ពួក​គាត់​ស្រឡាញ់​គ្នា​ណាស់​​! ចូល​ឆ្នាំ​ចិន​ ម្ដាយចូលបន្ទប់សង្គ្រោះបន្ទាន់ ពូម៉ៅ អត់ប្រាប់ថាឈឺអី ដល់​តាមដាន​ទើបដឹងថា…(មានវីដេអូ)

ប្រិយមិត្តមួយចំនួនបានជ្រាបរួចមកហើយថា ក្រោយពី​លែងលះ​ជាមួយ​អតីត​ភរិយា អ្នកស្រី ទ្រី ដាណា ​រួចមក ពូ​ម៉ៅ បានរស់នៅ ប្រើ​ជីវិត​យ៉ាង​សាមញ្ញ ពោរពេញ​ដោយ​ក្ដី​សុខ ដោយពេល​ខ្លះ​ឃើញ​លោក ជិះ​ម៉ូតូ ដើរហើរ​ធម្មតា បើ​ទោះ​បច្ចុប្បន្ន លោក​នៅតែមាន​ឡាន​ទំនើប​ជិះ​ក៏ដោយចុះ​។​

ងាក​មក​ការហូបចុក​វិញ​ក៏​សាមញ្ញ​ដែរ ដោយ​ធ្លាប់​តែមាន​គេ​ធ្វើ​ម្ហូប​ឲ្យ​ស្រាប់ៗ ម្ហូប​ពាសពេញ​តុ តែ​ពេល​រស់នៅ​ក្នុង​ជីវិត​ជា​ពោះម៉ាយ​នោះ​វិញ ពេលខ្លះ​ក៏​ធ្វើ​ម្ហូប​ខ្លួនឯង ហើយ​ពេលខ្លះ​ក៏​ម្ដាយ​ជាទី​ស្រឡាញ់​ធ្វើ​ម្ហូប​ឲ្យ​ហូប​យ៉ាង​ឈ្ងុយឆ្ងាញ់។

និយាយដល់ម្ដាយវិញ កន្លងមក បើទោះអតីតភរិយាយល់យ៉ាងណាក៏ដោយ តែសម្រាប់ពូម៉ៅ ជាកូន ពិតជាមានក្ដីស្រឡាញ់ចំពោះអ្នកមានគុណរូបនេះខ្លាំងណាស់ ដោយតែងតែពោលពាក្យសរសើរមិនដាច់ពីមាត់ ធ្វើឲ្យអ្នកគាំទ្រពិតជា​ស្ញប់ស្ញែង​ចំពោះទឹកចិត្ត និងការដឹងគុណរបស់ពូម៉ៅខ្លាំងណាស់។

ដោយឡែក ក្នុងឱកចូលឆ្នាំចិននេះ គេគ្រប់គ្នាដើរលេងសប្បាយ ពូម៉ៅ វិញ បានត្រឹមបង្ហោះរូបថតជាច្រើនសន្លឹកនៅលើគណនីទីកតុករបស់ខ្លួន ហើយពោលពាក្យថា «ចូលឆ្នាំចិនកំដរម្ដាយនៅពេទ្យ»។

តាមរយៈនេះ ពូម៉ៅ មិនបានបញ្ជាក់ថាម្ដាយរបស់ខ្លួនឈឺអ្វីនោះឡើយ។ តែបើតាមគណនីហ្វេសប៊ុកមួយឈ្មោះ «ហ៊ីង វណ្ណៈ» ត្រូវជាបងប្អូនពូម៉ៅ បានបង្ហោះរូបថតអ្នកម្ដាយលើគ្រែពេទ្យ ហើយពោលពាក្យថា «7យប់ 8ថ្ងៃ ដើម្បីព្រះរស់»។ នៅពេលនោះ មានគេសួរថា «អ៊ំកើតអីបង », លោកក៏បានបញ្ជាក់ថា «គាត់ធ្លាយក្រពះ ឥលូវវះកាត់ បានធូរបន្តិចហើយ»។

ក្រោយមក គេឃើញគណនីហ្វេសប៊ុកឈ្មោះ «Sothea RaOne » បានបង្ហោះរូបថតម្ដាយឪពុកក្មេក ហើយពោលពាក្យថា «ទាន់នៅមានពេលអាចថែទាំគ្នា ស្រឡាញ់យល់ចិត្តគ្នាអោយបានច្រើនៗទាន់មានឱកាស យើងម្នាក់ៗមើលមិនឃើញថ្ងៃស្អែកទេ កុំអោយស្តាយក្រោយ​ ជូនពរម៉ាក់ក្មេកឆាប់ជាត្រលប់ទៅផ្ទះវិញឆាប់ៗ»។ តាមរយៈរូបថតនេះ ឃើញថា ឪពុករបស់ពូម៉ៅ បានស្រឡាញ់មើលថែម្ដាយរបស់លោកបានយ៉ាងល្អ ដូចពាក្យចាស់ពោលថា «ក្មេង​ស្រឡាញ់​គ្នា​ម្ដង​ ដល់ចាស់កោង​ខ្នង​ ស្រឡាញ់​គ្នា​ម្ដង​ទៀត»៕


Related posts

Leave a Comment