កាន់តែក្ដៅហើយ! មេធាវីទទួលខុសត្រូវរឿង Tangmo ទម្លា.យថា អ្នកទាំង៥នៅលើទូកអាចនឹងកា.ត់ទោ.ស (មានវីដេអូ)

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

គេ​នៅ​ចាំ​បាន​ថា តារា​ស្រី​Tangmo បាន​ធ្លាក់​ចូល​ទន្លេ​ចៅ​ប្រា​យ៉ា​ កាលពី​យប់​ថ្ងៃ​ទី​២៤ កុម្ភៈ ពី​ទូក​ល្បឿន​លឿន​ជាមួយ​អ្នក​រួមដំណើរ​៥​នាក់​ផ្សេងទៀត​ជិះ​លើ​នោះ។ សាកសព​របស់​នាង ​ត្រូវបាន​គេ​រកឃើញ​ពីរ​ថ្ងៃ​ក្រោយមក​នៅ​មិន​ឆ្ងាយ​ប៉ុន្មាន​ពី​កន្លែង​ដែល​ឧប្បត្តិហេតុ​កើតឡើង​នៅ​ជិត​ផែ Pibul 1 ក្នុង​ខេត្ត Nonthaburi។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

រហូតមកដល់ពេលនេះ មានរយៈពេលជាង១ខែទៅហើយ សំណុំរឿងរបស់នាងនៅមិនទាន់បញ្ចប់នៅឡើយ ហើយហាជនថៃ កំពុងទន្ទឹងរង់ចាំមើលយ៉ាងអន្ទះសារថា លទ្ធផលចុងក្រោយនៃការស្លាប់របស់នាងបណ្ដាលមកពីអ្វីឲ្យប្រាកដនោះ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

មនុស្សចំនួន៥នាក់នៅលើទូកជាមួយTangmoក្នុងអំឡុងពេលនាងធ្លាក់ចូលទឹកទន្លេនោះរួមមាន លោកTanupat “Por” Lerttaweewit, លោកPhaiboon “Robert” Trikanjananun, នាងIdsarin “Gatick” Juthasuksawat, នាងWisapat “Sand” Manomairat និង លោកNitas “Job” Kiratisoothisathorn។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ងាកមកលោក Decha Kittiwitthayananចាប់តាំងពីតែងតាំង ជាមេធាវីទទួលខុសត្រូវលើសំណុំរឿងក្តីការស្លាប់របស់តារាសម្ដែងស្រី Tangmo Nida មក ពេលនេះ​មេធាវី​រូបនេះ ​បានបង្ហោះពីដំណើរការរឿងក្តីបន្ថែម ដោយរំពឹងថា ក្រុមមនុស្សទាំង ៥ នាក់នៅលើទូកនឹងត្រូវកាត់ទោសទាំងអស់។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

កាលពីថ្ងៃទី ០៣ ខែមេសា ឆ្នាំ២០២២ នៅលើបណ្តាញសង្គមរបស់មេធាវីរូបនេះ ​បានបង្ហោះដំណឹង​ថ្មីក្នុងដំណើរ​ការរឿងសំណុំ​រឿងរបស់ ​Tangmo ដោយសរសេររៀបរាប់ថា ៖ «ម៉ោង ៣:០០ រសៀល Sand ​នឹងចូល​ខ្លួនមក​ជួបមន្រ្តីស៊ើប​អង្កេត។ ​ហើយថ្ងៃនេះ ​(ថ្ងៃ ០៣ ​ខែមេសា) ​អាចនឹងមាន​ដំណឹងល្អបន្ថែម​ទៀត ដែល​ត្រូវ​​កាត់ទោស​បន្ទាប់។ ​ជឿខ្ញុំចុះ ក្រុមមនុស្សទាំង ៥ នាក់នៅលើទូកមិនរួចខ្លួនទេ/កាត់ទោសទាំងអស់»។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

យ៉ាងណាមិញ ករណីនេះគឺជារឿងដែលសង្គមផ្តោតការតាមដានជាខ្លាំង ហើយជាករណីមួយដែលត្រូវបានគេ​ឃ្លាំ​​មើល​ដោយរង់ចាំ​ការសន្និដ្ឋាន​នឹងបញ្ចប់​​ទៅយ៉ាង​ដូច​ម្តេច​។ ​នៅពេល​ដែលមេធាវី Decha ​បង្ហោះបែបនេះ​ភ្លាម ក៏​មានមហាជនក្នុង​បណ្តាញសង្គមជាច្រើន​បានចូល​តាមដានយ៉ាង​រហ័ស ​ហើយរង់ចាំមើល បន្ទាប់ពីម៉ោង ៣​រសៀ​​ល​នេះ​ហើយ ​តើនឹងមានការផ្លាស់ប្តូរ ឬ ដំណើរការរឿងក្តីអ្វីខ្លះអំពីករណីនេះ៕

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​



Related posts

Leave a Comment