ក្រុមមន្ត្រីបាននិយាយថា លោកយាយអាយុ១១៣ឆ្នាំម្នាក់ដែលត្រូវបានគេជឿថាជាស្ត្រីមានវ័យចំណាស់ជាងគេបំផុតនៅក្នុងប្រទេសអេស្ប៉ាញបានជាសះស្បើយពីវីរុសកូរ៉ូណា។
លោកយាយ Maria Branyas ត្រូវបានគេធ្វើរោគវិនិច្ឆ័យឃើញថាមានជំងឺ Covid-19 បន្ទាប់ពីប្រទេសនេះត្រូវបានបិទកាលពីខែមីនា។
ប៉ុន្តែបន្ទាប់ពីស្ថិតក្នុងការដាក់នៅដាច់ដោយឡែករយៈពេលជាច្រើនសប្តាហ៍ លោកយាយ Branyas បានធូរស្បើយឡើងវិញដោយមានត្រឹមតែរោគសញ្ញាស្រាលប៉ុណ្ណោះ។
បើគិតតាមអាយុរបស់លោកយាយមានន័យថា លោកយាយបានរស់នៅដោយឆ្លងកាត់ជំងឺផ្តាសាយរាតត្បាតជាសកលឆ្នាំ១៩១៨-១៩, សង្គ្រាមស៊ីវិលអេស្ប៉ាញឆ្នាំ១៩៣៦-៣៩និងវីរុសកូរ៉ូណានេះតែម្តង៕
