នៅយប់ថ្ងៃទី២៧ ខែមករា ឆ្នាំ២០២៣ តារាចម្រៀង ទេព បូព្រឹក្ស និង ងួន ចាន់ដេវីត បានរៀបចំពិធីជប់លៀង១ ដើម្បីបញ្ជាក់ពីភេទកូនរបស់ខ្លួន ដោយអញ្ជើញអ្នកសិល្បៈជាច្រើនចូលរួមនោះ។
មុនកម្មវិធីចាប់ផ្ដើម ទេព បូព្រឹក្ស បានបង្ហោះរូបថត អមដោយសារថា «ថ្ងៃនេះអ្នក ដែលចូលរួមកម្មវិធី របស់នាងខ្ញុំគិតឲ្យច្បាស់ណា ថាboy or girlសម្លៀកបំពាក់ឲ្យត្រូវពណ៌ណា boy(blue) girl( red)អ្នកដែលទាយត្រូវមានរង្វាន់ជាពិសេស ជូនជាកាដូអនុស្សាវរីយ៍ ចិញ្ចៀន មាស ចាស see you»។
រហូតមកដល់យប់ថ្ងៃទី២៧ ខែមករា ឆ្នាំ២០២៣ ទេព បូព្រឹក្ស និង ងួន ចាន់ដេវីត មិនទាន់បានបង្ហោះសារ បញ្ជាក់ប្រាប់ពីភេទកូនរបស់ខ្លួន នៅលើទំព័រហ្វេសប៊ុក ឲ្យអ្នកគាំទ្របានដឹងនៅឡើយ។ ទោះយ៉ាងណា អ្នកចូលរួម បានដឹងលទ្ធផលរួចទៅហើយ។
ជាក់ស្ដែង ជាក់ស្ដែង Alex CoNan ដែលជាអ្នកចូលរួម បានបញ្ជាក់ច្បាស់ៗថា កូនរបស់តារាចម្រៀងឯករាជ្យទាំង២នាក់ខាងលើនេះ ជាកូនប្រុស។ Alex CoNan បានបញ្ជាក់ដូច្នេះថា «ចែTep Boprekបានកូនប្រុសនិយាយលែងចេញម៉ង មិនអីទេចាំក្មួយប្រុសខ្ញុំធំឡើងអាយុ4ឆ្នាំបង្រៀនតែងស្រីដូចមីងតា»។
ស្របពេលអ្នកគាំទ្រខ្លះបានដឹងលទ្ធផល អ្នកខ្លះមិនទាន់បានដឹងនោះ អ្វីជាការចាប់អារម្មណ៍ ត្រង់ថា ឪពុករបស់តារាចម្រៀង ងួន ចាន់ដេវីត ដែលបានចូលរួមក្នុងពិធីជប់លៀង បានបង្ហោះរូបថតជាមួយកូនប្រុស អមដោយCaptionយ៉ាងឡូយថា «មួយឆ្នាំមកភ្នំពេញម្ដង និយាយពីតារាតាមសុំថតជាមួយ ណ្ហើយដាក់មួយអោយមានសេរីមង្គល»។
គ្រាន់តែឃើញCaptionនេះភ្លាម អ្នកគាំទ្រ G-Devithចូលស៊ែរផង ខំមិនផង ដោយលាន់មាត់ថា «Caption កប់អ៊ំ, Caption សាហាវ, ទ្រឹស្ដីកូនក៏អែមប៉ាក៏អែម, G-Devith អែបកៀន!, សង្ហាខ្លាំងណាស់លោកពូ, សង្ហាមិនចាញ់គ្នា, Caption ញាក់ម៉ងឪ, ញាក់ម៉ង Captai, ប៉ាអ៊ំកាន់តែកាច, យីប៉ាប៉ា, ឆ្ងាញ់ត្រង់ណ្ហើយនឹងតា»៕
