ចំណងស្នេហ៍របស់ពូម៉ៅ និងអ្នកស្រី ទ្រី ដាណា មុនលែងលះគ្នាបន្សល់ទុកនូវកូនប្រុសម្នាក់ ហើយពេលនេះ បើទោះគ្មានវត្តមានរបស់កូនប្រុសតែម្នាក់គត់នៅក្បែរខ្លួនក៏ដោយ ក៏ពូម៉ៅ នៅតែទទួលបានការយកចិត្តទុកដាក់ពីក្មួយប្រុសដែរ។
ជាក់ស្ដែងនៅថ្ងៃទី១៤ ខែមីនា ឆ្នាំ២០២៣នេះ ពូម៉ៅ បានភ្លេចថ្ងៃខួបកំណើតរបស់ខ្លួនទៅហើយ តែបានក្មួយប្រុសចងចាំ ក៏ទិញនាឡិកាឲ្យ១គ្រឿងជាការលើកទឹកចិត្ត ដោយសារតែឃើញអ៊ំ ពាក់របស់ដដែលៗ មិនព្រមធ្វើការផ្លាស់ប្ដូរនោះ។
បង្ហោះភ្ជាប់ជាមួយរូបថតក្មួយយកនាឡិកាឲ្យនៅថ្ងៃទី១៤ ខែមីនា, ពូម៉ៅ បានពោលពាក្យថា «ភ្លេចថ្ងៃខួបខ្លួនឯងអរគុណក្មួយសម្រាប់កាដូរ។ ក្មួយថា ឃើញអ៊ំពាក់នាឡិកាដដែលៗដូរថ្មីអោយលោកអ៊ំមួយ ក្មួយដឹងថា លោកអ៊ំមិនមែនជាមនុស្សសម្ភារៈ និយមទេ តែនេះទឹកចិត្តក្មួយត្រូវទទួល ។ អរគុណក្មួយជូនពរក្មួយ មាន សុខភាពល្អ រៀនពូកែ សម្រេចក្តីប្រាថ្នា»៕
