អតីតតារាកំប្លែង និងអ្នកលេងល្ខោនបាសាក់ល្បីឈ្មោះ អ្នកនាង ផន សុផារី ក្រោយរៀបការ រហូតមកដល់ពេលនេះ អ្នកនាង មានកូនចំនួន២នាក់ ក្នុងបន្ទុក ជាមួយនឹងការរស់នៅយ៉ាងមានសុភមង្គល។
និយាយពីកូនរបស់អ្នកនាង ផន សុផារី ឈ្មោះ វណ្ណារ៉ា ហៅ អ៊ែលលី (Ellie)វិញ ត្រូវបានអ្នកលេងបណ្ដាញសង្គមមានការចាប់អារម្មណ៍ និងក្នាញ់ខ្លាំងណាស់ ដោយសារតែកុមារីរូបនេះ ពូកែ សើច យំ លេងទឹកមុខ ក្រមិចក្រមើម គួរឲ្យស្រឡាញ់នោះ រហូតមានអ្នកខ្លះហៅនាងថា ជាស្ដេចមនុស្សទៀតផង។
ចំណែកឯកូនស្រីច្បងរបស់ អ្នកនាង ផន សុផារី កុមារី Bella វិញ ក៏ទទួលបានការចាប់អារម្មណ៍ពីមហាជនមិនស្ទើរនោះដែរ។ និយាយរួម ពួកគេទាំង២នាក់បងប្អូននេះ នៅវ័យកុមារភាពសោះ អាចចូលរួមចំណែកឲ្យមុខរបររកស៊ីរបស់អ្នកម្ដាយរីកចម្រើនពីមួយថ្ងៃទៅ១ថ្ងៃទៅហើយ តាមរយៈភាពល្បីល្បាញរបស់ពួកគេ។
ដោយឡែក ថ្មីៗនេះ ស្រាប់តែអ៊ែលលី បាក់ធ្មេញ ហើយទាំងឪពុក និងអ្នកនាង ផន សុផារី ជាម្ដាយ បានបង្ហោះរូបថតកូន អមដោយសារដ៏គួរឲ្យចាប់អារម្មណ៍ដូចគ្នាថា «ដំណឹងស្វែងរកធ្មេញ
កាលពីថ្មីៗកន្លងមកនេះ កុមារី ស្រីលី បានជ្រុះបាត់ធ្មេញមួយកំណាត់ ឥឡូវនេះកំពុងតែប្រឈមនឹងបញ្ហាយ៉ាងធ្ងន់ធ្ងរ ដោយសារតែម៉ាក់ និងប៉ារបស់ស្រីលី មិនទាន់ធ្វើចិត្តទទួលយកបាននៅមុខមាត់ថ្មីរបស់ស្រីលីនៅឡើយទេ»។
តាមរយៈនេះ ហ្វេនៗចាប់អារម្មណ៍ជាខ្លាំង ចូលទៅខំមិនព្រាត ទាំងអស់សំណើចថា «អត់ធ្មេញ១ចឹងទៅ ក៏នៅតែ Cute តែមើលរូបហ្នឹងហើយខ្ញុំសើចគាំងជិតកន្លះម៉ោងហើយបង , Ellie ចង់អោយធ្មេញមានខ្យល់ចេញចូល, ធ្មេញចឹងកាន់តែច្រឡឺម, ដល់ចឹងលែងសមនឹងចរិតបាត់, អូនយំឡើងបាត់ធ្មេញ…»៕
