កាលពីថ្ងៃទី៩ ខែមករា ឆ្នាំ២០២៣កន្លងទៅនេះ, គូស្នេហ៍ ស្រឡាញ់ភេទដូចគ្នាមួយគូ បានសម្រេចចូលរោងភ្ជាប់ពាក្យជាមួយគ្នា ធ្វើឲ្យអ្នកប្រើប្រាស់តាមបណ្តាញសង្គមជាច្រើននាក់ ផ្ទុះការចាប់អារម្មណ៍ជាខ្លាំង។
អ្វីដែលចាប់អារម្មណ៍ខ្លាំងនោះត្រង់ថា កូនក្រមុំ មានមុខមាត់ស្អាតគួរឲ្យស្រឡាញ់, ខណៈកូនកំលោះ មានមុខមាត់មិនស្អាត ហើយមើលទៅចាស់ថែមទៀត។ តាមរយៈនេះហើយ ទើបមានការវែកញែកជាច្រើនចំពោះសេចក្ដីស្រឡាញ់របស់ពួកគេ ដោយអ្នកខ្លះថា ស្រឡាញ់ដោយសារលុយ, មុខមាត់ស្អាតបាត ម៉េចទៅស្រឡាញ់ស្រីដូចជាដើម។
ទោះយ៉ាងណា ពេលនោះ នារីជាសាមីខ្លួនប្រើប្រាស់គណនីទីកតុកឈ្មោះ «Nika Nika» ប្រាប់ថា ធ្វើម៉េច បើ ព្រហ្មលិខិត កំណត់ឲ្យខ្លួនស្រលាញ់មនុស្សស្រីដូចគ្នា ហើយមិនដឹងកែចរិត ឲ្យមកស្រលាញ់ មនុស្សប្រុសវិញ យ៉ាងម៉េចទេ ហើយការស្រឡាញ់នេះ ដោយចិត្តនិងចិត្ត មិនមែនដោយសារលុយនោះឡើយ។
តាំងពីពេលនោះមក គេឃើញនារីខាងលើ តែងតែបង្ហាញភាពផ្អែមល្ហែមជាមួយគ្នាតាមរយៈការបង្ហោះវីដេអូជាបន្តបន្ទាប់។ ទោះយ៉ាងណា ក្នុងចំណោមវីដេអូទាំងនោះ មានវីដេអូ១ ដែលទើបបង្ហោះនៅថ្ងៃទី៦ ខែកុម្ភៈ ឆ្នាំ២០២៣នេះ គេឃើញខាងប្រុស មើលថែដូចព្រះនាង បញ្ចុកចំណីខាងស្រីយ៉ាងយកចិត្តទុកដាក់។
ក្រោយឃើញវីដេអូនេះ អ្នកលេងបណ្ដាញសង្គមទីកតុកចូលទៅខំមិនព្រាត ក្នុងនោះមតិខ្លះលើកឡើងថា «ខ្ញុំមើលទៅដូចអ្នកបម្រើបង ឲ្យខ្ញុំសុំទោស ដែលខ្ញុំខំមិន, មើលទៅដូចអ្នកបម្រើ អត់ដូចគូស្នេហ៍ទេបង សុំទោស ដែលនិយាយអញ្ចឹង, ខ្ញុំអាណិតបងស្រី ឃើញសឹងគ្រប់វីដេអូ គ្រាន់តែបញ្ចុកគ្រប់ពេលអញ្ចឹង, ឲ្យមនុស្សចាស់បម្រើអញ្ចឹងអត់ខ្លាចបាបទេអូ»។
ផ្ទុយពីការយល់ឃើញខាងលើ មតិមួយចំនួនទៀត លើកឡើងថា «ក្ដីសុខណាស់បង, កុំខ្វល់សម្ដីគេអី, ក្ដីសុខមិនស្ថិតលើមាត់ និងភ្នែកអ្នកដទៃឡើយ ដឹងត្រឹមយើងមានក្ដីសុខបានហើយបង»៕ ដើម្បីកាន់តែជ្រាបច្បាស់ជាងនេះទៅទៀតនោះ, សូមទស្សនា វីដេអូ ខាងក្រោមនេះ ៖
