ឈប់​លាក់លៀម! Privateយូរហើយ ហប់​ៗ​ចិត្ត​ចង់​ស្ទះ, ពេជ្រ សោភា ដាច់​ចិត្ត​ទម្លាយ​ការពិត​គ្មាន​សល់​ថា…

កាលពី​ប៉ុន្មាន​ខែ​មុន​​ អ្នក​គាំទ្រ​មាន​ការ​ភ្ញាក់ផ្អើល​ជា​ខ្លាំង ក្រោយ​ទទួល​ដំណឹង​ថា តារា​សម្ដែង​ប្រុស​លោក​ ឆឹម សក្កដា និង​តារា​ចម្រៀង​ស្រី​ហង្ស​មាស ​អ្នក​នាង ពេជ្រ សោភា​ បាន​ដើរ​ដល់​ផ្លូវ​បំបែក ទាំង​ដែល​គ្មាន​នរណា​ម្នាក់ ​​ដឹង​ពី​មូលហេតុ​ច្បាស់លាស់។

ក្រោយ​ដំណឹង​នេះ ត្រូវបាន​សុសសាយ​មួយរយៈ​ ស្រាប់តែ ​មហាជន ​​​មាន​មន្ទិល​សង្ស័យ​ថា អ្នក​ទាំង​ពីរ​កំពុង​សម្ងំ​ផ្សះផ្សា​ចំណង​ស្នេហ៍​ជាមួយ​គ្នា​ជាថ្មី ឬ​កំពុងតែត្រូវរ៉ូវគ្នាវិញថែមទៀតផង។ មន្ទិល​សង្ស័យ​នេះ បាន​កើត​មានឡើង បន្ទាប់​ពី​មហាជន​បានឃើញពួកគេនៅតែមាន​ទំនាក់ទំនង​នឹងគ្នា​យ៉ាង​ស្អិតល្មួត​នោះ។

ជាក់ស្ដែង កាលពីថ្ងៃទី០៨ ខែ​មិថុនា ​ជា​ថ្ងៃកំណើតរបស់តារាចម្រៀងអ្នកនាង ពេជ្រ សោភា ​នោះ​ លោក ឆឹម សក្កដា បាន​បង្ហោះ​សារ​ជូនពរ​មនុស្ស​ម្នាក់​ពី​ចម្ងាយ ខណៈ​នៅ​ល្ងាច​ថ្ងៃ​ដដែល​នេះ ​ពេជ្រ សោភា ទទួលបានកាដូនំខេកយ៉ាងស្រស់ស្អាតមួយ អម​ដោយ​អក្សរ សរសេរ​ដូច​ទៅ​នឹង លោក ឆឹម សក្កដា បាន​បង្ហោះ។

បន្ថែមលើនេះ ថ្មីៗ​កន្លង​ទៅ អ្នកនាងពេជ្រ សោភា បានយកធៀបការក្មួយទៅ​អញ្ជើញ​អ្នកស្រី ទ្រី ដាណា ដល់ហាង ហើយអ្នកស្រី ទ្រី ដាណា ក៏​បាន​ជជីក​សួរ​រឿង​អ្នក​នាង​ពេជ្រ សោភា​ រៀបការ។ ក្រោយមក ក៏លេចឮដំណឹងល្អថា តារាស្រីរូបនេះ បានសម្រេច​ ទៅថត Pre-Wedding ដល់ ស្រុកមង្គលបូរី ខេត្តបន្ទាយមានជ័យ។

នៅពេលនោះ គេមិនទាន់ដឹងឡើយថា កូនកំលោះរបស់អ្នកនាងពេជ្រ សោភា ជាអ្នកណា ដល់អ្នកស្រី ទ្រី ដាណា ទៅការក្មួយរបស់តារាស្រីរូបនេះ ហើយបង្ហោះរូបថត១សន្លឹក ទើបគេគិតថា កូនកំលោះអាចជាលោក ឆឹម សក្កដា តែម្ដង។

បង្ហោះភ្ជាប់ជាមួយរូបថត១សន្លឹករបស់ខ្លួនអង្គុយ​ពេបមាត់​ ពេលឃើញ ពេជ្រ សោភា និង ឆឹម សក្កដា កៀកកើយគ្នានោះ អ្នកស្រី ទ្រី ដាណា បានពោលពាក្យនៅយប់ថ្ងៃទី៣ ខែវិច្ឆិកាថា «បងពេជ្រសោភា កុហកខ្ញុំ»។

ក្រោយបង្ហាញភាព​ស្និទ្ធស្នាល​ជាមួយ​គ្នារួចមក ​អ្នកនាង ពេជ្រ សោភា បានហៅលោក ឆឹម សក្កដា ថាជាមិត្តភក្ដិ។ បន្ថែមលើនេះ នៅថ្ងៃទី១០ ខែវិច្ឆិកា អ្នកនាង ពេជ្រ សោភា បង្ហោះរូបថតជាមួយលោក ឆឹម សក្កដា ហើយពោលពាក្យថា «មិត្តភាពយូរអង្វែង មិត្តភាពខ្ញុំចេះ ខឹង ងរ ប្រច័ណ្ឌ អ្នកណាថា Private សប្បាយ មួម៉ៅ ហប់ៗចិត្តចង់ស្ទះ»។

ក្រោយមក ស្រាប់តែលោក ឆឹម សក្កដា បានបង្ហោះរូបថតជាមួយអ្នកនាងពេជ្រ សោភា ហើយនិយាយថា « អត់មានសង្សារនឹងគេ ថតជាមួយមិត្តភក្តិក៏បានដែរ មែនទេពួកម៉ាក? ពេជ្រ សោភា Pich Sophea»។ ជាការឆ្លើយតប ពេជ្រ សោភា បញ្ជាក់ថា «មែនតើមិត្តភក្តិ​ មិត្តភាពយូអង្វែង»។

តាមរយៈនេះ អ្នកគាំទ្រចូលទៅខំមិនព្រោងព្រាត ក្នុងនោះ ដោយឃើញចិញ្ចៀនពួកគេ មានការសន្និដ្ឋានថា ពួកគេនឹងចូលរោងការជាមួយគ្នាច្បាស់ណាស់។ ការពិត ឬយ៉ាងណានោះ មានតែរង់ចាំទស្សនាទាំងអស់គ្នា៕

Related posts