អបអរសាទរ! ក្រោយត្រូវគ្នាវិញ, ធុញនឹងស្នេហាPrivateពេក, គូស្នេហ៍របស់ ថុល សុភិទិ ប្រកាសក្ដែងៗថា…

ក្នុងអំឡុងខែធ្នូ ឆ្នាំ២០២២កន្លងទៅនេះ អ្នកមេម៉ាយកូន១​រូប​ស្រស់ ឡុ​ង ម៉ា​នី​ន ( long Manin ) បានប្រកាសដំណឹងចែកផ្លូវជាមួយតារាចម្រៀង ថុល សុភិទិ យ៉ាងភ្ញាក់ផ្អើល ​ក្រោយ​ជួប​ឧបសគ្គ​មួយ​ចំនួន​ ដោយ​ត្រូវ​ប្រើប្រាស់​បណ្ដាញ​សង្គម​មួយ​ចំនួន​យល់​ឃើញ​ថា ពួកគេ​មិន​សក្ដិសម​នឹង​គ្នា​នោះ​។ ​

នៅពេលនោះ ​អ្នកនាង ឡុង ម៉ានីន បានប្រកាស​ថា «​លែង​បាន​ទើស​ពួក​ខ្ញុំ​ទៀត​ហើយ​ណា នៅ​ច្រើន​ទៀត​តែ​ខ្ជិល​ផុស ពាក្យ​ធ្ងន់​ៗ​ពេក​សម្រាប់​ខ្ញុំ ខ្ញុំ​មិន​ចង់​អោយ​គាត់​មានឈ្មោះ​មិនល្អ​ដោយសារ​មាន​សង្សារ​ដូច​ខ្ញុំ​ទេ ទើប​សម្រេចចិត្ត​ចាកចេញ មិន​ចង់​អោយ​ប៉ះពាល់​ក្តី​ស្រមៃ​គាត់ ស្រឡាញ់​ខំ​តស៊ូ​មក​យូរហើយ​»​។

ក្រោយប្រកាសបែកគ្នាក្នុងឆ្នាំចាស់ ស្រាប់តែចូលដល់ថ្ងៃទី៣១ ខែធ្នូ ជាថ្ងៃឆ្លងឆ្នាំថ្មី​​​ភ្លាម អ្នកនាង ឡុង ម៉ានីន ប្រកាសត្រូវគ្នាវិញ ជាមួយតារាចម្រៀង ថុល សុភិទិ ធ្វើឲ្យអ្នកគាំទ្ររបស់ពួកគេជាច្រើន បានសម្ដែងការអបអរសាទរ ខណៈអ្នកខ្លះជំរុញឲ្យពួកគេរៀបការឆាប់ៗផងដែរ។

បង្ហោះភ្ជាប់ជាមួយរូបថតដ៏ផ្អែមល្ហែមជាមួយគ្នា អ្នកនាង ឡុង ម៉ានីន បានប្រកាសក្ដែងៗនៅយប់ឆ្លងឆ្នាំថ្មីថា «សេចក្តីជូនដំណឹងខ្ញុំត្រូវគ្នាវិញហើយ សូមអរគុណ សូម​ជម្រាបលា»។

ក្រោយមកនៅថ្ងៃទី១ ខែមករា ឆ្នាំ២០២៣ អ្នកមេម៉ាយកូន១រូបនេះ បានបង្ហោះរូបថតដ៏ផ្អែមល្ហែមជាមួយគ្នាទៀត ហើយសន្យាថា «2023 អូនសន្យាទោះរថភ្លើងកិនដៃអូនក៏អូនមិនលែងអោយបងទៅណាដែរ»។ បន្ថែមលើនេះ អ្នកនាង ឡុង ម៉ានីន បានបញ្ជាក់ក្នុងខំមិនថា «ចាប់ពីថ្ងៃនឹងស្វីតអោយណាណីមើលធុញហា privateអីនឹង»៕

Related posts

Leave a Comment