្ដីអោយខ្លួនឯង1ទៀត ហាហា»។

ក្រោយឃើញបែបនេះ អ្នកគាំទ្រ បានចូលទៅខំមិនអបអរសាទរព្រោងព្រាត។ ក្នុងនោះ មានការខំមិនពាក់ព័ន្ធនឹងការចង់បានប្ដីរបស់អ៊ីវ៉ាថា «ល្មមយកហើយ, អាយដលអូនចង់បានប្ដីហើយ, ជោគជ័យឆ្នាំក្រោយបង»។ រង់ចាំមើលថាតើឆ្នាំក្រោយ អ៊ីវ៉ា នឹងសម្រេចបំណងខ្លួនឯង ដូចដែលនាងទិញផ្ទះពេលនេះ ឬយ៉ាងណា៕​

Related posts

Leave a Comment