ស្ងាត់​ៗ ម្ចាស់​បទ«លក់គោយន្ត» ប្រកាស​ចែក​ផ្លូវ​គ្នា, អតីត​ភរិយា​លោក​ផ្ដាំ​ទៅ​អ្នក​មិន​ទាន់​រៀបការ​ថា…

និយាយដល់ឈ្មោះលោក Noly  ប្រិយមិត្តច្បាស់ជាស្គាល់ជាក់ជាមិនខានថា រូបលោកជាម្ចាស់បទ«លក់គោយន្ត» ដ៏ល្បីល្បាញ ដោយកន្លងមកបទនេះ ត្រូវបានគេយកទៅច្រៀងCoverជាបន្តបន្ទាប់​កក្រើក​បណ្ដាញសង្គម ខណៈបទដើម រហូត​មក​ដល់ពេលនេះ​មានអ្នកទស្សនាដល់ទៅ២១លានដងទៅហើយ។


និយាយពីជីវិតគូវិញ រូបលោក បានសាងសុភមង្គលជាមួយភរិយារហូតមានកូនមួយ។ តែគួរឲ្យស្ដាយស្ងាត់ៗ ស្រាប់តែទទួលដំណឹងថា រូបលោក និងភរិយា បានលែងលះគ្នាបាត់ទៅហើយ ដោយ​បច្ចុប្បន្ន​កូនស្រីស្ថិតក្រោមការមើលថែ​របស់អតីតភរិយា។

កាលពីពេលថ្មីៗនេះ លោកNoly​ បាន​សរសេរ​សារ​ជាភាសាអង់គ្លេស​ពាក់ព័ន្ធនឹងការ​លែងលះជាមួយ​ភរិយា ហើយមានន័យជាភាសាខ្មែរថា «ខ្ញុំបានលែងលះជាមួយNaa Fahជាយូរមកហើយ។ ដូច្នេះពួកយើងគ្មានការពាក់ព័ន្ធគ្នាទៀតទេ សូមកុំយល់ច្រឡំ»។

ក្រោយពីលោកបានប្រកាសដូច្នេះ អតីតភរិយារបស់លោក ប្រើប្រាស់គណនីហ្វេសប៊ុកឈ្មោះ «​Oun Naa Fah» បានប្រកាសប្រាប់មហាជនថា «មាន​ដំណឹងមួយ​សម្រាប់​អ្នក​ទាំង​អស់​គ្នា​… ប្រហែល​ជា​បងៗមួយចំនួនដឹងហើយ​ថា​ ខ្ញុំ ​និង​ ​Noly បាន​លែងលះ​ជា​ច្រើន​ខែ​មក​ហើយ​ ចឹង​សុំ​បង​អូន​ដែល​មិន​ដឹង​ឈប់​comment ឬ​យក​ខ្ញុំ​ទៅ​ទាក់ទង​នឹង​គាត់​ទៀត​ទៅ​

ពួក​យើង​បាន​ចប់​គ្នា​ហើយ​​ ដើរ​ផ្លូវ​រៀង​ខ្លួន​ មាន​ជីវិត​រៀង​ខ្លួន​ យូរមកហើយ​ ហើយ​រាល់ថ្ងៃ​កូន​ខ្ញុំ​ជា​អ្នក​ហើយ​ថែ​រក្សា​​ សង្ឃឹមថា ​បង​អូន​នឹង​យល់​ឈប់​ច្រឡំ ​សម្រាប់​មូលហេតុ​សុំ​មិន​និយាយ​ឡើយ​ព្រោះរឿង​បានចប់ហើយ»។ បន្ថែមលើនេះ នាងបានផ្ដាំទៅអ្នកមិនទាន់រៀបការថា «រៀប​ការ​មិន​ស្រួល​ដូច​រៀប​ខ្លួន​ទៅ​Club ទេ​ចឹង​ស្រី​ៗ កុំ​រហ័ស​អោយគេ​ចូល​ដណ្តឹង​ពេក»៕​

Related posts

Leave a Comment