ប្រាប់ថា នៅSingleជាមួយគ្នា ​ដល់ឃើញ ពេជ្រ សោភា និង​ ឆឹម សក្កដា​ ស្វីតបែបនេះ, អ្នកស្រី ទ្រី ដាណា ពេប​មាត់ ហើយ​ពោល​ពាក្យ​ថា…(មាន​វីដេអូ)

គេ​នៅ​ចាំ​បានថា កាលពី​ប៉ុន្មាន​ខែ​មុន​ចំណង​ស្នេហ៍​តារា​សម្ដែង​ប្រុស​លោក​ ឆឹម សក្កដា និង​តារា​ចម្រៀង​ស្រី​ហង្ស​មាស​អ្នក​នាង ពេជ្រ សោភា​ បាន​ដើរ​ដល់​ផ្លូវ​បំបែក ទាំង​ដែល​គ្មាន​នរណា​ម្នាក់ ​​ដឹង​ពី​មូលហេតុ​ច្បាស់លាស់​ឡើយ។


ក្រោយដំណឹងនេះ ត្រូវបាន​សុសសាយ​មួយរយៈ​ស្រាប់តែ អ្នកគាំទ្រ​របស់​តារា​ប្រុស​ស្រី​ដ៏​មាន​ប្រជាប្រិយភាព​ទាំងពីរ​ដួង​នេះ ​​​មាន​មន្ទិល​សង្ស័យ​ថា អ្នក​ទាំង​ពីរ​កំពុង​សម្ងំ​ផ្សះផ្សា​ចំណងស្នេហ៍ជាមួយគ្នាជាថ្មី ឬកំពុងតែត្រូវរ៉ូវគ្នាវិញថែមទៀតផង។ មន្ទិល​សង្ស័យ​នេះ បាន​កើត​មានឡើង បន្ទាប់​ពី​មហាជនបានឃើញពួកគេនៅតែមាន​ទំនាក់ទំនង​នឹងគ្នា​យ៉ាង​ស្អិតល្មួត​នោះ។

ជាក់ស្ដែង កាលពីថ្ងៃទី០៨ ខែមិថុនា ​ជាថ្ងៃកំណើតរបស់តារាចម្រៀងអ្នកនាង ពេជ្រ សោភា ​នោះគេប្រទះឃើញ លោក ឆឹម សក្កដា បានបង្ហោះសារជូនពរមនុស្សម្នាក់ពីចម្ងាយ ខណៈ​នៅល្ងាចថ្ងៃដដែលនេះ ពេជ្រ សោភា ទទួលបានកាដូនំខេកយ៉ាងស្រស់ស្អាតមួយ ដែល​គិត​​​ថាជា​របស់​លោក ឆឹម សក្កដា។

បន្ថែមលើនេះ ថ្មីៗកន្លងទៅ អ្នកនាងពេជ្រ សោភា បានយកធៀបការក្មួយទៅ​អញ្ជើញ​អ្នកស្រី ទ្រី ដាណា ដល់ហាង ហើយអ្នកស្រី ទ្រី ដាណា ក៏​បាន​ជជីក​សួរ​រឿង​អ្នក​នាង​ពេជ្រ សោភា​ រៀបការ។ ក្រោយមក ក៏លេចឮដំណឹងល្អថា តារាស្រីរូបនេះ បានសម្រេច​ ទៅថត Pre-Wedding ដល់ ស្រុកមង្គលបូរី ខេត្តបន្ទាយមានជ័យ។
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
នៅពេលនោះ គេមិនទាន់ដឹងឡើយថា កូនកំលោះរបស់អ្នកនាងពេជ្រ សោភា ជាអ្នកណា ដល់អ្នកស្រី ទ្រី ដាណា ទៅការក្មួយរបស់តារាស្រីរូបនេះ ហើយបង្ហោះរូបថត១សន្លឹក ទើបគេគិតថា កូនកំលោះអាចជាលោក ឆឹម សក្កដា តែម្ដង។

បង្ហោះភ្ជាប់ជាមួយរូបថត១សន្លឹករបស់ខ្លួនអង្គុយ​ពេបមាត់​ ពេលឃើញ ពេជ្រ សោភា និង ឆឹម សក្កដា កៀកកើយគ្នានោះ អ្នកស្រី ទ្រី ដាណា បានពោលពាក្យនៅយប់ថ្ងៃទី៣ ខែវិច្ឆិកាថា «បងពេជ្រសោភា កុហកខ្ញុំ»។ នៅយប់ថ្ងៃដដែលនេះ អ្នកស្រី បានបង្ហោះរូបថតពេជ្រ សោភា និង ឆឹម សក្កដា កៀកកើយគ្នា១សន្លឹកទៀត ហើយសួរថា «គិតម៉េចឥឡូវ»។ ជាមួយគ្នានេះ អ្នកស្រី ក៏បានបង្ហោះវីដេអូ ហើយពោលពាក្យថា «បងភាថានៅ សុីងហ្គលមួយគ្នាតែលូវ…»៕ សូមទស្សនាវីដេអូខាងក្រោមនេះ ៖


Related posts

Leave a Comment