ស្អាត​មិន​ចាញ់ម្ដាយ! ទោះ​មិន​មែន​កូន​បង្កើត, នៅ​ថ្ងៃ​ពិសេស ​​អេង ឫទ្ធី ​​ពោល​ពាក្យ​យ៉ាង​មាន​ន័យ​ទៅ​កាន់​កូន​ស្រី ស៊ឹម សូ​លិ​កា​ថា…

និយាយ​ដល់​ឈ្មោះ​ពិធី​ការិនី​ដ៏​ល្បី​អ្នកនាង ស៊ឹម សូ​លិ​កា ប្រិយមិត្ត ​ច្បាស់​ជា​ បាន​ជ្រាប​រួច​មក​ហើយ​ថា សព្វថ្ងៃ​អ្នកនាង កំពុង​រស់នៅ​ប្រកបដោយ​សុភមង្គល ជាមួយ​កូនស្រី​ម្នាក់ និង​ស្វាមី​ដ៏​ល្អ គឺ​លោក​អេង ឫទ្ធី។


អ្នកនាង​ស៊ឹម សូ​លិ​កា បាន​រៀប​អាពាហ៍ពិពាហ៍​ជាមួយ​លោក អេង ឫទ្ធី កាលពី​ថ្ងៃទី​០៩ ខែ៩ ឆ្នាំ​២០១៩។ ប៉ុន្តែ​ក្នុង​ការ​សាង​ស្នេហា​ជាមួយគ្នា រហូតមកដល់​ពេលនេះ​ អ្នកនាង ស៊ឹម សូ​លិ​កា មិនទាន់​មានកូន​ទី​២​នៅ​ឡើយ​ទេ ខណៈ​អំឡុងពេល​សូ​លិ​កា ភ្ជាប់​ស្នេហា ​ជាមួយ​អតីត​ប្ដី​ទី​១ លោក​សៅ ភី​រៈ នាង​ទទួលបាន​កូនស្រី​ម្នាក់​យ៉ាង​ស្រស់​ស្អាត ឈ្មោះ​សុ​កាន ភី​រៈ​ណុ​ច។

គេ​សង្កេត​ឃើញថា បើទោះបី ចំណង​ស្នេហ៍​ជា​ប្ដី​ប្រពន្ធ របស់ អ្នកនាង ស៊ឹម សូ​លិ​កា និង​លោក សៅ ភី​រៈ ត្រូវ​បាន​បញ្ចប់ ហើយ​បច្ចុប្បន្ន មានគ្រួសារ​រៀងខ្លួន​ហើយ​ក្តី​។ ប៉ុន្តែ ពួកគេ​នៅតែ​បន្ត​រាប់អាន​គ្នា​ដូចជា​បងប្អូន និង​តែងតែ បង្ហាញ​វត្តមាន​ចូលរួម​កម្មវិធី រវល់​ផ្សេងៗ ដូចជា​គ្រួសារ​តែមួយ​អញ្ចឹង​។

លើសពីនេះ លោកអេង ឫទ្ធី បានចាត់ទុកកូនស្រីរបស់លោកសៅ ភី​រៈ ជាមួយភរិយារបស់ខ្លួន ដូចជាកូនបង្កើតអញ្ចឹង។ ជាក់ស្ដែងនៅថ្ងៃទី៤ ខែវិច្ឆិកា ឆ្នាំ២០២២នេះ ជាថ្ងៃខួបកំណើត សុ​កាន ភី​រៈ​ណុ​ច នោះ លោកអេង ឫទ្ធី បានជូនពរ អមដោយពាក្យ​ពេចន៍​យ៉ាងមានតម្លៃទៀតផង។

បង្ហោះភ្ជាប់ជាមួយរូបថតជាច្រើនសន្លឹកក្នុងថ្ងៃដ៏ពិសេសរបស់កូនស្រីមើលទៅស្អាតមិនចាញ់ម្ដាយនោះ លោកអេ ឫទ្ធី បានពោលពាក្យជូនពរយ៉ាងដូច្នេះថា «អរគុណសន្តិភាព​ ពុកម៉ែជាស្ពាន ពុកម៉ែជាជញ្ជាំង ពុកម៉ែជាផ្ទះ ពុកម៉ែជាស្រមោលរបស់កូនគ្រប់កាល:ទេស:ទោះគ្មានពន្លឺ។ជូនពរកូនក្នុងថ្ងៃកំណើតជួបតែរឿងល្អៗជោគជ័យគ្រប់ភារកិច្ច»៕​

Related posts