ប្រិយមិត្តមួយចំនួន បានដឹងរួចមកហើយ ពេលនេះ ចំណងស្នេហ៍របស់តារាចម្រៀងពេជ្រ សូលីកា និងលោក គឹម ហាន បានឈានដល់ផ្លូវបំបែកហើយ។ តែនារីដ៏រឹងមាំរូបនេះ នៅតែដើរតួនាទី ជាម្ដាយផង ជាបងស្រីផង ក្នុងការមើលថែប្អូនស្រី ក៏ដូចជាកូនប្រុសដ៏គួរឲ្យស្រឡាញ់របស់ខ្លួន បានយ៉ាងល្អ។
ត្រឡប់ទៅអតីតកាលបន្តិច គេនៅចាំបានថា នៅពេលសម្រាលកូនរួចភ្លាមៗនោះ, ពេជ្រ សូលីកា តែងទទួលការរិះ.,គន់មួយចំនួនដូចជាមានកូនមុនការ, កូន ថាជាប្អូន, ដណ្ដើមសង្សារមិត្តភក្ដិជាដើម។
ទោះយ៉ាងណា រឿងទាំងនេះ អ្នកនាង ធ្លាប់បានធ្វើការបកស្រាយរួចអស់ហើយថា ជាប្អូនស្រីរបស់នាងពិតប្រាកដ ហើយមិនបានដណ្ដើមសង្សារអ្នកណានោះទេ បែកគ្នាហើយ បានអ្នកនាងយកតាមក្រោយ ហើយពេលស្គាល់គ្នា ក៏មិនដឹងថា ជាសង្សារមិត្តភក្ដិនោះដែរ។
និយាយពីប្អូនស្រីរបស់នាងវិញ ជាក្មេងស្រីម្នាក់ ដែលចេះលើកទឹកចិត្តបងស្រីរបស់ខ្លួនទៀតផង ពិតជាគួរឲ្យសរសើរខ្លាំងណាស់។ ជាក់ស្ដែង នៅមុនពេលបែកគ្នាជាមួយស្វាមី ហើយពេល ពេជ្រ សូលីកា ត្រូវគេរិះ,គន់ដូចខាងលើនោះ, ប្អូនស្រីដ៏ស្រស់ស្អាតរបស់អ្នកនាងឈ្មោះ«ម៉ីជីង» បានចូលរួមលើកទឹកចិត្ត និងប្រាប់កុំឲ្យខ្វល់ពីសម្ដីអ្នកដទៃ ដែលគ្មានសេចក្ដីសុខដូចពួកនាងនោះ។
នៅពេលនោះ ពេជ្រ សូលិកា បានស្រង់សម្ដីប្អូនស្រីខ្លួនមកបញ្ជាក់ដូច្នេះថា «មិនថាពួកខ្ញុំជួបរឿងអ្វីខ្លះ ប្អូនខ្ញុំតែងតែប្រាប់មកថា «ចែកុំទៅខ្វល់ពីមនុសស្សដែលគ្មានក្ដីសុខដូចពួកយើង » សម្ដីគាត់ពិត មិនបានប្រឌិត ចេះគិតជាងមនុស្សធំ…»។
ក្រៅពីជាក្មេងម្នាក់ចេះគិតគូរហើយនោះ, ស្ថិតក្នុងវ័យជាង១០ឆ្នាំ ម៉ីជីង ត្រូវបានគេមើលឃើញថា មានរូបរាង មុខមាត់ស្អាត ដូចបងស្រីខ្លួនអញ្ចឹង មើលទៅដូចបងប្អូនភ្លោះ។ ជាការកត់សម្គាល់ មុនពេលចែកផ្លូវជាមួយស្វាមីអ្នកនាង ពេជ្រ សូលីកា មិនសូវបង្ហោះរូបថតជាមួយគ្នានោះទេ តែមួយរយៈចុងក្រោយនេះ ពួកគេ ឧស្សាហ៍បង្ហោះរូបថតជាមួយគ្នាណាស់។
ដោយឡែក នៅក្នុងឱកាសកៀកចូលឆ្នាំចិននេះ ពួកគេ បានបង្ហោះរូបថតរៀងៗខ្លួន នៅលើទំព័រហ្វេសប៊ុក។ ម៉ីជីង បានបង្ហោះរូបថតដ៏ស្រស់ស្អាតក្នុងឈុតប្រពៃណីចិន អមដោយសារជូនពរថា «ជូនពរបងប្អូន សុខភាពល្អ 新年快乐»។ ដោយឡែក ពេជ្រ សូលីកា បានបង្ហោះរូបថតក្នុងឈុតប្រពៃណីចិនដូចគ្នា អមដោយសារប្រាប់ថា «ឃើញអាមួយ ហើយចុច share មានសំណាងពេញមួយជីវិត និង លុយចូលច្រើនៗ »៕
