នាវាចម្បាំង​អ៊ីរ៉ង់​ច្រ​លំ​បាញ់​ដាក់គ្នា​អំឡុង​ពេលធ្វើ​សមយុទ្ធ​បណ្តាល​ឲ្យ​ទាហានជើងទឹក​២០​នាក់​ស្លាប់​

​ទូរទស្សន៍​រដ្ឋ​អ៊ីរ៉ង់​បាន​រាយការណ៍​នៅ​ថ្ងៃ​ចន្ទ​នេះ​ថា ទាហានជើងទឹក​អ៊ីរ៉ង់​យ៉ាងតិច​២០​នាក់​ត្រូវបាន​សម្លាប់​និង​ច្រើន​នាក់​ទៀត​រងរបួស​នៅក្នុង​ឧប្បត្តិហេតុ​មួយ​លើ​នាវា​យោធា​មួយគ្រឿង​អំឡុង​ការធ្វើ​សមយុទ្ធ​នាវា​ជើង​ទឹក​ក្នុង​ឈូង​សមុទ្រ​អូ​ម៉​ង់​។​

​ទូរទស្សន៍​រដ្ឋ​បាន​ផ្សាយ​ថា “​ឧប្បត្តិ​ហេតុនេះ​បានកើត​ឡើង​នៅ​ជិត​កំពង់ផែ Jask ភាគខាងត្បូង​ប្រទេស​អ៊ីរ៉ង់​នៃ​ឈូង​សមុទ្រ​អូ​ម៉​ង់​អំឡុង​សមយុទ្ធ​កងទ័ពជើងទឹក​អ៊ីរ៉ង់​កាលពី​ថ្ងៃអាទិត្យ​។ មនុស្ស​ចំនួន​២០​នាក់​បាន​ស្លាប់​និង​ជាច្រើន​នាក់​ទៀត​រងរបួស​”​។​

​ភ្នាក់ងារ​ព័ត៌មាន Fars បាន​រាយការណ៍​ថា ឧប្បត្តិ​ហេតុនេះ​បានកើត​ឡើងលើ​នាវា Konarak ដែល​បាន​ចូលរួម​ក្នុង​កង​នាវាចរ​កាលពី​ឆ្នាំ​២០១៨​។​

​ទីភ្នាក់ងារ​ព័ត៌មាន Tasnim របស់​អ៊ីរ៉ង់​បាន​និយាយថា នាវា​មួយគ្រឿង​ផ្សេងទៀត​បាន​ច្រ​លំ​បាញ់​មី​ស៊ី​ល​ចូល​នាវា Konarak អំឡុង​ពេលធ្វើ​សមយុទ្ធ​បាញ់​គ្រាប់​ពិត​។​

​ទីភ្នាក់ងារសារព័ត៌មាន​ដដែល​នេះ​បាន​បន្តថា “​នាវាចម្បាំង Jamaran របស់​អ៊ីរ៉ង់​បាន​ច្រ​លំ​ដៃ​បាញ់​មី​ស៊ី​ល​ដាក់​នាវា Konarak”៕


Related posts

Leave a Comment