បែកធ្លាយអង្គហេតុ ប៉ែន ចំរុង ត្រូវតុលាការផ្តន្ទាទោសដាក់ពន្ធនាគារ ១០ ខែ សងសំណង ៦០ លានរៀល

ថ្មីៗនេះ អ្នកលេងបណ្តាញសង្គមហ្វេសប៊ុកជាច្រើន បាន និង កំពុងស្រឡាំងកាំងផ្ទុះការចាប់អារម្មណ៍យ៉ាងខ្លាំង ក្រោយពីមានគេទម្លាយដំណឹងរបស់តារាប្រុស និង ជាពិធីករ ប៉ែន ចំរុង ថាត្រូវតុលាការសម្រេចផ្តន្ទាទោសជាប់ពន្ធនាគារ ១០ ខែ និង ពិន័យជាទឹកប្រាក់ ៦០ លានរៀល ក្នុងករណីបរិហារកេរ្តិ៍។

តាមសារដែលគេទម្លាយនោះដែរ គេបានរៀបរាប់ថា ៖ «តុលាការបានសម្រេចផ្តន្ទាទោសតារាសម្តែង និង ពិធីករ លោក ប៉ែន ចំរុង និង បុគ្គលមួយរូបទៀត ឈ្មោះ ង៉ាន់ ពិសី ដាក់ពន្ធនាគារក្នុងម្នាក់ៗកំណត់រយៈពេល ១០ ខែ និង ពិន័យជាប្រាក់ក្នុងម្នាក់ៗចំនួន ១ លានរៀល ចូលជាថវិការដ្ឋពីបទបរិហារបង្កាច់កេរ្តិ៍ ប្រព្រឹត្តនៅរាជធានីភ្នំពេញ កាលពីអំឡុងឆ្នាំ ២០២១ បទល្មើសដែលមានចែងឱ្យផ្តន្ទាទោសតាមបញ្ញត្តិ មាត្រា ៣១១ និង មាត្រា ៣១២ នៃក្រមព្រហ្មទណ្ឌ។ ហើយបង្គាប់ឱ្យឈ្មោះ ប៉ែន ចំរុង និង ឈ្មោះ ង៉ាន់ ពិសី រួមគ្នាសងសំណងទៅឱ្យដើមបណ្តឹងឈ្មោះ គាន ណារិត ចំនួន ៦០ លានរៀល នៅពេលសាលក្រមនេះចូលស្ថាពរ។ សាលក្រមនេះជំនុំជម្រះជាសាធារណៈកាលពីថ្ងៃទី ១៦ ខែសីហា ឆ្នាំ ២០២២ ចំពោះមុខមេធាវីតំណាងឱ្យដើមបណ្តឹងរដ្ឋប្បវេណី កំបាំងមុខជនជាប់ចោទឈ្មោះ ប៉ែន ចំរុង ឈ្មោះ ង៉ាន់ ពិសី នឹងប្រកាសជាសាធារណៈ កាលពីថ្ងៃទី ០៧ ខែកញ្ញា ឆ្នាំ ២០២២ ទុកសិទ្ធិឱ្យប្តឹងទាស់ និង ប្តឹងឧទ្ទរណ៍តាមកំណត់ច្បាប់»។

យ៉ាងណានៅថ្ងៃដដែលនេះ ឯកសារសាលក្រមខាងលើក៏បានបែកធ្លាយជាបន្ត ដោយក្នុងនោះក៏បានបញ្ជាក់ច្បាស់ៗពីអង្គហេតុដែលលោក ប៉ែន ចំរុង និង បុគ្គល ឈ្មោះ ង៉ាន់ ពិសី ត្រូវតុលាការផ្តន្ទាទោសដាក់ពន្ធនាគារ ១០ ខែ សងសំណង ៦០ លានរៀល ពីបទបរិហារបង្កាច់កេរ្តិ៍ផងដែរ។

សូមអានអង្គហេតុលម្អិតខាងក្រោម៖

Related posts

Leave a Comment