ភ្នំពេញ ៖ គេសង្កេតឃើញថា បទចម្រៀងOriginal Song ដែលចំណងជើងថា”មូសខាំ” និង”ទះមូស ” ពីសំណាក់តារាចម្រៀងកូនភ្លោះគឺលោកស៊ិន សុភានិងលោក ស៊ិន សុភ័ក្ត្រ ព្រមទាំងតារាស្រីកញ្ញា គង់ ច័ន្ទរដ្ឋា ពេលនេះកំពុងទទួលបានការគាំទ្រជាថ្មីនៅលើបណ្តាញសង្គមហ្វេសប៊ុក , TikTok និងយូធូ ប។
ជាក់ស្តែងក្រោយពេលដែលបទចម្រៀង”មូសខាំ”និង”ទះមូស “ត្រូវបានទម្លាយជាសាធារណ:នៅលើបណ្តាញសង្គមកាលពីថ្មីៗកន្លងមកនេះ គឺមានការយកទៅរាំត្រាប់តាមដោយការបញ្ចេញស្តាយ៍ប្លែកៗគ្នាពីសំណាក់បណ្តាអ្នកលេងនTikTok។
ជាការពិតបទចម្រៀងOriginal Songទាំង២បទខាងលើបន្ទាប់ពីត្រូវបានបញ្ចេញផ្សព្វផ្សាយជាផ្លូវការមិនទាន់បានប៉ុន្មានផងស្រាប់តែទទួលបានការគាំទ្រនិងមានការចែករំលែកយ៉ាងព្រោងព្រាតខណ:ចំនួនអ្នកទស្សនាក៏កើតឡើងជាបន្តបន្ទាប់។
យ៉ាងណាមិញ ខណ:ពេលដែលបទចម្រៀងOriginal Songដែលចំណងជើងថា”មូសខាំ” និង”ទះ មូស”កំពុងផ្ទុះការគាំទ្រនិងចាប់អារម្មណ៍ពីសំណាក់មហាជននេះដែរ គេឃើញតារាចម្រៀងកូនភ្លោះគឺលោកស៊ិន សុភា និងលោក ស៊ិន សុភ័ក្ត្រ ព្រមទាំងកញ្ញា គ ង់ ច័ន្ទរដ្ឋា បានសម្តែងក្តីរំភើបនិងអរគុណដល់អ្នកគាំទ្រ ដែលបានឲ្យតម្លៃនូវស្នាដៃផលិតបទចម្រៀង Original Song។
តារាចម្រៀងកូនភ្លោះបានបញ្ជាក់ដូច្នេះថា ចំពោះMVទាំង២បទខាងលើនេះ គឺត្រៀមផលិតចេញនាពេលឆាប់ៗខាងមុខដើម្បីបំពេញតាមការរង់ចាំរបស់ទស្សនិកជននិងមិត្តៗយុវវ័យដែលគាំទ្រ។សូមជម្រាបដែរថា សម្រាប់បទ”មូសខាំ”ជាការច្រៀងរួមគ្នាដោយតារាកូនភ្លោះលោកស៊ិន សុភានិងលោកស៊ិន សុ ភ័ក្ត្រ ចំណែកឯបទ”ទះមូស”គឺច្រៀងដោយតារាស្រី កញ្ញា គង់ ច័ន្ទរដ្ឋា។ ដើម្បីបានជម្រាបកាន់តែច្បា ស់សូមបង្វែរអារម្មណ៍ប្រិយមិត្តទស្សនាដូចខាង ក្រោមនេះ៕
